Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||

ଶରୀରର ବିଭିନ୍ନ ଅଙ୍ଗରେ କ୍ଷତି କରିଥାଏ କରୋନା ଭାଇରସ

14/05/2020 at 5:33 PM

ନୂଆଦିଲ୍ଲୀ ୧୪/୦୫ : ଏବେ ଯାଏଁ କରୋନାର ଅନେକ ଲକ୍ଷଣ ସାମ୍ନାକୁ ଆସିଛି | ଦିନକୁ ଦିନ କରୋନାର ନୂଆ ନୂଆ ଲକ୍ଷଣ ସାମ୍ନାକୁ ଆସୁଛି | ସେଠି ମଧ୍ୟରୁ ନିଶ୍ୱାସ ନେବାରେ ଅସୁବିଧା ହେବା ମୁଖ୍ୟ ଲକ୍ଷଣ | କରୋନା ସଂକ୍ରମିତଙ୍କୁ ନିଶ୍ୱାସ ନେବାରେ ସମସ୍ୟା ହୋଇଥାଏ ଯେଉଁଥିପାଇଁ ତାଙ୍କୁ ଭେଣ୍ଟିଲେଟରରେ ରଖାଯାଇଥାଏ | କରୋନା କେବଳ ନିଶ୍ୱାସ ନେବାରେ ସମସ୍ୟା ସୃଷ୍ଟି କରିନଥାଏ ବରଂ ଏହାର ପ୍ରଭାବ କିଡନୀ, ତ୍ୱଚା, ଶିର, ମସ୍ତିସ୍କ ହୃଦୟ ଏବଂ ସ୍ନାୟୁ ତନ୍ତ ଉପରେ ମଧ୍ୟ ପଡିଥାଏ |

ହୃଦୟ ଉପରେ ପ୍ରଭାବ – ଆମେରିକା, ଇଟାଲୀ ଓ ଚୀନରେ କରାଯାଇଥିବା ଅନେକ ଅଧ୍ୟୟନରୁ ଜଣାପଡିଛି ଯେ ସାର୍ଶ ସିଓବି-୨ ଭାଇରସ ହୃଦୟ ଉପରେ ଖରାପ ପ୍ରଭାବ ପକାଇଥାଏ | ସମସ୍ତ କରୋନା ପୀଡିତ ରୋଗୀଙ୍କ ମୃତ୍ୟୁ ହୃଦୟ ସହିତ ଜଡିତ ନୁହେଁ | ଅନେକ ରୋଗୀଙ୍କ ଶରୀରରେ ହୃଦୟ କୋଷ ନଷ୍ଟ ହେବା ଫଳରେ ରୋଗୀଙ୍କ ମୃତ୍ୟୁ ଘଟିଥିବା ପ୍ରମାଣ ମିଳିଛି | ଯାଞ୍ଚରୁ ଜଣାପଡିଛି କିଛି ରୋଗୀଙ୍କର ପୂର୍ବରୁ କୌଣସି ହୃଦୟ ସମ୍ବନ୍ଧିତ ରୋଗ ନଥିଲା | ସାର୍ଶ ସିଓବି-୨ ପ୍ରଭାବରେ ଅନେକଙ୍କ ଶରୀରରେ ମାୟୋକାର୍ଡିଟିସ ଅର୍ଥାତ ହୃଦୟର ମାଂସପେଶୀରେ ସୁଜନ ହୋଇଯାଇଥିଲା | କିନ୍ତୁ ସାର୍ଶ ସିଓବି-୨ ସଂକ୍ରମଣରେ ପୂର୍ବରୁ ହିଁ ସାର୍ଶ ଓ ମର୍ସ ଭାଇରସର ପ୍ରକୋପରୁ ରୋଗୀଙ୍କ ହୃଦୟକୁ କ୍ଷତି ହୋଇଥିଲା | 

