Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||

କରୋନା ନିୟମ ଉଲଙ୍ଘନ କରି ବାହାଘରକୁ ନିମନ୍ତ୍ରଣ କଲେ ୨୫୦ ଅତିଥି, ୧୫ ଜଣ ସଂକ୍ରମିତ : ବର ପିତାଙ୍କୁ ୬ ଲକ୍ଷ ୨୬ ହଜାର ଜରିମାନା

28/06/2020 at 1:24 PM

ଭୀଲବାଡା ୨୮/୦୬ : କରୋନା ସଂକ୍ରମଣ ମାମଲା ସାରା ଦୁନିଆରେ ହୁ ହୁ ହୋଇ ବଢୁଥିବାବେଳେ ସଂକ୍ରମଣକୁ ନିୟନ୍ତ୍ରଣରେ ରଖି ରୋଲ ମଡେଲ ସାଜିଥିବା ରାଜସ୍ତାନର ଭୀଲବାଡା ଜିଲ୍ଲାରୁ ବର୍ତ୍ତମାନ ନିୟମ ଅବହେଳା କରୁଥିବା ନେଇ ଚର୍ଚ୍ଚା ହେଉଛି | ଭୀଲବାଡାରେ କରୋନା ନିୟମ ଉଲଙ୍ଘନ କରି ବିବାହ ସମାରୋହ ଆୟୋଜନ କରି ୨୫୦ଜଣ ଅତିଥିଙ୍କୁ ନିମନ୍ତ୍ରଣ କରିଥିବାରୁ ବରଙ୍କ ପିତାଙ୍କୁ ଜରିମାନା ଲଗାଯାଇଛି | ଭୀଲବାଡାର ଘିଶୁଲାଲଙ୍କ ପୁଅ ବାହାଘର ଥିଲା | ସେ ବାହାଘରରେ ୨୫୦ ଜଣଙ୍କୁ ନିମନ୍ତ୍ରଣ ଦେଇଥିଲେ | କରୋନା ନିୟମ ଉଲଙ୍ଘନ କରିଥିବାରୁ ତାଙ୍କୁ ୬ ଲକ୍ଷ ୨୬ ହଜାର ୫୦୦ ଟଙ୍କା ଜରିମାନା ଲଗାଯାଇଛି | ଏହାସହ ତାଙ୍କ ବିରୋଧରେ ମାମଲା ମଧ୍ୟ ରୁଜ୍ଜୁ କରାଯାଇଛି | କରୋନା ସଙ୍କଟ ମଧ୍ୟରେ ଏହା ସମ୍ଭବତଃ ଦେଶରେ ପ୍ରଥମ ବଡ କରୋନା ନିୟମ ଉଲଙ୍ଘନ ମାମଲା |

ସୂଚନା ଅନୁଯାୟୀ, ଜରିମାନା ରାଶି ମୁଖ୍ୟମନ୍ତ୍ରୀ ରିଲିଫ ପାଣ୍ଠିରେ ଜମା କରାଯିବ | ଏଥିପାଇଁ ଭୀଲବାଡା ଜିଲ୍ଲା ଅଧିକାରୀ ରାଜେନ୍ଦ୍ର ଭଟ୍ଟ ଶନିବାର ଦିନ ଆଦେଶ ଦେଇଛନ୍ତି | ରାଜେନ୍ଦ୍ର ଭଟ୍ଟ ଏହି ଜରିମାନା ରାଶି ୩ ଦିନ ମଧ୍ୟରେ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରେ ଜମା କରିବାକୁ ଆଦେଶ ଦେଇଛନ୍ତି |

Indian bride looks at her reflection in a mirror during a Hindu wedding in Dehradun Uttarakhand

ରିପୋର୍ଟ ଅନୁଯାୟୀ, ବିବାହ ସମାରୋହ ପରେ ୧୫ ଜଣ କରୋନା ପଜିଟିଭ ଚିହ୍ନଟ ହୋଇଥିଲେ | ନବ ବିବାହିତ ଯୁବକଙ୍କ ଜେଜେବାବାଙ୍କ ମୃତ୍ୟୁ ହୋଇଯାଇଥିଲା | ଘିଶୁଲାଲଙ୍କ ପୁଅ ବାହାଘର ଜୁନ ୧୩ ତାରିଖରେ ହୋଇଥିଲା | କରୋନା ନିୟମ ଅନୁଯାୟୀ ବାହାଘରରେ ୫୦ ଜଣଙ୍କୁ ନିମନ୍ତ୍ରଣ କରାଯାଇ ପାରିବ | କିନ୍ତୁ ଘିଶୁଲାଲଙ୍କ ପୁଅ ବାହାଘରରେ ପାଖାପାଖି ୨୫୦ ଜଣ ଏକତ୍ରିତ ହୋଇଥିଲେ | ସାମୁହିକ ଭୋଜନ ଆୟୋଜନ ମଧ୍ୟ ହୋଇଥିଲା |

ବାହାଘରରେ ସାମିଲ ହୋଇଥିବା ଜଣେ ବ୍ୟକ୍ତି ଜୁନ ୧୯ ତାରିଖରେ କରୋନା ପଜିଟିଭ ଚିହ୍ନଟ ହୋଇଥିଲେ | ଏହାପରେ ଗୋଟିଏ ପରେ ଗୋଟିଏ ୧୫ ଜଣ ପୀଡିତ ହୋଇଥିବା ଜଣାପଡିଥିଲା | ଏମାନଙ୍କ ମଧ୍ୟରେ ଘିଶୁଲାଲଙ୍କ ପିତାଙ୍କ ସମେତ ଅନ୍ୟ ପରିଜନ ମଧ୍ୟ ସାମିଲ ଅଛନ୍ତି | ୫୮ ଜଣଙ୍କୁ ସଂସ୍ଥାଗତ ଭାବେ କ୍ଵାରେଣ୍ଟାଇନ କରାଯାଇଥିଲା | ଘିଶୁଲାଲଙ୍କ ପିତାଙ୍କ ମୃତ୍ୟୁ ହୋଇଥିଲା | ଘିଶୁଲାଲଙ୍କ ଠାରୁ ଆଦାୟ ହୋଇଥିବା ଜରିମାନା ଆଇସୋଲେସନ ୱାର୍ଡରେ ସଂକ୍ରମିତ ଲୋକଙ୍କ ଚିକିତ୍ସା ଏବଂ କ୍ଵାରେଣ୍ଟାଇନ ସେଣ୍ଟରରେ ଅନ୍ୟାନ୍ୟ ଖର୍ଚ୍ଚ ପାଇଁ ବ୍ୟବହାର କରାଯାଇଛି | ଜିଲ୍ଲା ଅଧିକାରୀ ଜରିମାନା ଆଦାୟ କରି କହିଛନ୍ତି ଯେ କରୋନା ସଂକ୍ରମଣ ରୋକିବା ପାଇଁ ସରକାର ଯେଉଁ ଗାଇଡଲାଇନ ଜାରି କରିଛନ୍ତି ତାକୁ ଯେକୌଣସି ପ୍ରକାରେ ସମସ୍ତଙ୍କୁ ପାଳନ କରିବାକୁ ହେବ | ନିୟମ ଉଲଙ୍ଘନ କଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ |

   Related Posts