Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବଢି ବଢି ଚାଲିଛି କରୋନା ସଂକ୍ରମିତଙ୍କ ସଂଖ୍ୟା, ଭାରତରେ ଦରକାରଠାରୁ ବହୁତ କମ୍ ଭେଣ୍ଟିଲେଟର୍ ଓ ବେଡ୍

ନୂଆଦିଲ୍ଲୀ, ୨୭|୦୩: ଭାରତରେ କରୋନା ସଂକ୍ରମିତଙ୍କ ସଂଖ୍ୟା ଦ୍ରୁତ ଗତିରେ ବଢିବାରେ ଲାଗିଛି । ମେ ମାସ ସୁଦ୍ଧା ଏହି ସଂଖ୍ୟା ୧ ଲକ୍ଷରୁ ୧୩ ଲକ୍ଷକୁ ବୃଦ୍ଧି ପାଇବ ବୋଲି ବୈଜ୍ଞାନିକମାନେ ଅନୁମାନ ଲଗାଇଛନ୍ତି । ଏହି ପରିସ୍ଥିତିର ମୁକାବିଲା ପାଇଁ ଭାରତ ଏବେ ମେଡିକାଲ ସୁବିଧା ଓ ଉପକରଣକୁ ଗୁରୁତ୍ୱ ଦେଉଛି । ନ୍ୟାଶନାଲ ହେଲଥ୍ ପ୍ରାଫାଇଲର ତଥ୍ୟାନୁସାରେ, ଦେଶରେ ୩୨ ହଜାର ସରକାରୀ, ସେନା ଓ ରେଳବାଇର ମେଡିକାଲ ରହିଛି। ଏଥିରେ ପ୍ରାୟ ୪ ଲକ୍ଷ ବେଡ୍ ରହିଛି । ସେହିପରି ବେସରକାରୀ ହସ୍ପିଟାଲ ସଂଖ୍ୟା ପ୍ରାୟ ୭୦ ହଜାର । ଏହା ବ୍ୟତୀତ କ୍ଲିନିକ, ଡାଏଗ୍ନୋଷ୍ଟିକ ସେଣ୍ଟର, କମ୍ୟୁନିଟି ସେଣ୍ଟରରେ ବେଡ ସଂଖ୍ୟା ୧୦ ଲକ୍ଷ । ଜନସଂଖ୍ୟା ହିସାବରେ ଦେଶରେ ୧୭୦୦ ଲୋକ ପିଛା ଗୋଟିଏ ବେଡ୍ ରହିଛି ।

ବିଶେଷଜ୍ଞଙ୍କ କହିବାନୁସାରେ, କରୋନା ମୁକାବିଲା ପାଇଁ ଦେଶରେ ଏକ ମାସ ମଧ୍ୟରେ ୫୦ ହଜାର ଭେଣ୍ଟିଲେଟର ଓ ହସ୍ପିଟାଲରେ ୨ ଲକ୍ଷରୁ  ଅଧିକ ବେଡ୍ ଆବଶ୍ୟକ ପଡିପାରେ । ସେହିପରି ୭୦ ହଜାର ଆଇସିୟୁର ଆବଶ୍ୟକତା ରହିଛି । ଉତ୍ତରପ୍ରଦେଶ ସରକାର ରାଜ୍ୟର ସମସ୍ତ ଜିଲ୍ଲାରେ ଥିବା ସରକାରୀ ମେଡିକାଲର ଗୋଟିଏ ବିଲ୍ଡିଂ କରୋନା ଓ୍ୱାର୍ଡ ପାଇଁ ପ୍ରସ୍ତୁତ କରିବାକୁ ନିର୍ଦ୍ଦେଶ ଦେଇଛନ୍ତି । ସେହିପରି ଓଡିଶା ସରକାର ମଧ୍ୟ ୧୫ ଦିନ ମଧ୍ୟରେ ୧ ହଜାର ବେଡ୍ ବିଶିଷ୍ଟ ମେଡିକାଲ ପାଇଁ କାମ ଆରମ୍ଭ କରିଦେଇଛନ୍ତି ।

ହସ୍ପିଟାଲ ବେଡର ସଙ୍କଟ କେବଳ ଭାରତରେ ନୁହେଁ ଅନ୍ୟ ଦେଶରେ ମଧ୍ୟ ରହିିଛି । ଚୀନରେ ପ୍ରତି ୧ ହଜାର ଲୋକରେ ମାତ୍ରା ୪ଟି ବେଡ୍ ରହିଛି । ଫ୍ରାନ୍ସରେ ମଧ୍ୟ ୧ ହଜାର ନାଗରିକ ପିଛା ୬.୫, ଦକ୍ଷିଣ କୋରିଆରେ ୧୧.୫, ଇଟାଲୀରେ ୩.୪  ଓ ଆମେରିକାରେ ୨.୮ ବେଡ୍ ରହିଛି ।

ଡାକ୍ତରଙ୍କ ସଂଖ୍ୟାରେ ନଜର ପକାଇଲେ, ଦେଶରେ ୧୧ ଲକ୍ଷ ଏଲପୋଥିକ ଡାକ୍ତର ରହିଛନ୍ତି । ବିଶ୍ୱ ସ୍ୱାସ୍ଥ୍ୟ ସଂଗଠନର କହିବାନୁସାରେ, ଏକ ହଜାର ରୋଗୀଙ୍କ ପିଛା ଗୋଟିଏ ଡାକ୍ତର ରହିବା ଆବଶ୍ୟକ । କିନ୍ତୁ ୧୩୫ କୋଟି ଜନସଂଖ୍ୟା ଥିବା ଭାରତରେ ଏହି ହାର ବହୁତ କମ ।

   Related Posts