Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁବ ମୋର୍ଚ୍ଚା ନେତାଙ୍କୁ ମାଡ଼ ଘଟଣାରେ ପ୍ରତିବାଦ, ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କଲା ବିଜେପି
  • ||
  • କାର୍ତ୍ତିକ ମାସର ପ୍ରଥମ ସୋମବାରରେ ଧବଳେଶ୍ଵର ପୀଠରେ ୧୪୪ ଧାରା ଜାରି
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||

ଦେଶରେ କେବେ ନିୟନ୍ତ୍ରଣକୁ ଆସିବ କରୋନା ସୁନାମୀ ? ଲୋକଙ୍କୁ ଡରାଉଛି ବିଶେଷଜ୍ଞଙ୍କ ନୂତନ ତଥ୍ୟ

27/04/2021 at 9:59 PM

ନୂଆଦିଲ୍ଲୀ ୨୭।୦୪: କରୋନା ଭାଇରସ୍‌ର ଦ୍ଵିତୀୟ ଲହରରେ ଦେଶରେ ଭୟାବହ ପରିସ୍ଥିତି ସୃଷ୍ଟି ହୋଇଛି। ଲୋକେ ନିଜ ଲୋକଙ୍କୁ ଆଖି ସାମ୍ନାରେ ମରୁଥିବା ଦେଖୁଛନ୍ତି। ମାତ୍ର ଚାହିଁ ବି କେହି କିଛି କରୁ ପାରୁନାହାନ୍ତି। ନିଜକୁ ଅସହାୟ ମଣୁଛନ୍ତି। ବିଶେଷ ଭାବେ ହସ୍ପିଟାଲଗୁଡିକରେ ଅକ୍ସିଜେନ୍‌ର ଘୋର ଅଭାବ ସ୍ଥିତିକୁ ଆହୁରି  ଜଟିଳ କରି ଦେଇଛି। ସରକାର ସ୍ଥିତି ଉପରେ ନିୟନ୍ତ୍ରଣ ପାଇଁ ଅହୋରାତ୍ର ପ୍ରୟାସ  ଜାରି ରଖିଛନ୍ତି। କିନ୍ତୁ ସଂକ୍ରମଣ ଥମିବାର ନାଁ ନେଉନାହିଁ।

ଏହା ମଧ୍ୟରେ ବିଶେଷଜ୍ଞଙ୍କ ନୂତନ ତଥ୍ୟ ଲୋକଙ୍କୁ ଆହୁରି ଭୟଭୀତ କରିଛି। କୁହାଯାଉଛି ଦ୍ଵିତୀୟ ଲହରରେ ସ୍ଥିତି ସୁଧୁରିବାକୁ ଜୁଲାଇ ପର୍ଯ୍ୟନ୍ତ ସମୟ  ଲାଗିପାରେ। ଅନ୍ୟପଟେ ମେ ଦ୍ଵିତୀୟ ସପ୍ତାହରେ କରୋନା ସଂକ୍ରମଣ ଚରମରେ ପହଞ୍ଚିବ। କିନ୍ତୁ ସଂକ୍ରମଣ ସର୍ବନିମ୍ନ ସ୍ତରକୁ ଆସିବାରେ ଅଢେଇ ମାସ କିମ୍ବା ସେଥିରୁ ଅଧିକ ସମୟ ଲାଗିପାରେ।

ଆଇଆଇଟି କାନପୁରର ପ୍ରୋଫେସର ମନିନ୍ଦର ଅଗ୍ରଓ୍ଵାଲ ସୂତ୍ର ଗାଣିତ୍ୟିକ ମୋଡେଲ୍ ଆଧାରରେ କହିଛନ୍ତି ଯେ, ଅନେକ ରାଜ୍ୟରେ କରୋନା ସଂକ୍ରମଣ ମାମଲା ମେ ମାସର ପ୍ରଥମ ସପ୍ତାହରେ ଚରମରେ ପହଞ୍ଚିପାରେ। ମେ ମଧ୍ୟଭାଗ ଆଡକୁ ସଂକ୍ରମଣ ଖସିବା ଆରମ୍ଭ ହେବ। ହେଲେ ଦେଶରେ ସ୍ଥିତି ସ୍ଵାଭାବିକ ହେଲା ବେଳକୁ ଜୁଲାଇ ମାସ ଲାଗି ଯାଇପାରେ। କାରଣ ସଂକ୍ରମଣ କମିବାର ହାର ମନ୍ଥର ରହିବ।

କେନ୍ଦ୍ରୀୟ ସ୍ଵାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ, ଦେଶର ୧୨ ରାଜ୍ୟରେ କରୋନା ସଂକ୍ରମଣ ଗତ ବର୍ଷର ଶୀର୍ଷ ସ୍ତରକୁ ଅତିକ୍ରମ କରିଛି। ଏହି ରାଜ୍ୟରେ ମହାରାଷ୍ଟ୍ର, କର୍ଣ୍ଣାଟକ, ଉତ୍ତର ପ୍ରଦେଶ, ପଶ୍ଚିମବଙ୍ଗ, ରାଜସ୍ଥାନ, ତାମିଲନାଡୁ, ମଧ୍ୟ ପ୍ରଦେଶ, ବିହାର, ହରିୟାଣା, ତେଲଙ୍ଗାନା ଏବଂ ଝାଡଖଣ୍ଡ ରହିଛି। ଏଥିପାଇଁ କୁହାଯାଉଛି ଯେ, ଏହି ସବୁ ରାଜ୍ୟରେ ଦ୍ଵିତୀୟ ଲହର ଚରମ ସ୍ଥିତିରେ ପହଞ୍ଚିପାରେ।

   Related Posts