Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ଢେଙ୍କାନାଳରେ ହୁ ହୁ ହୋଇ ବଢିଚାଲିଛି କରୋନା ସଂକ୍ରମିତଙ୍କ ସଂଖ୍ୟା, କଟକଣା କଡାକଡି କରିବାକୁ ଦାବି

26/09/2020 at 9:02 PM

ଢେଙ୍କାନାଳ, ୨୬ ।୦୯: ଢେଙ୍କାନାଳରେ କରୋନା  ସଂକ୍ରମିତଙ୍କ ସଂଖ୍ୟା ହୁହୁ ହୋଇ  ବଢ଼ିବାରେ ଲାଗିଛି । ଯାହାକୁ ନେଇ ଜିଲ୍ଲାବାସୀ ଆତଙ୍କିତ ହୋଇପଡିଛନ୍ତି । ଏଥିପାଇଁ ପ୍ରଶାସନର ଅବହେଳାକୁ ଦାୟୀ କରି କଟକଣାକୁ କଡାକଡ଼ି କରିବାକୁ ସାଧାରଣରେ ଦାବି ଜୋର ଧରିଛି ।

ହୁ ହୁ ହୋଇ ବଢି ଚାଲିଛି ସଂକ୍ରମିତଙ୍କ ସଂଖ୍ୟା । ଆଉ ଏହି ମହାମାରୀ କରୋନା ଢେଙ୍କାନାଳ ଜିଲ୍ଲା ଉପରେ ସମ୍ପୂର୍ଣ୍ଣ କାୟା ବିସ୍ତାର କରିସାରିଲାଣି । ଯାହାକୁ ନେଇ ଢେଙ୍କାନାଳବାସୀ ଆତଙ୍କିତ ହୋଇ ପଡିଲେଣି । ଏକଦା ସାରା ରାଜ୍ୟରେ କରୋନା ସଂକ୍ରମଣ ସ୍ଥିତିରେ ଢେଙ୍କାନାଳ ଜିଲ୍ଲାର ସ୍ଥିତିକୁ ନେଇ ବେଶ ଆଶ୍ୱସ୍ଥରେ ଥିଲେ ଲୋକେ । ମାତ୍ର ଏବେ ପରିସ୍ଥିତି ଜଟିଳ ହେବାରେ ଲାଗିଛି । ଅମାନିଆଙ୍କ ଉପରେ ଆଉ ପ୍ରଶାସନ ବା ପୁଲିସର ଲଗାମ ରହିଲା ପରି ଜଣାପଡୁନି ।ଏଥିପାଇଁ ପ୍ରଶାସନର ଖାମଖିଆଲି ଓ କୋହଳ ମନୋଭାବକୁ ଦାୟୀ କରୁଛନ୍ତି ସ୍ଥାନୀୟ ଲୋକେ ।

ତେବେ ସରକାରୀ ସୂଚନା ମୁତାବକ, ଢେଙ୍କାନାଲ ଜିଲ୍ଲାର ମୋଟ ଲୋକସଂଖ୍ୟା ୧୧ଲକ୍ଷ ୯୩ହଜାରରୁ ମାତ୍ର ୬୪ହଜାର ୫ଶହ୫ଜଣଙ୍କର ଟେଷ୍ଟ କରାଯାଇପାରିଛି । ଯାହାକି ମୋଟ ଲୋକ ସଂଖ୍ୟାର ମାତ୍ର ଶତକଡା ୫.୪ ପ୍ରତିଶତ । ଏଥିମଧ୍ୟରୁ ଆଜିଯାଏ ସଂକ୍ରମିତ ଚିହ୍ନଟଙ୍କ ସଂଖ୍ୟା ୩ହଜାର ୪ଶହ ୫୩ ବୋଲି ଜଣାପଡିଛି । ଏମାନଙ୍କ ମଧ୍ୟରୁ  ମହାମାରୀ କରୋନା ୩ଜଣଙ୍କ ପ୍ରାଣ ନେଇ ସାରିଛି । ଅପରପକ୍ଷରେ  ୨ହଜାର ୮ଶହ ୨୫ଜଣ ସୁସ୍ଥ ହୋଇଥିବା ବେଳେ ଏବେ ମଧ୍ୟ ୬୨୫ଜଣ ଆକ୍ରାନ୍ତ ଚିକିତ୍ସିତ ବା ଆଇସୋଲେସନ୍ ରେ ରହିଛନ୍ତି । ଜିଲ୍ଲାର ଓଡ଼ପଡା, ଗଁନ୍ଦିଆ ବ୍ଲକ,  ଭୁବନ ଏନଏସି ଓ ଢେଙ୍କାନାଳ ପୋୖରାଞ୍ଚଳରେ ସଂକ୍ରମଣ ଆକାଶ ଛୁଆଁ ହୋଇଛି ।  ଏହି ଅଂଚଳ ଗୁଡିକ ଜିଲ୍ଲାପାଇଁ  ହଟ୍ ଜୋନ ପାଲଟିଯାଇଛି ।  ଫଳରେ ଜିଲ୍ଲାରେ ପୂର୍ବ ପରି ଅମାନିଆ ମାନଙ୍କୁ ଲଗାମ ଦେଇ ପ୍ରଶାସନ ପକ୍ଷରୁ କଠୋର ଆଭିମୁଖ୍ୟ ଗ୍ରହଣ କରିବାକୁ ବୁଦ୍ଧିଜୀବୀ  ଅନୁରୋଧ କରୁଛନ୍ତି।

ଏପରିକି ଜିଲ୍ଲାରେ ପ୍ରାୟ ସମସ୍ତ ସରକାରୀ କାର୍ଯ୍ୟାଳୟ ,ବ୍ଲକ ଓ ଏନଏସି କାର୍ଯ୍ୟାଳୟ ଏହି ମହମାରୀ ସଂକ୍ରମଣ କୋପରୁ ବାଦ ପଡିନି । କୋର୍ଟ କଚେରୀ ଠାରୁ ଆରମ୍ଭ କରି ପ୍ରାୟ ସରକାରୀ ଅଫିସ କଣ୍ଟେନମେଣ୍ଟ ସାଙ୍ଗକୁ ଜନସାଧରଣଙ୍କ ପ୍ରବେଶ ମନା କରିଦେଇ ଚୁପ ବସିପଡିଛି ଜିଲ୍ଲା ପ୍ରଶାସନ । ଏହାସତ୍ୱେ କମିବା ବଦଳରେ ସଂକ୍ରମଣ ବଢି ବଢି ଚାଲିଛି । ଏପରିସ୍ଥଳେ ପ୍ରଶାସନ ପକ୍ଷରୁ କଡା କଟକଣା ଦିଗରେ କଠୋର ଆଭିମୁଖ୍ୟ ଗ୍ରହଣ କରାନଗଲେ ଆଗାମୀ ଦିନରେ ଢେଙ୍କାନାଳ ଜିଲ୍ଲା  ରାଜ୍ୟରେ କରୋନା ସଂକ୍ରମିତ ମୃତ୍ୟୁ ସଂଖ୍ୟା ରେକର୍ଡ କରିବାରେ ଯଥେଷ୍ଟ ସମ୍ଭାବନା ରହିଛି । 

   Related Posts