Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗ୍ୟାଙ୍ଗଷ୍ଚର ହାଇଦର ଗିରଫ ।। ତେଲେଙ୍ଗାନାରୁ ଗିରଫ କଲା ପୋଲିସ ।। ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀଙ୍କ ସୂଚନା ।। ଏପ୍ରିଲ ୧୦ରେ କଟକ ଏସସିବି ମେଡିକାଲ କଲେଜ ହସ୍ପିଟାଲରୁ ହୋଇଯାଇଥିଲା ଫେରାର
  • ||
  • ଅନ୍ୟ ରାଜ୍ୟକୁ ବସ ସେବା ବନ୍ଦ, ୫୦ ପ୍ରତିଶତ କର୍ମଚାରୀରେ ଚାଲିବ ସରକାରୀ ଅଫିସ, କୋଚିଂ ସେଣ୍ଟରରେ ଅଫ୍‌ଲାଇନ୍‌ କ୍ଲାସ୍‌ ମନା । ବିବାହ ପାଇଁ ସର୍ବାଧିକ ୫୦ ଜଣ ଏବଂ ଅନ୍ତିମ ସଂସ୍କାର ପାଇଁ ଅତିବେଶୀରେ ୨୦ ଜଣଙ୍କୁ ଅନୁମତି
  • ||
  • ବାକି ୨୦ ଜିଲ୍ଲାର ସହରାଞ୍ଚଳରେ କାଲିଠୁ ନାଇଟ୍‌ କର୍ଫ୍ୟୁ
  • ||
  • ଛତିଶଗଡ଼ ସୀମାନ୍ତ ୧୦ ଜିଲ୍ଲାର ସହରାଞ୍ଚଳରେ ବଦଳିଲା ନାଇଟ୍‌ କର୍ଫ୍ୟୁ ସମୟ
  • ||
  • ରାଜ୍ୟରେ ଫେରିଲା କୋଭିଡ୍‌ କଟକଣା
  • ||
  • ୨୧ ଆଇଏଏସ୍‌ଙ୍କୁ କୋଭିଡ୍‌ ପର୍ଯ୍ୟବେକ୍ଷଣ ଦାୟିତ୍ୱ
  • ||
  • ୨୧ ଆଇଏଏସ୍‌ଙ୍କୁ କୋଭିଡ ପର୍ଯ୍ୟବେକ୍ଷକ ଦାୟିତ୍ବ
  • ||
  • ଭଦ୍ରକ : ବୈତରଣୀ ନଦୀରେ ବୁଡି ଭାଇ-ଭଉଣୀଙ୍କ ସଲୀଳ ସମାଧି, ପିଉସୀଙ୍କ ଘରୁ ଫେରିବା ବେଳେ ଅଘଟଣ
  • ||
  • ମାଲକାନଗିରି : ମାନିଲେନି କୋଭିଡ୍ ନିୟମ, ସିଲ୍ ହେଲା ଦୋକାନ
  • ||
  • ଧର୍ମଗଡ : ଧର୍ମଗଡ ବଣିକ ସଂଘର ବଡ ନିଷ୍ପତ୍ତି, ଶନିବାର ଓ ରବିବାର ସଂପୂର୍ଣ୍ଣ ବନ୍ଦ ରହିବ ସହର
  • ||

କରୋନା: ଗୁରୁବାର ଦେଶକୁ ସମ୍ଵୋଧିତ କରିବେ ମୋଦୀ, CBSE ପରୀକ୍ଷା ମାର୍ଚ୍ଚ ୩୧ ଯାଏ ସ୍ଥଗିତ, ନୋଏଡାରେ ୧୪୪ ଧାରା

18/03/2020 at 10:34 PM

ନୂଆଦିଲ୍ଲୀ ୧୮।୦୩: ସମଗ୍ର ବିଶ୍ଵରେ ଆତଙ୍କ ଖେଳାଉଥିବା କରୋନାର ପ୍ରକୋପ ଥମିବାର ନାଁ ନେଉ ନାହିଁ। ଭାରତରେ ଏହି ମାରାତ୍ମକ ଭୂତାଣୁ ନିଜର କାୟା ବିସ୍ତାର କରିବାରେ ଲାଗିଛି। ଅଦ୍ୟାବଧି ଦେଶର ୧୬ଟି ରାଜ୍ୟକୁ ନିଜ କବଳକୁ ନେଇ କରୋନା ଭୂତାଣୁ। ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇ ୧୫୧ରେ ପହଞ୍ଚିଛି। ଏହି କ୍ରମରେ ଆସନ୍ତାକାଲି ରାତି ୮ଟାରେ କରୋନା ପ୍ରସଙ୍ଗରେ ଦେଶକୁ ସମ୍ଵୋଧିତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଚୀନରୁ ବାହାରୁ ବ୍ୟାପି ସାରିଥିବା କରୋନା ୟୁରୋପରେ ଆତଙ୍କ ଖେଳାଇ ଚାଲିଛି।

