Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ସାରା ଦେଶରେ ମାଡୁଛି କରୋନା, ଆକ୍ରାନ୍ତଙ୍କ ସଂଖ୍ୟା ଛୁଇଁଲା ୬୦ : ସ୍କୁଲ ଓ ସାମୂହିକ କାର୍ଯ୍ୟକ୍ରମ ପରେ ଏବେ ସିନେମା ହଲ୍ ଉପରେ ଲାଗିଲାଣି ଅଙ୍କୁଶ

11/03/2020 at 2:15 PM

ନୂଆଦିଲ୍ଲୀ ୧୧।୩: ସାରା ବିଶ୍ବରେ କାୟା ବିସ୍ତାର କରିଚାଲିଛି କରୋନା । ସ୍ବାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁସାରେ ଦେଶରେ ଆଉ ୧୦ଜଣଙ୍କର କରୋନା ଭାଇରସ ରିପୋର୍ଟ ପଜିଟିଭି ଆସିଛି । ସ୍ବାସ୍ଥ୍ୟ ମନ୍ତ୍ରଣାଳୟ ସୂଚନା ଅନୁଯାୟୀ, କେରଳରେ ୮ ପିଜିଟିଭ ଚିହ୍ନଟ ହୋଇଥିବା ବେଳେ ଦିଲ୍ଲୀ ଏବଂ ରାଜସ୍ଥାନରେ ଗୋଟିଏ ଗୋଟିଏ ରିପୋର୍ଟ ପଜିଟିଭ ଚିହ୍ନଟ ହୋଇଛି । ବର୍ତ୍ତମାନ ପର୍ଯ୍ୟନ୍ତ ଦେଶରେ ମୋଟ୍ ରୋଗୀଙ୍କ ସଂଖ୍ୟା ୬୦କୁ ବୃଦ୍ଧି ପାଇଛି।

କରୋନା ଭୟରେ ଜମ୍ମୁ-କାଶ୍ମୀରରେ ପ୍ରାଥମିକ ବିଦ୍ୟାଳୟ, ଅଙ୍ଗନଓ୍ବାଡୀ କେନ୍ଦ୍ର, ସିନେମା ହଲ୍ ବନ୍ଦ କରିଦିଆଯାଇଛି । ସରକାର ଜମ୍ମୁର ୫ ଜିଲ୍ଲା ଜମ୍ମୁ, ସାମ୍ବା, କଠୁଆ, ରଇସି ଏବଂ ଉଧମପୁରରେ ଏହା କାର୍ଯ୍ୟକାରୀ କରାଯାଇଛି । ଏହି ପରିପ୍ରେକ୍ଷୀରେ ୩୧ ମାର୍ଚ୍ଚ ପର୍ଯ୍ୟନ୍ତ ବିଦ୍ୟାଳୟ, ଅଙ୍ଗନଓ୍ବାଡୀ କେନ୍ଦ୍ର ଏବଂ ସିନେମା ହଲ୍ ବନ୍ଦ ରହିବ ।

ଏହାପୂର୍ବରୁ କେରଳରେ କରୋନା ଭାଇରସ୍ ରେ ଆଉ ଜଣେ ସଂକ୍ରମିତ ହୋଇଥିବା ଜଣାପଡିଥିଲା । କୋଚିନ୍ ଆନ୍ତର୍ଜାତୀୟ ବିମାନବନ୍ଦର ଲିମିଟେଡ୍ ର ନିର୍ଦ୍ଦେଶକ ଏସିଆର ନାୟାର କହିଛନ୍ତି ଯେ, କିଛି ଦିନ ପୂର୍ବରୁ ଇଟାଲୀରୁ ଜଣେ ଯାତ୍ରୀ ଏଠାକୁ ଆସିଥିଲେ, ଯିଏକି କରୋନା ଭାଇରସ୍ ରେ ସଂକ୍ରମିତ ହୋଇଥଲେ । ଏହାକୁ ଦୃଷ୍ଟିରେ ରଖି ତାଙ୍କ ସହ ଯୋଗାଯୋଗ କରିଥିବା ବିମାନବନ୍ଦର କର୍ମଚାରୀଙ୍କୁ କ୍ବାରାଣ୍ଟିନରେ ରଖିବାକୁ ନିର୍ଦ୍ଦେଶ ଦିଆଯାଇଛି।

