Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରାପଡାରେ ଘରେ ପଶି ଲୁଟିଲେ, କଟୁରୀରେ ହାଣି ଖସିଗଲେ, ସ୍ବାମୀ-ସ୍ତ୍ରୀ ଗୁରୁତର
  • ||
  • ବାଲେଶ୍ବର ମୁଖ୍ୟ ଯୋଗାଣ ଅଧିକାରୀଙ୍କ ଅଫିସ୍‌ରୁ ଜବତ ହେଲା ୯ଟି ଟଙ୍କା ଭର୍ତ୍ତି ଲଫାପା, ବାନ୍ଧିନେଲା ଭିଜିଲାନ୍ସ
  • ||
  • ପାଟଣାରେ ଭାରସାମ୍ୟ ହରାଇ ପଥରରେ ପିଟି ହେଲା ବାଇକ୍, ଘଟଣାସ୍ଥଳରେ ଚାଳକଙ୍କ ମୃତ୍ୟୁ
  • ||
  • ବାଲିଅନ୍ତାରେ ଜୁଆ ଆଡ୍ଡା ଉପରେ ଚଢାଉ, ୩ ଗିରଫ
  • ||
  • ଚାନ୍ଦବାଲିରେ ଟ୍ରେନ୍ ଲାଇନ୍‌ରୁ ମିଳିଲା ନାବାଳକଙ୍କ ମୃତଦେହ
  • ||
  • ପୁରୀରେ ୪ ବ୍ରାଉନସୁଗାର ବେପାରୀ ଗିରଫ, ୫.୩୨ ଗ୍ରାମ୍ ବ୍ରାଉନସୁଗାର ଜବତ
  • ||
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||
  • ଦିଲ୍ଲୀରେ ଭାଇ-ଭାଉଜଙ୍କୁ ହାଣି ଫିଙ୍ଗିଦେଲା ସାନ ଭାଇ, ୬୦କି.ମି. ଦୂରରୁ ଉଦ୍ଧାର ହେଲା ମୃତଦେହ
  • ||
  • ଯାଜପୁରରେ କାର୍‌-ଟ୍ରକ୍‌ ମୁହାଁମୁହିଁ ଧକ୍କା, ଯନ୍ତ୍ରୀଙ୍କ ସହ ଚାଲିଗଲା ୨ ଜଣଙ୍କ ଜୀବନ, ୨ ଗୁରୁତର
  • ||

୯୦ ଦିନ ଶରୀରରେ ରହୁଛି କରୋନା, ୧୫ ମିନିଟ୍‌ରେ ଜଣଙ୍କଠୁ ଅନ୍ୟ ଜଣଙ୍କୁ ବ୍ୟାପୁଛି ମହାମାରୀ

1/10/2020 at 5:34 PM

ନୂଆଦିଲ୍ଲୀ,୦୧।୧୦: କରୋନା ମହାମାରୀକୁ ନେଇ ଏକ ଚିନ୍ତାଜନକ ରିପୋର୍ଟ ସାମ୍ନାକୁ ଆସିଛି। କୋଭିଡ୍ ଆକ୍ରାନ୍ତଙ୍କ ଶରୀରରେ ଏହି ପ୍ରାଣଘାତୀ ଭୂତାଣୁ ପ୍ରକୃତରେ ୯୦ ଦିନ ତିଷ୍ଠି ରହୁଥିବା ରିପୋର୍ଟରୁ ପ୍ରକାଶ। ବିଭିନ୍ନ ହସ୍ପିଟାଲରୁ ହାସଲ କରାଯାଇଥିବା କ୍ଲିନିକାଲ୍‌ ତଥ୍ୟରୁ ବିଶ୍ଳେଷକମାନେ ଏଭଳି ଭୟାନକ ସିଦ୍ଧାନ୍ତରେ ଉପନ୍ନୀତ ହୋଇଛନ୍ତି।

ବିଶ୍ଳେଷଣରୁ ଜଣାପଡ଼ିଛି ଯେ କରୋନା ଆକ୍ରାନ୍ତ ପରେ ଅଧିକ ସଂକଟାପନ୍ନ ହେଉଥିବା ରୋଗୀଙ୍କ କ୍ଷେତ୍ରରେ ଏଭଳି ଘଟୁଛି । ଏହି ରୋଗୀମାନେ ଆରୋଗ୍ୟ ହୋଇ ଘରକୁ ଫେରିବା ପରେ ମଧ୍ୟ ଭୂତାଣୁ ଏମାନଙ୍କ ସାଙ୍ଗରେ ଯାଉଛି। ଶରୀରକୁ ସମ୍ପୂର୍ଣ୍ଣ ଭାବେ ମୁକ୍ତି ଦେଉନାହିଁ ।