ଫୁସଫୁସରେ ପ୍ରଭାବ – କରୋନା ସଂକ୍ରମଣ ସମୟରେ ଫୁସଫୁସ ମଧ୍ୟ ପ୍ରଭାବିତ ହୋଇଥାଏ | କିନ୍ତୁ ରୋଗ ଭଲ ହେବାପରେ ମଧ୍ୟ ଫୁସଫୁସ ଭଲ ହୋଇନଥାଏ | ଚୀନରେ ଅନେକ ଲୋକଙ୍କ ଉପରେ କରାଯାଇଥିବା ଗବେଷଣାରେ ଜଣାପଡିଥିଲା ଯେ କରୋନାରୁ ଭଲ ହୋଇଥିବା ଅନେକ ରୋଗୀଙ୍କ ଫୁସଫୁସର କିଛି ଅଂଶ କାମ କରିବା ସମ୍ପୂର୍ଣ ବନ୍ଦ କରିଦେଇଥିଲା | ଅନେକ ରୋଗୀଙ୍କ ଫୁସଫୁସର ୨୦ ରୁ ୩୦ ପ୍ରତିଶତ ଅଂଶ କାମ କରିବା ବନ୍ଦ କରିଦେଇଥାଏ | ଏହାର ଆକାର ଛୋଟ ହୋଇଯିବାରୁ ନିଶ୍ୱାସ ଖୁବ ଶୀଘ୍ର ନେବାକୁ ପଡିଥାଏ | ଏହାର ପ୍ରଭାବ ଦୈନନ୍ଦିନ କାର୍ଯ୍ୟକଳାପ ଉପରେ ପଡିଥାଏ |

ଶିରା ପ୍ରଶିରା ଉପରେ ପ୍ରଭାବ – ଜ୍ୟୁରିକ ୟୁନିଭର୍ସିଟି ହସ୍ପିଟାଲର ଡାକ୍ତର କରୋନା ଜନିତ ମୃତକଙ୍କ ଶରୀରର ଅଟୋପ୍ସି ବେଳେ ଜାଣିବାକୁ ପାଇଥିଲେ ଯେ ରୋଗୀଙ୍କ ଶିରା ପ୍ରଶିରାରେ ଆନ୍ତରିକ ସୁଜନ ହୋଇଥିଲା | ରକ୍ତ ପ୍ରବାହ କରୁଥିବା ଅନେକ ଶିରା ପ୍ରଶିରା ଶରୀର ଭିତରେ ଗୁଡେଇ ହୋଇଯାଇଥିଲା | ସାର୍ଶ ସିଓବି-୨ ରେ ମଧ୍ୟ ଶିରା ପ୍ରଶିରାରେ ଆନ୍ତରିକ ସୁଜନ ଦେଖାଦେଇଥାଏ | ଏହାର ପ୍ରଭାବରେ ପୁରା ଶରୀରରେ ରକ୍ତ ଅଭାବ ଦେଖାଦେଇଥାଏ | ଫଳରେ ମଣିଷର ମସ୍ତିସ୍କ ଏବଂ ଅନ୍ୟ ଅଙ୍ଗ ମଧ୍ୟ କାମ କରିବା ବନ୍ଦ କରିଦେଇଥାଏ | ଯାହାଫଳରେ ମୃତ୍ୟୁ ହୋଇଥାଏ |  

ସ୍ନାୟୁ ତନ୍ତ୍ର ଉପରେ ପ୍ରଭାବ – ଗବେଷଣାରୁ ଜଣାପଡିଛି ସାର୍ଶ ସିଓବି-୨ ଭାଇରସ ମନୁଷ୍ୟର ସ୍ନାୟୁ ତନ୍ତ୍ରକୁ ପ୍ରଭାବିତ କରିଥାଏ | କାରଣ ନାକର ହାଡ ସିଧା ମସ୍ତିସ୍କ ସହିତ ଜଡିତ | କରୋନା ଭାଇରସ ଶରୀରକୁ ପ୍ରବେଶ କରିବାର ଏକ ମୁଖ୍ୟ ଦ୍ୱାର ହେଲା ନାକ |  ବେଲ୍ଜିୟମରେ ହୋଇଥିବା ଏକ ଗବେଷଣାରୁ ଜଣାପଡିଛି ଯେ ସ୍ନାୟୁ କୋଷ ଭାଇରସର ମୁଖ୍ୟ ସ୍ନାୟୁତନ୍ତ୍ରରେ ପହଞ୍ଚିବାର ମୁଖ୍ୟ ଦ୍ୱାର ଭଳି କାମ କରିଥାଏ |  

