Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ ଖସୁନି କରୋନା ଗ୍ରାଫ୍, ଆଉ ୬ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ସରିଲା ହାସ୍ୟ ଅଭିନେତା ପ୍ରଜ୍ଞାଙ୍କ ନିର୍ବନ୍ଧ, ସୋସିଆଲ ମିଡିଆରେ ରିଙ୍ଗ୍ ସେରିମନି ଫଟୋ ଭାଇରାଲ
  • ||
  • ଗାଡି ପାର୍ଟସ ଦୋକାନରୁ ଲୁଟ୍, ବନ୍ଧୁକ ଦେଖାଇ ନେଇଗଲେ ଟଙ୍କା
  • ||
  • ଅଜଗରକୁ ଗିଳିଲା ଅହିରାଜ, ସାତକୋଶିଆରେ ବିରଳ ଘଟଣା !
  • ||
  • ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ, ୨ ଆରୋହୀ ମୃତ
  • ||
  • ଜାନୁଆରୀ ୨୦ରୁ ହଜିଯିବ ଶୀତ, ୨୩ରୁ ବର୍ଷା !
  • ||

‘କରୋନା’କୁ ମହାମାରୀ ଘୋଷଣା କଲା ବିଶ୍ବ ସ୍ବାସ୍ଥ୍ୟ ସଂଗଠନ

12/03/2020 at 7:53 AM

ନୂଆଦିଲ୍ଲୀ ୧୨।୩:  ବିଶ୍ବବ୍ୟାପୀ ଯେଉଁଭଳି ଭାବେ କରୋନା ସଂକ୍ରମିତ ହେଉଛି ଏହାକୁ ଦୃଷ୍ଟିରେ ରଖି ବିଶ୍ବ ସ୍ବାସ୍ଥ୍ୟ ସଂଗଠନ ଏହାକୁ ମହାମାରୀ ଘୋଷଣା କରିଛି । ଡବ୍ଲୁଏଚ୍ଓର ବସିଥିବା ବୈଠକରେ ଏହାର ନିର୍ଦ୍ଦେଶକ ଏହା ଘୋଷଣା କରିଛନ୍ତି ।

ବିଶ୍ବ ସ୍ବାସ୍ଥ୍ୟ ସଂଗଠନ ନିର୍ଦ୍ଦେଶକ ଟେଡ୍ରୋସ୍ ଆଧାନୋମ୍ କହିଛନ୍ତିଯେ, ଯେଉଁଭଳି ଭାବେ ଏହି ରୋଗ ସଂକ୍ରମିତ ହେବାରେ ଲାଗିଛି ଏହାକୁ ମହାମାରୀ କୁହାଯାଇପାରେ । ଯଦିଓ ଚୀନ୍ ଏବଂ ଦକ୍ଷିଣ କୋରିଆରେ ଧୀରେ ଧୀରେ ସଂକ୍ରମଣ କମିବାରେ ଲାଗିଛି, କିନ୍ତୁ ଇଟାଲୀ ଓ ଇରାନରେ ସ୍ଥିତି ଉଦବେଗଜନକ ରହିଛି ।

ଏବେ ସୁଦ୍ଧା ୧୧୪ ଟି ଦେଶରେ ଏହା ଦେଖାଗଲାଣି । ୪ ହଜାର ଲୋକ ଏଥିରେ ପ୍ରାଣ ହରାଇଲେଣି । ଗତ ସପ୍ତାହକ ମଧ୍ୟରେ ଚୀନ୍ ବାଦ୍ ଅନ୍ୟ ଦେଶଗୁଡ଼ିକରେ ଏହି ରୋଗ ୧୩ ପ୍ରତିଶତ ଅଧିକ ବେଗରେ ସଂକ୍ରମିତ ହେଉଛି । ବିଶ୍ବ ସ୍ବାସ୍ଥ୍ୟ ସଂଗଠନ ସେହି ରୋଗକୁ ମହାମାରୀ ଘୋଷଣା କରିଥାଏ, ଯେତେବେଳେ କୌଣସି ନୂଆ ରୋଗ ଗୁରୁତର ଭାବେ ସଂକ୍ରମଣ ହେଉଥାଏ ।

ଆମେରିକା ଏହି ମହାମାରୀର ମୁକାବିଲା ଲାଗି ପ୍ରସ୍ତୁତି ଜୋରଦାର କରିଛି । କରୋନାର ଭୟାବହତା ଦେଖି ବିଶ୍ବ ସ୍ବାସ୍ଥ୍ୟ ସଂଗଠନ ଏହାକୁ ବିଧିବଦ୍ଧ ଭାବେ ମହାମାରୀ ଘୋଷଣା କରିଛି । ପୂର୍ବରୁ ୨୦୦୯ରେ ସ୍ବାଇନ୍ ଫ୍ଲୁ ସଂକ୍ରମଣକୁ ବିଶ୍ବ ସ୍ବାସ୍ଥ୍ୟ ସଂଗଠନ ମହାମାରୀ ଘୋଷଣା କରିଥିଲା । ସେତେବେଳେ ଏହା ବିଶ୍ବର ଏକ ଚତୁର୍ଥ ଭାଗ ଅଞ୍ଚଳରେ ବ୍ୟାପିଯାଇଥିଲା । ତେବେ ସାର୍ସ ସଂକ୍ରମଣକୁ ମହାମାରୀ ଘୋଷଣା କରାଯାଇନଥିଲା ।

   Related Posts