ଏଭଳି କ୍ଷେତ୍ରରେ ଆରୋଗ୍ୟ ବ୍ୟକ୍ତି ଅନ୍ୟମାନଙ୍କୁ କରୋନା ଭୂତାଣୁ ବାଣ୍ଟିବା ଢେର ଆଶଙ୍କା ରହିଛି । ଏମାନେ ସୁପରସ୍ପ୍ରେଡର ହେବା କିଛି ଅସମ୍ଭବ ବି ନୁହେଁ । ରିପୋର୍ଟକୁ ଆଧାର କରି କୋଭିଡ-୧୯ରେ ଆକ୍ରାନ୍ତ ହେଉଥିବା ଲୋକଙ୍କ ପାଇଁ ସଙ୍ଗରୋଧ ଅବଧିକୁ ଆଉଥରେ ମୂଲ୍ୟାୟନ କରାଯାଉଛି । ସମ୍ଭବତଃ ଏହି ଅବଧି ବୃଦ୍ଧି କରାଯାଇପାରେ ବୋଲି କୁହାଯାଉଛି।

ଆମେରିକାର ସେଣ୍ଟର୍ସ ଫର୍‌ ଡିଜିଜ୍‌ କଣ୍ଟ୍ରୋଲ୍‌ ଆଣ୍ଡ୍‌ ପ୍ରିଭେନ୍‌ସନ୍‌ (ସିଡିସି) ଏହାର ଏକ ମୂଲ୍ୟାୟନ ଭିତ୍ତିକ ରିପୋର୍ଟରେ ଦର୍ଶାଇଥିଲା ଯେ କମ୍‌ ସଂକ୍ରମିତ ହେଉଥିବା ଲୋକମାନେ ମାତ୍ର ୧୦ ଦିନ ମଧ୍ୟରେ ଅନ୍ୟଙ୍କୁ ଆକ୍ରାନ୍ତ କରାଇ ପାରନ୍ତି । ପ୍ରତିରୋଧକ କ୍ଷମତା କମ୍‌ ଥାଇ ସ୍ୱଳ୍ପ ମାତ୍ରାରେ ସଂକ୍ରମିତ ହେଉଥିବା ଲୋକ ୨୦ ଦିନ ପର୍ଯ୍ୟନ୍ତ ଅନ୍ୟଙ୍କୁ କରୋନା ବାଣ୍ଟିପାରିବେ ।

ଯେଉଁମାନଙ୍କୁ କରୋନା ଅତିମାତ୍ରାରେ ଗ୍ରାସ କରିଥିବ ଏବଂ ସେମାନେ ଆରୋଗ୍ୟ ହୋଇଥିବେ, ସେମାନେ ୯୦ ଦିନ ଯାଏଁ ସଂକ୍ରାମକ ହୋଇ ରହିବେ । କିନ୍ତୁ ୯୦ ଦିନ ପରେ ସେମାନଙ୍କଠାରେ ଯେଉଁ ଅନ୍ୟ ରୋଗ ଅଥବା ସଂକ୍ରମଣ ଦେଖାଦେବ, ତାହା କୋଭିଡ-୧୯ ନୁହେଁ ବୋଲି ସ୍ପଷ୍ଟ କରାଯାଇଛି । କେୟାର ହସ୍ପିଟାଲର ବରିଷ୍ଠ ସଂକ୍ରାମକ ରୋଗ ବିଶେଷଜ୍ଞ ଡ. ମୁସ୍ତଫା ଅଫଜଲ କହିଛନ୍ତି, ଏହି ସଦ୍ୟ ମୂଲ୍ୟାୟନ ଅତ୍ୟନ୍ତ ତାତ୍ପର୍ଯ୍ୟପୂର୍ଣ୍ଣ । ବିଶେଷକରି ସଙ୍ଗରୋଧ ଅବଧି ଧାର୍ଯ୍ୟ କରିବା କ୍ଷେତ୍ରରେ ଏହା ବିଶେଷ ସହାୟକ ହେବ । ବର୍ତ୍ତମାନ ପରିପ୍ରେକ୍ଷୀରେ ସବୁ କ୍ଷେତ୍ର ନିମନ୍ତେ ସଂକ୍ରମଣ ସ୍ଥିତି ଜାଣିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । କାରଣ ସେମାନେ ଏହାକୁ ଦୃଷ୍ଟିରେ ରଖି ନିଜର ବ୍ୟବସାୟିକ ରଣନୀତି ନିର୍ଦ୍ଧାରଣ କରିବେ।

