Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚଣ୍ଡିଖୋଲ : ଅଜଣା ଗାଡି ଧକ୍କାରେ ହୋମ୍‌ଗାର୍ଡଙ୍କ ମୃତ୍ୟୁ
  • ||
  • କଳାହାଣ୍ଡି : ଏକତରଫା ପ୍ରେମରୁ ଗଲା ଜୀବନ, ଯୁବତୀଙ୍କ ଗଳା କାଟିଦେଲା ପ୍ରେମିକ, ଆକ୍ରମଣରେ ଯୁବତୀଙ୍କ ମା’ ମୃତ
  • ||
  • ଢେଙ୍କାନାଳ : ୩ଦିନ ହେଲା ଜଳୁଛି ଜଙ୍ଗଲ, ଲକ୍ଷ ଲକ୍ଷ ଗଛ ପୋଡି ପାଉଁଶ, ଭୟରେ ଜଙ୍ଗଲ ଛାଡି ପଳାଉଛନ୍ତି ବନ୍ୟଜନ୍ତୁ
  • ||
  • ଢେଙ୍କାନାଳ : କପିଳାଶ, ସପ୍ତଶଯ୍ୟା ଓ ମହିମା ଗାଦି ସମେତ ୬ଟି ପର୍ଯ୍ୟଟନସ୍ଥଳୀର ହେବ ସଂଯୋଗୀକରଣ
  • ||
  • ସ୍ୱିଜରଲାଣ୍ଡରେ ସର୍ବସାଧାରଣ ସ୍ଥାନରେ ବୁର୍ଖା ପିନ୍ଧିବା ମନା ! ମତଦାନ ଦ୍ୱାରା ନିଆଗଲା ନିଷ୍ପତ୍ତି
  • ||
  • ରାଫେଲ୍ ତିଆରି କରିଥିବା କମ୍ପାନୀର ମାଲିକ ମୃତ, ହେଲିକପ୍ଟର ଦୁର୍ଘଟଣାରେ ହାରିଲେ ଜୀବନ
  • ||
  • ଆଜିଠୁ ବଢିବ ତାତି, ଆଭ୍ୟନ୍ତରୀଣ ଓଡିଶାରେ ଅନୁଭୂତ ହେବ ଅସହ୍ୟ ଗରମ
  • ||
  • ଟିକା ନେବା ପରେ କୋଭିଡ୍ ପଜିଟିଭ୍ ହେଲେ ଭିଜିଲାନ୍ସ ଏସପି
  • ||

ମୋଦୀଙ୍କ ଅପିଲ୍‌ରେ ଦେଶବାସୀ ତାଳି, ଥାଳି ଓ ଶଙ୍ଖ ବଜାଇ କରୋନା ବିରୋଧରେ ଲଢୁଥିବା ଲୋକଙ୍କ ପ୍ରତି ଜଣାଇଲେ କୃତଜ୍ଞତା

22/03/2020 at 5:41 PM

ନୂଆଦିଲ୍ଲୀ ୨୨।୦୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅପିଲ୍ ପରେ ଦେଶବାସୀ ଜନତା କର୍ଫ୍ୟୁକୁ ପୂରା ସମର୍ଥନ ଦେଇଛନ୍ତି। ଏହା ସହିତ ଦେଶର କୋଣ ଅନୁକୋଣରେ ଲୋକେ ତାଳି-ଥାଳି ବଜାଇ ଦେଶର ସେବାରେ ଲାଗିଥିବା ଲୋକଙ୍କ ପ୍ରତି କୃତଜ୍ଞତା ବ୍ୟକ୍ତ କରିଛନ୍ତି।

କରୋନା ଭାଇସର ପ୍ରତିରୋଧ ଲାଗି ଆଜି ପୂରା ଦେଶ ଏକଜୁଟତା ଦେଖାଇଛି। ଜନତା କର୍ଫ୍ୟୁର ପାଳନ କରି ଲୋକେ ପଦାକୁ ଗୋଡ ନକାଢି ଘରେ ରହିବାକୁ ମନସ୍ଥ କରିଥିଲେ। ଆଜି ପୂରା ସଡକ, ବଜାର ଖାଁ ଖାଁ ରହିଥିଲା। ଲୋକେ ଘରେ ବସି ବହୁତ ଧୈର୍ଯ୍ୟର ପରିଚୟ ଦେଇ କରୋନା ସଂକ୍ରମଣକୁ ବ୍ୟାପିବାରୁ ରୋକିବା ଲାଗି ସରକାରଙ୍କୁ ସହଯୋଗ କରିଛନ୍ତି।

ଏହା ସହିତ ଲୋକେ ଘରେ ରହି ତାଳି ଓ ଥାଳି ବଜାଇ ସେହି ଲୋକଙ୍କ ପ୍ରତି କୃତଜ୍ଞତା ଜଣାଇଛନ୍ତି ଯେଉଁମାନେ କରୋନା ଭୂତାଣୁର ମୁକାବିଲା ଲାଗି ମୋର୍ଚ୍ଚା ସମ୍ଭାଳିଛନ୍ତି। ଆଜି ସନ୍ଧ୍ୟା ୫ଟା ବାଜିବା ମାତ୍ରେ ଦେଶର କୋଣ ଅନୁକୋଣରେ ଲୋକେ ନିଜ ଘରେ ପ୍ରଧାନମନ୍ତ୍ରୀଙ୍କ ଆହ୍ଵାନ କ୍ରମେ ତାଳି, ଥାଳି ଓ ଘଣ୍ଟ ବଜାଇ ନିଜର କୃତଜ୍ଞତା ପ୍ରକଟ କରିଛନ୍ତି। ଏହା ସହିତ ଲୋକେ ଶଙ୍ଖ ବଜାଉଥିବା ଦେଖିବାକୁ ମିଳିଛି।

ଅନ୍ୟପଟେ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଘଣ୍ଟି ବଜାଇ ଦେଶରେ ସେବାରେ ନିୟୋଜିତ ଲୋକଙ୍କ ପ୍ରତି କୃତଜ୍ଞତା ଜଣାଇଛନ୍ତି। ଯୋଗଗୁରୁ ରାମଦେବ ତାଳି ଓ ଥାଳି ବଜାଇ ଲୋକଙ୍କୁ ଆଭାର ପ୍ରକଟ କରିଛନ୍ତି। ଅର୍ଥମନ୍ତ୍ରୀ ନିର୍ମଳା ସୀତାରମଣ ମଧ୍ୟ ଘଣ୍ଟି ବଜାଇ ନିଜର କୃତଜ୍ଞତା ଜଣାଇଛନ୍ତି।

ସେହି ପରି କେନ୍ଦ୍ର ମନ୍ତ୍ରୀ ନୀତିନ ଗଡକରୀ ନାଗପୁରରେ ପୂରା ପରିବାର ସହିତ ନିଜ ଘର ବାଲକୋନୀରେ ଛିଡା ହୋଇ କରୋନା ବିରୁଦ୍ଧରେ ଲଢୁଥିବା ଡାକ୍ତର, ନର୍ସ, ପ୍ରଶାସନର ଅଧିକାରୀ, ମିଡିଆକର୍ମୀଙ୍କ ପାଇଁ ତାଳି ଓ ଘଣ୍ଟ ବଜାଇ ସେମାନଙ୍କୁ ଧନ୍ୟବାଦ ଜଣାଇଛନ୍ତି।

   Related Posts