ଏହା ପୂର୍ବରୁ ଇଟାଲୀର ରାଜଧାନୀ ମିଲାନରୁ ଏୟାର ଇଣ୍ଡିଆ ବିମାନ ଏଆଇ-୧୩୮ ଦିଲ୍ଲୀ ବିମାନବନ୍ଦରରେ ପହଞ୍ଚିଥିଲା । ବିମାନଟିକୁ ଆଇସୋଲେସନ ପାଇଁ ନିଆଯାଇଛି | ସମସ୍ତ ଯାତ୍ରୀଙ୍କୁ ସ୍କ୍ରିନିଂ କରାଯାଉଛି। ଏହି ବିମାନରେ ୮୦ ଜଣ ଯାତ୍ରୀ ଥିଲେ। ଭାରତୀୟ କଷ୍ଟମ୍ସ ବିଭାଗ ଦିଲ୍ଲୀ ବିମାନ ବନ୍ଦରରେ ଯାତ୍ରୀ ଏବଂ ସେମାନଙ୍କର ଜିନିଷ ସ୍କ୍ରିନିଂ କରିବାର ସମସ୍ତ ଔପଚାରିକତା ଶେଷ କରିଛି।

ମଙ୍ଗଳବାର ଦିନ ଇଟାଲୀ ସୂଚନା ଦେଇଛି ଯେ, ୮୫୧୪ଜଣ ଲୋକ କରୋନା ଭାଇରସ୍ ରେ ସଂକ୍ରମିତ ହୋଇଛନ୍ତି। ଏହାସହ ୬୩୧ଜଣଙ୍କର ମୃତ୍ୟୁ ହୋଇଛି । ମୋଟ୍ ୧୦୦୪ ରୋଗୀ ସୁସ୍ଥ ହୋଇଛନ୍ତି। ବିଶ୍ବର ୧୦୭ଟି ଦେଶରେ ୧,୧୭,୩୩୯ ମାମଲା ସ୍ପଷ୍ଟ ହୋଇଛି। ଏଥିସହ ୪୨୫୧ଜଣଙ୍କର ମୃତ୍ୟୁ ଘଟିଛି।

ଚୀନ୍, ଇଟାଲୀ, ଇରାନ, ଦକ୍ଷିଣ କୋରିଆ, ଜାପାନ, ଫ୍ରାନ୍ସ, ସ୍ପେନ୍ ଏବଂ ଜର୍ମାନୀକୁ ଯାତ୍ରା ନକରିବାକୁ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ଏକ ଆଡଭାଇଜରୀ ଜାରି କରିଛି । ଏହାସହ ବିଦେଶରେ ଅତ୍ୟାବଶ୍ୟକ ଭ୍ରମଣରୁ ଦୂରେଇ ରହିବାକୁ ମଧ୍ୟ ପରାମର୍ଶ ଦିଆଯାଇଛି।

ବର୍ତ୍ତମାନ ସୁଦ୍ଧା ଭାରତରେ ୬୦ଟି ମାମଲା ସାମ୍ନାକୁ ଆସିଛି । ଆମେରିକାରେ କରୋନା ଭାଇରସ୍ ରେ ୨୯ ଜଣଙ୍କର ମୃତ୍ୟୁ ଘଟିଛି। ଏଥିସହ ୯୦୦ରୁ ଅଧିକ ସଂକ୍ରମିତ ହୋଇଥିବା ଜଣାପଡିଛି। ତୁର୍କୀରେ ପ୍ରଥମ ରୋଗୀ ଚିହ୍ନଟ ହୋଇଛନ୍ତି ।

   Related Posts