ମସ୍ତିସ୍କ ଉପରେ ପ୍ରଭାବ – ପୂର୍ବରୁ ବିସ୍ତାର କରିଥିବା ସାର୍ଶ ଓ ମର୍ସ ଭାଇରସ ସମୟରେ ସ୍ନାୟୁତନ୍ତ୍ର ଜରିଆରେ ମସ୍ତିସ୍କ ଯାଏଁ ପହଞ୍ଚୁଥିବା ଭାଇରସ ମସ୍ତିସ୍କକୁ କ୍ଷତି ପହଞ୍ଚାଇଥାଏ | ଜାପାନରେ ଜଣେ କରୋନା ରୋଗୀଙ୍କୁ ମିର୍ଗୀ ଯୋଗୁଁ ତାଙ୍କ ମସ୍ତିସ୍କରେ ସୁଜନ ହୋଇଯାଇଥିଲା | ଏହା ସାର୍ଶ ସିଓବି-୨ଭାଇରସ ଯୋଗୁଁ ହୋଇଥିଲା | ଚୀନ ଓ ଜାପାନର ଗବେଷକ ଜାଣିବାକୁ ପାଇଛନ୍ତି ଯେ, କୋଭିଡ-୧୯ ର ରୋଗଜନକ ଶ୍ୱାସନ ତନ୍ତ୍ର ସହ ମସ୍ତିସ୍କ ଉପରେ ମଧ୍ୟ ପ୍ରଭାବ ପକାଇଥାଏ | ଏହା ମସ୍ତିସ୍କ କୋଷକୁ ମାରିଦେଇଥାଏ |

କିଡନୀ ଉପରେ ପ୍ରଭାବ – ଯଦି କରୋନା ରୋଗୀଙ୍କୁ ନିମୋନିଆ ହୁଏ ଏବଂ ତାଙ୍କୁ ଭେଣ୍ଟିଲେଟରରେ ରଖିଦିଆଯାଏ ତାହେଲେ ଏହାର ଖରାପ ପ୍ରଭାବ କିଡନୀ ଉପରେ ପଡିଥାଏ | ଅନେକ କ୍ଷେତ୍ରରେ ରୋଗୀଙ୍କ କିଡନୀ କାମ କରିବା ବନ୍ଦ କରିଦେଇଥାଏ | ନିମୋନିଆ ଯୋଗୁଁ ଫୁସଫୁସରେ ଦ୍ରବ୍ୟ ଏକାଠି ହୋଇଯାଇଥାଏ | ଏହି ଜମାଟ ବାନ୍ଧିଥିବା ଦ୍ରବ୍ୟକୁ ହଟାଇବା ପାଇଁ ରୋଗୀଙ୍କୁ ଔଷଧ ଦିଆଯାଇଥାଏ | କାରଣ ରୋଗୀଙ୍କ ଶରୀରରେ ରକ୍ତ ମଧ୍ୟ ଜମାଟ ବାନ୍ଧିଥାଏ | ଯାହାଫଳରେ ରକ୍ତ ସଞ୍ଚାଳନ ବାଧାପ୍ରାପ୍ତ ହୋଇଥାଏ | କିଡନୀକୁ ମଧ୍ୟ ରକ୍ତ ସଞ୍ଚାଳନ ହୋଇପାରିନଥାଏ | ଫଳରେ ଅନେକ କରୋନା ରୋଗୀଙ୍କ କିଡନୀରେ ସମସ୍ୟା ଦେଖାଦେଇଥାଏ |

ତ୍ୱଚା ଉପରେ ପ୍ରଭାବ – କରୋନାରେ ପୀଡିତ ଲୋକଙ୍କ ତ୍ୱଚା ମଧ୍ୟ ପ୍ରଭାବିତ ହୋଇଥାଏ | ଅନେକ ରୋଗୀଙ୍କ ଗୋଡର ଆଙ୍ଗୁଠିରେ ବାଇଗଣୀ ରଙ୍ଗର ଚିହ୍ନ ରହିଯାଏ | ଚୀନରେ ଅନେକ ରୋଗୀଙ୍କ ତ୍ୱଚାର ରଙ୍ଗ ପରିବର୍ତ୍ତନ ହୋଇଥିବା ଦେଖିବାକୁ ମିଳିଥିଲା | ତେବେ ଏହି ବାଇଗଣୀ ରଙ୍ଗର ଚିହ୍ନ ରକ୍ତ ଜମାଟ ବାନ୍ଧିଥିବା ଯୋଗୁଁ ହୋଇଥାଏ ବୋଲି ଡାକ୍ତର କହିଛନ୍ତି |

   Related Posts