ରୋଗ୍ୟ ଲାଭ କରୁଥିବା ସଂକ୍ରମିତ କର୍ମଚାରୀ କିଭଳି ବିନା ଭୟରେ ପୁଣି କାର୍ଯ୍ୟରେ ଯୋଗଦେବେ, ତାହା ମଧ୍ୟ ବେଶ୍‌ ଗୁରୁତ୍ୱପୂର୍ଣ୍ଣ । ସ୍ୱାସ୍ଥ୍ୟକର୍ମୀଙ୍କ ପାଇଁ ଏହା ସବୁଠୁ ବେଶି ମହତ୍ତ୍ୱପୂର୍ଣ୍ଣ ହୋଇଥିବାରୁ ଏସିଆ ଓ ଓସନିଆର ମେଡିକାଲ ସଂଘ (ସିଏମ୍‌ଏଏଓ) ବିଭିନ୍ନ ଅଞ୍ଚଳର ଡାକ୍ତରଙ୍କ ମତାମତ ନେଇ କୋଭିଡ-୧୯ ପ୍ରୋଟୋକଲ୍‌ ନିର୍ଦ୍ଧାରଣ କରିଛି । କୋଭିଡ-୧୯ ଟେଷ୍ଟିଙ୍ଗ ପାଇଁ ଆର୍‌ଟି-ପିସିଆର୍‌କୁ ‘ଗୋଲ୍‌ଡ ଷ୍ଟାଣ୍ଡାର୍ଡ’ ବୋଲି ସେମାନେ ବିବେଚନା କରିଛନ୍ତି । ଟେଷ୍ଟ ଭୁଲ କି ପଜିଟିଭ୍‌, ତାହା ସିଟି ଜଣାଇଥାଏ ।

ସିଏମ୍‌ଏଏଓର ସଭାପତି ଡା. କେ କେ ଅଗ୍ରୱାଲଙ୍କ ମୁତାବକ ସଂକ୍ରମଣ ବେଳେ ଜିଙ୍କ୍‌ ଓ ଭିଟାମିନ୍‌ ଡି’ ଅତ୍ୟନ୍ତ ଜରୁରି । ତେବେ ସଂକ୍ରମଣର ପଞ୍ଚମ ଦିନ ଅତି ଗୁରୁତ୍ୱପୂର୍ଣ୍ଣ । ସଂକଟାପନ୍ନ ହୋଇଥିବା ଆକ୍ରାନ୍ତ ରୋଗୀଙ୍କର ବିଶ୍ଳେଷଣରୁ ଏହା ଜାଣିବାକୁ ମିଳିଛି । ତୃତୀୟ ଦିନରେ ନିମୋନିଆ ହେବାର ଆଶଙ୍କା ଥାଏ । କିନ୍ତୁ ପଞ୍ଚମ ଦିନରେ ସ୍ଥିତି ଅଧିକ ଖରାପ ହୋଇଥାଏ । ଯଦି ସେହି ସମୟରେ ନିମୋନିଆ ବାବଦରେ ଜଣାପଡ଼ି ନ ଥାଏ, ତେବେ ଏହା ଚ୍ୟାଲେଞ୍ଜ ସୃଷ୍ଟି କରିଥାଏ। ଏଭଳି ସ୍ଥିତିରେ ରୋଗୀକୁ ହସ୍ପିଟାଲ ନିଆଯିବା ଜରୁରି । ତେବେ ସ୍ୱାଦ ଓ ଗନ୍ଧ ବାରି ନ ହେବା ଦୁଇଟି ପ୍ରାଥମିକ ଲକ୍ଷଣ। ଏହି ଲକ୍ଷଣ ଦେଖାଦେଲେ ତୁରନ୍ତ ଟେଷ୍ଟିଙ୍ଗ୍‌ କରାଇନେବା ଆବଶ୍ୟକ । ଏହାକୁ ଅବହେଳା କରିବା ଅନୁଚିତ ବୋଲି ଡା. ଅଗ୍ରୱାଲ କହିଛନ୍ତି ।

ଅନ୍ୟପକ୍ଷରେ କୁହାଯାଇଛି ଯେ ୧୫ ମିନିଟ୍‌ ମଧ୍ୟରେ ଜଣକଠାରୁ ଅନ୍ୟ ଜଣକୁ ଭୂତାଣୁ ବ୍ୟାପିଥାଏ । କମ୍‌ ଲକ୍ଷଣ ଥିବା ରୋଗୀଙ୍କ ପାଇଁ ଗୃହ ସଙ୍ଗରୋଧ ସର୍ବୋତ୍କୃଷ୍ଟ । ସଂକ୍ରମଣକୁଏଡ଼ାଇବା ପାଇଁ ମାସ୍କ ଓ ସାମାଜିକ ଦୂରତା ସବୁଠୁ ସାର୍ବଜନିକ ନିବାରଣ ବ୍ୟବସ୍ଥା ଏବଂ ଏହାକୁ ପାଳନ କରିବା ଜରୁରି ବୋଲି କୁହାଯାଇଛି ।

   Related Posts