ନୂଆଦିଲ୍ଲୀ ୨୬।୩: ସାରା ବିଶ୍ବରେ କରୋନା ଭାଇରସ୍ ସଂକ୍ରମଣ ବୃଦ୍ଧି ପାଇବାରେ ଲାଗିଛି | ଭାରତରେ ଏହାର ମୁକାବିଲା ପାଇଁ ୨୧ ଦିନ ପାଇଁ ଲକ୍ ଡାଉନ୍ ଘୋଷଣା କରାଯାଇଛି । ଲକ୍ ଡାଉନ୍ ର ଆଜି ହେଉଛି ଦ୍ବିତୀୟ ଦିନ | ଲକ୍ ଡାଉନ୍ ଯୋଗୁଁ ସାଧାରଣ ଲୋକଙ୍କ ପାଇଁ ଅତ୍ୟାବଶ୍ୟକ ସାମଗ୍ରୀର ଅଭାବ ଦେଖାଦେଇଛି । ସରକାର ସହାୟତା ଯୋଗାଇଦେବାକୁ ଚେଷ୍ଟା ଜାରି ରଖିଛନ୍ତି । ତେବେ ଏହି ସମୟରେ ଦେଶରେ କରୋନା ସଂକ୍ରମିକଙ୍କ ସଂଖ୍ୟା ୬୦୦ ଅତିକ୍ରମ କରିଥିବାବେଳେ ୧୨ ଜଣ ପ୍ରାଣ ହରାଇସାରିଲେଣି ।
ଦେଶରେ କରୋନା ସଂକ୍ରମଣଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି। ଗୁରୁବାର ସକାଳେ ଏହି ସଂଖ୍ୟା ୬୮୬ ରେ ପହଞ୍ଚିଛି । ମଧ୍ୟପ୍ରଦେଶ ଏବଂ ଗୋଆରେ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଏଥିମଧ୍ୟରୁ ୬୩୧ଟି ସଂକ୍ରମିତ ଥିବା ବେଳେ ୪୩ ଜଣ ସୁସ୍ଥ ହୋଇ ଫେରିଛନ୍ତି। ବର୍ତ୍ତମାନ ସୁଦ୍ଧା ୧୨ ଜଣ ପ୍ରାଣ ହରାଇସାରିଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ବାରା କରାଯାଇଥିବା ୨୧ ଦିନିଆ ଲକ୍ ଡାଉନ୍ ର ଗୁରୁବାର ହେଉଛି ଦ୍ବିତୀୟ ଦିନ | ବୁଧବାର ପ୍ରଥମ ଦିନରେ ଏହାର ପ୍ରଭାବ ଦେଶର ବିଭିନ୍ନ ସ୍ଥାନରେ ଦେଖାଯାଇଥିଲା । ବହୁ ସଂଖ୍ୟାରେ ଲୋକ ଘରେ ରହିଥିବା ବେଳେ ଆବଶ୍ୟକ ସାମଗ୍ରୀ ନେବାପାଇଁ କିଚି ଲୋକ ଘରୁ ବାହାରକୁ ଆସିଥିଲେ। ଦେଶର ଅନେକ ସ୍ଥାନରେ ଅତ୍ୟାବଶ୍ୟକ ସାମଗ୍ରୀର ଅଭାବ ଦେଖାଦେଇଥିଲା । କିଛି ଲୋକ ସରକାରଙ୍କ ପ୍ରତିବନ୍ଧକ କ୍ରମାଗତ ଭାବରେ ଭାଙ୍ଗୁଥିବା ବେଳେ କିଛି ଲୋକ ସାମାଜିକ ଦୂରତା ରକ୍ଷା କରୁଛନ୍ତି | ଗୋଟିଏ ପଟେ ଦେଶରେ କରୋନା ବିରୋଧରେ ଯୁଦ୍ଧ ଚାଲିଛି, ଅନ୍ୟପଟେ ଏହାର ମାମଲା ମଧ୍ୟ ବୃଦ୍ଧି ପାଉଛି।
ହରିୟାଣାରେ ମେଡିକାଲ ସେକ୍ଟରରେ କାମ କରୁଥିବା ଲୋକମାନେ ଯେଉଁମାନେ ଏହି ମାସରେ ଅବସର ନେବାକୁ ଥିଲେ ସେମାନଙ୍କ ଅବସର ସମୟ ଘୁଞ୍ଚାଇ ଦିଆଯାଇଛି । ଏହି ସମୟରେ ଡାକ୍ତର ଏବଂ ନର୍ସମାନଙ୍କର ଅଧିକ ଆବଶ୍ୟକତା ରହିଛି । ଏଭଳି ପରିସ୍ଥିତିରେ ହରିୟାଣା ସରକାର ଏହି ନିଷ୍ପତ୍ତି ନେଇଛନ୍ତି ।
ସେପଟେ ଆଜି ଜି-୨୦ ଦେଶର ମୁଖ୍ୟମାନେ ଭେଟିବାକୁ ଯାଉଛନ୍ତି। ଭିଡିଓ କନଫରେନ୍ସିଂ ମାଧ୍ୟମରେ କରୋନା ଭାଇରସ୍ ସଂପର୍କରେ ଆଲୋଚନା କରାଯିବ | ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଏଥିରେ ଅଂଶଗ୍ରହଣ କରିବେ ଏବଂ କରୋନା ନେଇ ଭାରତର ଯୋଜନାକୁ ବିଶ୍ବ ସମ୍ମୁଖରେ ଉପସ୍ଥାପନ କରିବେ।
କଂଗ୍ରେସରେ ଯୋଗଦେଲେ କେନ୍ଦ୍ରାପଡ଼ାର ପୂର୍ବତନ ବିଧାୟିକ...