Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ମୁଣ୍ଡଳୀ ବ୍ୟାରେଜରୁ ଡେଇଁ ଜଣେ ନିଖୋଜ, ବ୍ରିଜ୍ ଉପରେ ଅଛି ଗାଡି ଓ ମୋବାଇଲ୍
  • ||
  • ଖୋର୍ଦ୍ଧା : ଯୁବକକୁ ଖୋଜି ଆଣିବା ଦାବିରେ ଏସ୍‌ପି ଅଫିସ୍ ଘେରାଉ, ରବିବାରଠୁ ଗାଈ ଚରେଇବାକୁ ଯାଇ ଅଛନ୍ତି ନିଖୋଜ
  • ||
  • ଚାନ୍ଦବାଲି : ଖେଳୁଥିବା ବେଳେ ପୋଖରୀରେ ବୁଡିଗଲେ ଦେଢ ବର୍ଷର ଶିଶୁ କନ୍ୟା, ଡାକ୍ତରଖାନାରେ ମୃତ୍ୟୁ
  • ||
  • ଭୁବନେଶ୍ବର : ମମିତା ଘଟଣାରେ ରାଜଧାନୀ ହୁଲସ୍ତୁଲ, ଡିସିପି ଅଫିସ୍ ଘେରାଉ ବେଳେ ବିଜେପି କର୍ମୀ ଓ ପୋଲିସ ଧସ୍ତାଧସ୍ତି
  • ||
  • ନୟାଗଡ : ଗୁଣିଗାରେଡି ସନ୍ଦେହରେ ୫ ଜଣଙ୍କୁ ନିର୍ଯାତନା ଘଟଣା : ୫ ଜଣଙ୍କୁ ଗିରଫ କଲା ପୋଲିସ
  • ||
  • ମର୍ମନ୍ତୁଦ ଦୁର୍ଘଟଣା: ଡୋଡା ଘାଟିରେ ଖସିପଡିଲା ମାଟାଡୋର, ୮ ମୃତ ଓ ଅନେକ ଆହତ
  • ||
  • ଜଗତସିଂହପୁର : ଷ୍ଟାଡିୟମ୍ ନିକଟରୁ ମିଳିଲା ଯୁବକଙ୍କ ମୃତଦେହ, ବୁଧବାର ସନ୍ଧ୍ୟାରୁ ଥିଲେ ନିଖୋଜ
  • ||
  • କଳାହାଣ୍ଡି : ମମିତା ମେହେର ହତ୍ୟା ମାମଲାରେ କଂଗ୍ରେସର ଧାରଣା ୩ୟ ଦିନରେ, ମନ୍ତ୍ରୀ ଇସ୍ତଫା ନଦେଲେ ତୀବ୍ର ହେବ ଆନ୍ଦୋଳନ
  • ||
  • କଳାହାଣ୍ଡି : ଇନ୍ଦ୍ରାବତୀ ଦକ୍ଷିଣ ମୁଖ୍ୟ କେନାଲରେ ଘାଇ, ଶହ ଶହ ହେକ୍ଟର ଧାନ ଚାଷ ନଷ୍ଟ ଆଶଙ୍କା
  • ||
  • ଢେଙ୍କାନାଳ : ଶୌଚ ହୋଇ ଫେରିବା ବେଳେ ବୃଦ୍ଧଙ୍କୁ କଚାଡିଦେଲା ଦନ୍ତା, ଡାକ୍ତରଖାନାରେ ଚାଲିଗଲା ଜୀବନ
  • ||

ଭୟଙ୍କର ହେବାରେ ଲାଗିଛି ଡେଲଟା ଭ୍ୟାରିଆଣ୍ଟ, ୮୫ ଦେଶରେ ପହଞ୍ଚିଲାଣି, ସତର୍କ ନରହିଲେ ସ୍ଥିତି ଜଟିଳ ହେବ : WHO

