Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ପଶୁଙ୍କୁ ମଧ୍ୟ ଗ୍ରାସିଲା କରୋନା, ଚିଡିଆଖାନାରେ ୮ ସିଂହ କୋଭିଡ୍-୧୯ ପଜିଟିଭ୍

4/05/2021 at 3:52 PM

ହାଇଦ୍ରାବାଦ ୦୪।୦୫: ଦେଶରେ କରୋନା ପ୍ରକୋପ ଥମିବାର ନାଁ ନେଉନାହିଁ। ସଂକ୍ରମଣ ଶିଖରରେ ପହଞ୍ଚିବା ଏବେ ମଧ୍ୟ ବାକି ରହିଛି। କରୋନାରୁ ପଶୁ ମଧ୍ୟ ବର୍ତ୍ତି ପାରି ନାହାନ୍ତି। ଦେଶରେ ପ୍ରଥମ ଥର ସିଂହ କୋଭିଡ୍-୧୯ ପଜିଟିଭ୍ ହୋଇଛନ୍ତି। ହାଇଦ୍ରାବାଦର ନେହେରୁ ଜୁଲୋଜିକଲ ପାର୍କରେ ୮ ଏସିଆ ସିଂହ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଏପ୍ରିଲ ୨୯ରେ ସେଣ୍ଟର ଫର ସେଲ୍ୟୁଲର ଆଣ୍ଡ ମଲିକ୍ୟୁଲର ବାୟୋଲୋଜି(ସିସିଏମବି) ନେହେରୁ ଜୁଲୋଜିକଲ ପାର୍କର ଅଧିକାରୀଙ୍କୁ  ଆରଟି ପିସିଆର ଟେଷ୍ଟରେ ୮ ସିଂହ କରୋନା ପଜିଟିଭ୍ ଚିହ୍ନଟ ହୋଇଥିବା ସୂଚନା ଦେଇଥିଲେ।

ପାର୍କର ରକ୍ଷଣାବେକ୍ଷଣ ଦାୟିତ୍ଵରେ ଥିବା ତଥା ନିର୍ଦ୍ଦେଶକ ଡାକ୍ତର ସିଦ୍ଧାନନ୍ଦ କୁକରେତି ନା ଏହାର ସୂଚନା ଦେଇଛନ୍ତି ନା ସିଂହ ପଜିଟିଭ୍  ହୋଇଥିବା ଖବରକୁ ଅସ୍ଵୀକାର କରିଛନ୍ତି। ସେ କହିଛନ୍ତି,  ଏହା ସତ ଯେ ସିଂହଙ୍କଠାରେ କରୋନା ଲକ୍ଷଣ ଦେଖିବାକୁ ମିଳିଛି ମାତ୍ର ଆମକୁ ସିଂହ ପଜିଟିଭ୍ ହେବା ରିପୋର୍ଟ ମିଳିବା ବାକି ରହିଛି। ରିପୋର୍ଟ ମିଳିବା ପରେ  ହିଁ ଏହି ବିଷୟରେ ବିସ୍ତୃତ ସୂଚନା ଦେଇ ପାରିବୁ ବୋଲି ସେ କହିଛନ୍ତି। ସୂଚନାଯୋଗ୍ୟ, ଗତ ବର୍ଷ ନ୍ୟୁୟର୍କର ଏକ ଚିଡିଆଖାନାରେ ୮ ବାଘ ଓ ସିଂହ କରୋନା ପଜିଟିଭ୍ ହୋଇଥିଲେ।

ଏପ୍ରିଲ ପଶୁ ଚିକିତ୍ସିକ ଏହି ସବୁ ପଶୁଙ୍କଠାରେ କରୋନା ଲକ୍ଷଣ ଯେମିତି କି ଭୋକ ନଲାଗିବା, ନାକରୁ ପାଣି ବାହାରିବା ଏବଂ କଫ ହେଉଥିବା ଦେଖିବାକୁ ପାଇଥିଲେ। ହାଇଦ୍ରାବାଦର ଏହି ଚିଡିଆଖାନାରେ ୧୨ ସିଂହ  ଅଛନ୍ତି, ଯାହାଙ୍କ ବୟସ ପ୍ରାୟ ୧୦ ବର୍ଷ।

ଏହି ଘଟଣା ପରେ ଚିଡିଆଖାନାକୁ ସାଧାରଣ ଲୋକଙ୍କ ପାଇଁ ଦୁଇ ଦିନ ପର୍ଯ୍ୟନ୍ତ ବନ୍ଦ ରଖାଯାଇଛି। ଏହି ପାର୍କ ଜନବହୁଳ ଅଞ୍ଚଳରେ ରହିଛି। କାରଣ କରୋନା ଭାଇରସ୍ ପବନରେ ବ୍ୟାପୁଥିବାରୁ ଆଖାପାଖ ଅଞ୍ଚଳରେ ରହୁଥିବା  ଲୋକଙ୍କ ସଂପର୍କରେ ଆସିବାରୁ ସିଂହ ସଂକ୍ରମଣ ହୋଇଛନ୍ତି।

   Related Posts