କରୋନାର ଭୟାବହତାକୁ ଆଖି ଆଗରେ ରଖି ଅନ୍ୟ ଏକ ଗୁରୁତ୍ଵପୂର୍ଣ୍ଣ ନିଷ୍ପତ୍ତି କ୍ରମେ ସିବିଏସଇର ଦଶମ ଓ ଦ୍ଵାଦଶ ଶ୍ରେଣୀର ବୋର୍ଡ ପରୀକ୍ଷାକୁ ମାର୍ଚ୍ଚ ୩୧ ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଛି। ଏ ନେଇ ସିବିଏସଇ ସଚିବ ଅନୁରାଗ ତ୍ରିପାଠୀ ସୂଚନା ଦେଇଛନ୍ତି। ଜେଇଇ ମେନ ପରୀକ୍ଷାକୁ ମଧ୍ୟ ମାର୍ଚ୍ଚ ୩୧ ପର୍ଯ୍ୟନ୍ତ ସ୍ଥଗିତ ରଖାଯାଇଛି। ଅନ୍ୟପଟେ କରୋନାର ବିପଦକୁ ଦେଖି ରାଜସ୍ଥାନରେ ୧୪୪ ଧାରା ଲାଗୁ ହୋଇଛି। ୪ରୁ ଅଧିକ ଲୋକ ଜମା ହେବା ଉପରେ ପ୍ରତିବନ୍ଧକ ଲଗାଯାଇଛି।

କରୋନା ଭୂତାଣୁର ପ୍ରକୋପକୁ ଦୃଷ୍ଟିରେ ରଖି ନୋଏଡାରେ ଏପ୍ରିଲ ୫ ପର୍ଯ୍ୟନ୍ତ ୧୪୪ ଧାରା ଜାରି ହୋଇଛି। କୌଣସି ପ୍ରକାରର ସାମାଜିକ, ରାଜନୈତିକ, ସାଂସ୍କୃତିକ, ଧାର୍ମିକ କାର୍ଯ୍ୟକ୍ରମ ଆଦିରେ ଭିଡ ଜମା ଉପରେ କଟକଣା ଲାଗୁ କରାଯାଇଛି।

ୟୁଏସ, କାତାର, ଓମାନ ଓ କୁଏତରୁ ମାର୍ଚ୍ଚ ୧୮ କିମ୍ବା ଏହା ପରେ ଆସିବାକୁ ଥିବା ଭାରତୀୟଙ୍କୁ ୧୪ ଦିନ କ୍ଵାରାଣ୍ଟାଇନରେ ରଖିବା ବାଧ୍ୟତାମୂଳକ କରାଯାଇଛି। ଫେବୃଆରୀ ୧୫ ପରେ ଚୀନ, ଦକ୍ଷିଣ କୋରିଆ, ଇଟାଲୀ, ସ୍ପେନ ଓ ଜର୍ମାନୀରୁ ଫେରିଥିବା ଲୋକଙ୍କୁ କ୍ଵାରାଣ୍ଟାଇନ କରାଯିବ।

କରୋନାର ବ୍ୟାପିବାରୁ ରୋକିବା ଲାଗି ଗୁରୁଗ୍ରାମରେ ସତର୍କତାମୂଳକ  ସପିଂ ମଲ, ବାର, ସିନେମା ହଲ, ଜିମ, ସୁଇପିଂ ପୁଲ, ସାପ୍ତାହିକ  ବଜାର ଆଦି ବନ୍ଦ କରାଯାଇଛି। ଉଲ୍ଲେଖଯୋଗ୍ୟ, ସମଗ୍ର ବିଶ୍ଵରେ କରୋନା ଭୂତାଣୁଜନିତ ମୃତ୍ୟୁ ସଂଖ୍ୟା ୮ ହଜାର ଅତିକ୍ରମ କରିଛି। ଆନୁଷ୍ଠାନିକ ତଥ୍ୟ ଅନୁସାରେ  ସମଗ୍ର ଦୁନିଆରେ ଏହି ମହାମାରୀରେ ୮,୦୯୨ ଜଣଙ୍କ ମୃତ୍ୟୁ ଘଟିଛି। ଏଥିରେ ସର୍ବାଧିକ ୟୁରୋପରେ ୩,୪୨୨ ଓ ଏସିଆରେ ୩,୩୮୪ ଜଣଙ୍କ ପ୍ରାଣହାନୀ ଘଟିଛି।

   Related Posts