25/06/2021 at 4:04 PM

ନୂଆଦିଲ୍ଲୀ ୨୫/ ୦୬ : ବିଶ୍ବରେ କରୋନା ସଂକ୍ରମଣ ମଧ୍ୟରେ ଏବେ ଚିନ୍ତାର କାରଣ ପାଲଟିଛି ଡେଲ୍‌ଟା ଭ୍ୟାରିଆଣ୍ଟ । ବିଶ୍ବ ସ୍ବାସ୍ଥ୍ୟ ସଂଗଠନ କହିବା ମୁତାବକ, ଯଦି ଏଭଳି ପରିସ୍ଥିତି ଜାରି ରୁହେ ତେବେ କୋଭିଡ ୧୯ର ଅଧିକ ସଂକ୍ରାମକ ଡେଲଟା ଭାଇରସ ଆହୁରି ଭୟଙ୍କର ହେବ । ବର୍ତ୍ତମାନ ସୁଦ୍ଧା ୮୫ଟି ଦେଶରେ ପହଞ୍ଚିସାରିଲାଣି କୋଭିଡର ଡେଲଟା ଭ୍ୟାରିଆଣ୍ଟ । ଏହାରି ମଧ୍ୟରେ ଡବ୍ଲ୍ୟୁଏଚଓର ଚେତାବନୀ ଚିନ୍ତା ବଢାଇଛି ।

ବିଶ୍ବ ସ୍ବାସ୍ଥ୍ୟ ସଂଗଠନର ରିପୋର୍ଟ ଅନୁଯାୟୀ, ବିଶ୍ବରେ ବର୍ତ୍ତମାନ ସୁଦ୍ଧା ୧୭୦ ଦେଶରେ କୋଭିଡର ଆଲଫା ଭ୍ୟାରିଆଣ୍ଟ, ୧୧୯ଟି ଦେଶରେ ବିଟା ଭ୍ୟାରିଆଣ୍ଟ, ୭୧ ଦେଶରେ ଗାମା ଭ୍ୟାରିଆଣ୍ଟ ଚିହ୍ନଟ ହୋଇଥିବା ବେଳେ ଡେଲଟା ସ୍ବରୂପ ବର୍ତ୍ତମାନ ସୁଦ୍ଧା ୮୫ଟି ଦେଶରେ ପହଞ୍ଚିସାରିଲାଣି । ବର୍ତ୍ତମାନ ସୁଦ୍ଧା କୋଭିଡର ୪ଟି(ଆଲଫା, ବିଟା, ଗାମା, ଡେଲଟା) ମାରାତ୍ମକ ମ୍ୟୁଟାଣ୍ଟ ଚିହ୍ନଟ ହୋଇସାରିଲାଣି । ଏହି ସବୁ ମ୍ୟୁଟାଣ୍ଟ ଚିହ୍ନଟ ହେଉଥିବା ଅଞ୍ଚଳରେ ବିଶେଷ ଭାବେ ନଜର ରଖାଯାଇଛି । ଡେଲଟା ସ୍ବରୂପ, ଆଲଫା ଠାରୁ ଅଧିକ ସଂକ୍ରାମକ ଏବଂ ପ୍ରଭାବି ବୋଲି WHO କହିଛି ।

WHOର ରିପୋର୍ଟରେ କୁହାଯାଇଛି ଯେ, ଡେଲଟା ଭାଇରସ ଦ୍ବାରା ପ୍ରଭାବିତ ହେଉଥିବା ରୋଗୀମାନଙ୍କ ମଧ୍ୟରୁ କିଛି ଲୋକଙ୍କୁ ଅକ୍ସିଜେନର ଆବଶ୍ୟକତା ପଡିଥାଏ । କିଛି ରୋଗୀଙ୍କୁ ଆଇସିୟୁର ମଧ୍ୟ ଆବଶ୍ୟକତା ପଡିଥାଏ । ଭାରତରେ କରୋନା ସଂକ୍ରମଣ ଧିରେ ଧିରେ କମ ହେବାରେ ଲାଗିଛି । ବିଭିନ୍ନ ରାଜ୍ୟରେ ସଂକ୍ରମଣ ହାର କମିଥିବା ବେଳେ ଅନଲକ୍ ପ୍ରକ୍ରିୟା ମଧ୍ୟ ଜାରି ରହିଛି । ଏହାରି ମଧ୍ୟରେ ଡେଲଟା ଭ୍ୟାରିଆଣ୍ଟକୁ ନେଇ WHOର ଚେତାବନୀ ଚିନ୍ତା ବଢାଇ ଦେଇଛି ।

   Related Posts