Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

କରୋନା ଅପଡେଟ୍‌: ନୂଆ ହଟ୍‌ସ୍ପଟ୍ କଟିକଟା

2/05/2020 at 10:27 PM

ଭୁବନେଶ୍ବର୨/୫: ରାଜ୍ୟରେ କରୋନା ଆକ୍ରାନ୍ତରେ ଟପ୍‌କୁ ଆସିଯାଇଛି ଯାଜପୁର ଜିଲ୍ଲା । ୪୮ ଆକ୍ରାନ୍ତଙ୍କ ସହିତ ଯାଜପୁର ଏବେ ଖୋର୍ଦ୍ଧାକୁ ଟପିଛି ।  ଆଜି ଯାଜପୁର ଜିଲ୍ଲାରେ ଆଉ ୭ ଆକ୍ରାନ୍ତ ଚିହ୍ନଟ ହୋଇଛନ୍ତି।ତେବେ ଯାଜପୁର ଜିଲ୍ଲାର କଟିକଟା ଏବେ ନୂଆ ହଟସ୍ପଟ ହୋଇଛି। ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୧୫୭କୁ ବୃଦ୍ଧି ପାଇଛି।

କରୋନା ଆକ୍ରାନ୍ତଙ୍କ ସଂଖ୍ୟାରେ ଟପ୍‌କୁ ଗଲା ଯାଜପୁର ଜିଲ୍ଲା।  ସର୍ବାଧିକ ଆକ୍ରାନ୍ତଙ୍କ ସହିତ ଏବେ ଏହା ଖୋର୍ଦ୍ଧା ଜିଲ୍ଲାକୁ ଟପିଛି।  ରାଜ୍ୟରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୧୫୭ରେ ପହଞ୍ଚିଥିବା ବେଳେ କେବଳ ଯାଜପୁର ଜିଲ୍ଲାରେ ଚିହ୍ନଟ ହୋଇଛନ୍ତି ୪୮ । ଆଜି ଗୋଟିଏ ଦିନରେ ଏଠାରେ ୮ ଜଣ କରୋନା ପଜିଟିଭ ଚିହ୍ନଟ  ହୋଇଛନ୍ତି । ସକାଳେ ୫ ଜଣ ଚିହ୍ନଟ ହୋଇଥିବା ବେଳେ ଅପରାହ୍ନରେ ୨ ଜଣ ଏବଂ ସଂଧ୍ୟାରେ ଜଣେ ଚିହ୍ନଟ ହୋଇଥିଲେ । ଆଜି ଚିହ୍ନଟ ହୋଇଥିବା ୮ଜଣଙ୍କ ମଧ୍ୟରୁ ୬ ଜଣ ପୁରୁଷ ଓ ୨ ଜଣ ମହିଳା ରହିଛନ୍ତି। ଖୋର୍ଦ୍ଧା ଜିଲ୍ଲାରେ ୪୭ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଏବେ ସେଠାରେ ଆକ୍ଟିଭ ରୋଗୀଙ୍କ ସଂଖ୍ୟା ରହିଛି ୧୬ । ୩୧ ଜଣ ଭଲ ହୋଇ ଡିସଚାର୍ଜ ହୋଇସାରିଛନ୍ତି।  ତେବେ ଯାଜପୁରରେ ଆକ୍ଟିଭ ରୋଗୀଙ୍କ ସଂଖ୍ୟା ରହିଛି ୪୭ । ଯାଜପୁରରେ ଚିହ୍ନଟ ହୋଇଥିବା ଅଧିକାଂଶ ରୋଗୀ କୋଲକାତା ଫେରନ୍ତା।

ନୂଆ ହଟ୍‌ସ୍ପଟ୍ କଟିକଟା । ଯାଜପୁରର  ରାଜ୍ୟର ନୂଆ କରୋନା ହଟ୍‌ସ୍ପଟ୍ ପାଲଟିଛି ଯାଜପୁର ଜିଲ୍ଲାର କଟିକଟା ପଞ୍ଚାୟତ। କେବଳ ଏହି ଗୋଟିଏ ପଞ୍ଚାୟରୁ ଚିହ୍ନଟ ହେଲେଣି ୨୧ ଜଣ କରୋନା ପଜିଟିଭ । ସବୁଠାରୁ ବଡ଼କଥା ହେଉଛି ଏଠାରେ ଲୋକଙ୍କ ଖାମଖିଆଲ ବ୍ୟବହାର ପାଇଁ ହିଁ ଏହା କରୋନା ହଟ୍‌ସ୍ପଟ ପାଲଟିଲା । ପ୍ରଥମେ ଏଠାରେ ଯେଉଁମାନଙ୍କୁ କ୍ବାରାଣ୍ଟାଇନରେ ରଖାଯାଇଥିଲା, ସେମାନେ ସରକାରୀ ନିୟମକୁ ଫୁକରି ଦେଇଥିଲେ । ନିୟମ କାନୁନ ନମାନି ବାହାରେ ବୁଲିଲେ ଆଉ ଅଧିକରୁ ଅଧିକ ଲୋକଙ୍କୁ ସଂକ୍ରମିତ କଲେ । ଏପରି କି ଏଠାରେ ଆହୁରି କରୋନା ପଜିଟିଭ ବାହାରିବାର ମଧ୍ୟ ଆଶଙ୍କା ରହିଛି।

ଆଜି ସୁଦ୍ଧା ରାଜ୍ୟର ୧୫ଟି ଜିଲ୍ଲାରୁ ୧୫୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଭୁବନେଶ୍ବରରେ ଆଜି ଆଉ ଜଣେ ସୁସ୍ଥ ହୋଇଛି ଡିସଚାର୍ଜ ହୋଇଛନ୍ତି।  ଏଥିମଧ୍ୟରୁ ୫୬ ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ଆକ୍ଟିଭ ରହିଛନ୍ତି ୯୯ ଜଣ । ଯାଜପୁର ଜିଲ୍ଲାରେ ୪୬, ବାଲେଶ୍ବରରେ ୨୦ ଏବଂ ଭଦ୍ରକରେ ୧୯ ଜଣ ଆକ୍ଟିଭ ରହିଛନ୍ତି । ଏହି ତିନି ଜିଲ୍ଲା ଯାଜପୁର, ବାଲେଶ୍ବର ଓ ଭଦ୍ରକ ଏବେ ରହିଛି ରେଡ୍ ଜୋନରେ।

   Related Posts