Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ଆଶ୍ଵିସ୍ତକର ଖବର: ଦେଶରେ କମୁଛି କରୋନା ମୃତ୍ୟୁହାର, ବଢୁଛି ସୁସ୍ଥ ରୋଗୀଙ୍କ ସଂଖ୍ୟା

17/04/2020 at 4:32 PM

ନୂଆଦିଲ୍ଲୀ ୧୭।୦୪:  ଭାରତରେ କରୋନା ଭାଇରସ୍‌ର ପ୍ରକୋପ କ୍ରମାଗତ ବଢିବାରେ ଲାଗିଛି। ପ୍ରତି ଦିନ ଶତାଧିକ ସଂକ୍ରମିତ ଚିହ୍ନଟ ହେଉଛନ୍ତି, ଯାହା ସରକାରଙ୍କ ଚିନ୍ତାକୁ ବଢାଇ ଦେଉଛି। ମାତ୍ର ବଢୁଥିବା ରୋଗୀଙ୍କ ସଂଖ୍ୟା ମଧ୍ୟରେ ଆସିଛି ଏକ ଆଶ୍ଵସ୍ତିକର ଖବର। ଦେଶରେ ସଂପ୍ରତି କରୋନା ରୋଗରୁ ସୁସ୍ଥ ହେବା ରୋଗୀଙ୍କ ସଂଖ୍ୟା ବୃଦ୍ଧି ଘଟିଛି। ଏହା ସହିତ ମହାମାରୀରେ ମୃତ୍ୟୁ ସଂଖ୍ୟା ମଧ୍ୟ ହ୍ରାସ ପାଉଛି।

ସ୍ଵାସ୍ଥ୍ୟ ମନ୍ତ୍ରଣାଳୟ ଦ୍ଵାରା ପ୍ରତିଦିନବ କରୋନା ସମ୍ବନ୍ଧୀୟ ତଥ୍ୟ ଉପସ୍ଥାପନ କରାଯାଉଛି। ସେଥିରେ ଏହି ମହତ୍ଵପୂର୍ଣ୍ଣ ସୂଚନାକୁ ସାମିଲ କରାଯାଇଛି। ତଥ୍ୟ ଅନୁସାରେ ଗତ ୨୪ ଘଣ୍ଟାରେ ଦେଶରେ ୨୬୦ ଜଣ କରୋନାରୁ ସୁସ୍ଥ ଲାଭ କରିଛନ୍ତି ଏବଂ ସେମାନଙ୍କୁ  ହସ୍ପିଟାଲରୁ ଡିସଚାର୍ଜ କରାଯାଇଛି। ଗୋଟିଏ ଦିନରେ ଏହା ସର୍ବାଧିକ ସୁସ୍ଥ ହୋଇଥିବା ଲୋକଙ୍କ ସଂଖ୍ୟା। ପୂର୍ବରୁ ଗୋଟିଏ ଦିନରେ ସବୁଠୁ ଅଧିକ ୧୮୩ ରୋଗୀ ସୁସ୍ଥ ହୋଇଥିଲେ।

ଏହା ବ୍ୟତୀତ ଦେଶରେ କରୋନା ଭାଇରସ୍ ମାମଲା ସାମ୍ନାକୁ ଆସିବା ହ୍ରାସ ପାଇଛି। ପ୍ରଥମେ ଦେଶରେ କରୋନା ଭାଇରସ୍‌ରେ ସଂକ୍ରମିତଙ୍କ ସଂଖ୍ୟା ଦୁଇ ତିନି ଗୁଣ ରହୁଥିଲା, ମାତ୍ର ଗତ କିଛି ଦିନ ହେବ ଏଥିରେ ହ୍ରାସ ଦେଖିବାକୁ ମିଳିଛି।  ଭାରତରେ କରୋନା ଭାଇରସ୍ ମହାମାରୀ କାରଣରୁ ୪୦୦ରୁ ଅଧିକ ଲୋକଙ୍କ ପ୍ରାଣହାନୀ ଘଟି ସାରିଛି। ହେଲେ ଗତ କିଛି ଦିନରେ ଦେଶରେ ମୃତ୍ୟୁ ସଂଖ୍ୟାରେ ହ୍ରାସ ଦେଖିବାକୁ ମିଳିଛି। ମୋଟ୍ ଆସୁଥିବା କରୋନା ସଂକ୍ରମିତଙ୍କ ମଧ୍ୟରେ ମୃତ୍ୟୁହାର ମାତ୍ର ୩.୩ ପ୍ରତିଶତ ରହିଛି, ଯାହା କୌଣସି ବି ୟୁରୋପୀୟ ଦେଶଠୁ ବହୁତ କମ।

ଗତ ଦିନରେ ସୁସ୍ଥ ହେଉଥିବା ରୋଗୀଙ୍କ ହାର

ବୁଧବାର- ୧୧.୪୧ ପ୍ରତିଶତ

ଗୁରୁବାର- ୧୨.୦୨ ପ୍ରତିଶତ

ଶୁକ୍ରବାର- ୧୩.୦୬ ପ୍ରତିଶତ

ଗତ ସପ୍ତାହ ସୁଦ୍ଧା ସ୍ପେନରେ ମୃତ୍ୟୁହାର ୯.୩୭ ପ୍ରତିଶତ ଥିଲା। ସେହି ପରି ଇଟାଲୀରେ ୧୨.୭୨ ପ୍ରତିଶତ ଓ ୟୁନାଇଟେଡ୍ କିଙ୍ଗଡମରେ ୧୨ ପ୍ରତିଶତ ଥିଲା।

ଉଲ୍ଲେଖଯୋଗ୍ୟ, ଆଜି ଶୁକ୍ରବାର ସକାଳ ସୁଦ୍ଧା ସ୍ଵାସ୍ଥ୍ୟ ମନ୍ତ୍ରଣାଳୟ ଦ୍ଵାରା ଜାରି ତଥ୍ୟ ମୁତାବକ, ମୋଟ୍ କରୋନା ସଂକ୍ରମିତ ସଂଖ୍ୟା ୧୩,୩୮୭ ରହିଥିବା ବେଳେ ୪୩୭  ଜଣଙ୍କ ପ୍ରାଣହାନୀ ଘଟିଥିଲା। ଦେଶରେ ଏ ପର୍ଯ୍ୟନ୍ତ ୧୭୪୯ ରୋଗୀ ସୁସ୍ଥ ହୋଇ ଘରକୁ ଫେରିଛନ୍ତି।

   Related Posts