ନୂଆଦିଲ୍ଲୀ, ୧୯ ।୦୯: କରୋନା ଭୟ ଏବେ ଯିବାର ପ୍ରଶ୍ନ ଉଠୁନି । ପ୍ରତି ସପ୍ତାହରେ ୫୦ ହଜାର ଲୋକଙ୍କ ଜୀବନ ନେଉଛି କରୋନା । ଏନେଇ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ବା ଡବ୍ଲ୍ୟୁଏଚଓର କାର୍ଯ୍ୟନିର୍ବାହୀ ନିର୍ଦ୍ଦେଶକ ମାଇକ୍ ରୟାନ ସୂଚନା ଦେଇଛନ୍ତି ।
ମାଇକ୍ ରୟାନ କହିଛନ୍ତି ଯେ, ଏବେ ବି ସ୍ଥିତି ସୁଧୁରି ନାହିଁ । ବିପଦ ଟଳିନାହିଁ । ବ୍ରିଟେନ ଓ ଫ୍ରାନ୍ସର ବିଭିନ୍ନ ହସ୍ପିଟାଲରେ ଭର୍ତ୍ତି ହୋଇଥିବା କରୋନା ସଂକ୍ରମିତଙ୍କ ସଂଖ୍ୟା ଚିନ୍ତାଜନକ ରହିଛି । ଏବେବି ଭାଇରସର ପ୍ରକୋପ ଯିବାକୁ ଅଧିକ ସମୟ ଲାଗିବ । ଥଣ୍ଡା ଦିନ ଆସୁଛି । କରୋନା ମାମଲା ଓ ଆଇସିୟୁରେ ଭର୍ତ୍ତି ରୋଗୀଙ୍କ ସଂଖ୍ୟା ଅଧିକ ଜଟିଳ ରହିଛି ।
{"id":331905,"sizeSlug":"large"}ସେ ଆହୁରି କହିଛନ୍ତି ଯେ, ଏବେ ଭାଇରସର ପ୍ରଭାବ ଶେଷ ହେବ ନାହିଁ । ଯେଉଁ ଦେଶରେ ଶୀତ ଅନୁଭୂତ ସେଠାରେ ଏବେ ଅଧିକ ଲୋକ ଘରେ ରହିବେ । ମାମଲା ରୋକିବା ପାଇଁ ଅଧିକ ପଦକ୍ଷେପ ଗ୍ରହଣ କରିବାକୁ ହେବ । ଏବେବି ମହାମାରୀ ବିପଦ ଅଧିକ ରହିଛି । କରୋନା ସଂକ୍ରମଣକୁ ଦେଖି ଇସ୍ରାଏଲରେ ପୁଣି ଥରେ ଲକଡାଉନ୍ ଲାଗୁ କରାଯାଇଛି । ବ୍ରିଟେନରେ କରୋନାର ଦ୍ୱିତୀୟ ଲହର ଆରମ୍ଭ ହୋଇଛି । ୟୁରୋପରେ ମଧ୍ୟ ମାମଲା ବଢିବାରେ ଲାଗିଛି । ଯେଉଁ ଦେଶରେ ଅଧିକ ଜନସଂଖ୍ୟା ରହିଛି ସେଠାରେ କରୋନାର ବିପଦ ଅଧିକ ରହିଥିବା କହିଛି ବିସ୍ୱ ସ୍ୱାସ୍ଥ୍ୟ ସଙ୍ଗଠନ ।