Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ଟଙ୍କା ନେବିନି କି ହସ୍ପିଟାଲ୍ ଯିବିନି : ଏଇଠି ବସିବି.. ଯିଏ ମୋ ପାଖକୁ ଆସିବ.. ତାକୁ ଗୋଡ଼େଇ ଗୋଡ଼େଇ ଛୁଇଁବି…

10/08/2020 at 7:36 AM

ଭୁବନେଶ୍ୱର ୧୦।୦୯: ହଜାରେ ଟଙ୍କା ନେବିନି କି ହସ୍ପିଟାଲ୍‌ ଯିବିନି । ଏଇଠି ବସିବି… । ଯିଏ ମୋ ପାଖକୁ ଆସିବ ତାକୁ ଗୋଡ଼େଇ ଗୋଡ଼େଇ ଛୁଇଁବି… ତମ ଉପରକୁ ଛେପ ପକାଇବି… । ସରକାର ଆସିଲେ ବିଚାର ହେବ ତା’ପରେ ଯାହା ହେବ । ଏହା କେଉଁ ନାଟକର କି ସିନେମାର ସଂଳାପ ନୁହେଁ । ଏହା ହେଉଛି ଆମ୍ବୁଲାନ୍ସରୁ ଡେଇଁ ରାସ୍ତାରେ ହଙ୍ଗାମା କରୁଥିବା ଜଣେ କରୋନା ସଂକ୍ରମିତଙ୍କ ଉତ୍ପାତର କାହାଣୀ ।

କୋରଡ଼କଣ୍ଟା ଅଞ୍ଚଳରେ ଜଣେ ବ୍ୟକ୍ତି ପଜିଟିଭ୍‌ ବାହାରିବା ପରେ ତାଙ୍କର କଣ୍ଟାକ୍ଟ ଟ୍ରେସିଂ ହୋଇଥିଲା । କଣ୍ଟାକ୍ଟ ଟ୍ରେସିଂ ବେଳେ ଏହି ଗାଁର ଯୋଗେନ୍ଦ୍ର ଜେନାଙ୍କ ଘରେ ରହୁଥିବା ଦୁଇଜଣ ଯୁବକ ସନ୍ଦେହ ଘେରକୁ ଆସିବାରୁ ସେମାନଙ୍କ ସ୍ୱାବ୍‌ ପରୀକ୍ଷା ହୋଇଥିଲା । ଦୁଇ ଜଣଙ୍କୁ କ୍ୱାରାଣ୍ଟାଇନ୍‌ ସେଣ୍ଟରରେ ରହିବା ପାଇଁ କୁହାଯାଇଥିଲା । ରବିବାର ଉଭୟଙ୍କର ରିପୋର୍ଟ ପଜିଟିଭ୍‌ ଆସିଲା । ସଂକ୍ରମିତ ଦୁଇ ଜଣଙ୍କ ମଧ୍ୟରୁ ଜଣେ ଡ୍ରାଇଭର ଭାବରେ କାମ କରୁଥିବା ବେଳେ ଅନ୍ୟ ଜଣଙ୍କ ରାଜମିସ୍ତ୍ରୀ ଭାବେ କାମ କରନ୍ତି । ସକାଳେ ଯେତେବେଳେ କ୍ୱାରାଣ୍ଟାଇନ୍‌ ସେଣ୍ଟରରେ ଆମ୍ବୁଲାନ୍ସ ପହଞ୍ଚିଲା ସେତେବେଳେ ଡ୍ରାଇଭର ଜଣକ କୋଭିଡ୍‌ ହସ୍ପିଟାଲ୍‌ ଯିବାକୁ ମନା କରିଦେଇଥିଲେ । ବହୁ କଷ୍ଟରେ ସ୍ଥାନୀୟ ସରପଞ୍ଚ ଓ ଏଏନ୍‌ଏମ୍‌ ଦିଦି ତାଙ୍କୁ ଆମ୍ବୁଲାନ୍ସରେ ବସାଇ ହସ୍ପିଟାଲ୍‌ ପଠାଇଥିଲେ । ଆମ୍ବୁଲାନ୍ସ ଡ୍ରାଇଭର ଦୁଇ କରୋନା ରୋଗୀଙ୍କୁ ନେଇ ହସ୍ପିଟାଲ୍‌ ଆସୁଥିଲେ ।

ପୁରୀ ବାଇପାସ୍‌ ସାଇମନ୍ଦିର ନିକଟରେ ପେଶାରେ ଡ୍ରାଇଭର ଥିବା କରୋନା ରୋଗୀ ଜଣଙ୍କ ପରିସ୍ରା ଯିବାକୁ ଆମ୍ବୁଲାନ୍ସ ଚାଳକଙ୍କୁ କହିଥିଲେ । ହେଲେ ଚାଳକ ଗାଡି ରଖି ନଥିଲେ । ରୋଗୀ ଜଣଙ୍କ ରାଗି ଯାଇ ଆମ୍ବୁଲାନ୍ସ ଚାଳକଙ୍କ ମୁଣ୍ଡ ଉପରେ ପରିସ୍ରା କରିଦେବେ ବୋଲି ଧମକ ଦେଇଥିଲେ । ଏହା ଶୁଣିବା ପରେ ଚାଳକ ଜଣଙ୍କ ଆମ୍ବୁଲାନ୍ସ ରଖିବାକୁ ବାଧ୍ୟ ହୋଇଥିଲା । ଆମ୍ବୁଲାନ୍ସ ରହିଛି କି ନାହିଁ, ରୋଗୀ ଜଣଙ୍କ ଗାଡ଼ିରୁ ଡେଇଁ ଦଉଡ଼ି ପଳାଇଥିଲା । ପଛରେ ବସିଥିବା ବିଏମ୍‌ସି କର୍ମଚାରୀ ଓ ଏଏନ୍‌ଏମ୍‌ ଗୋଡ଼ାଇ ଥିଲେ ମଧ୍ୟ ତାକୁ ଧରି ପାରିନଥିଲେ । ଶେଷରେ ପୁଲିସକୁ ଫୋନ କରି ସହାୟତା ମାଗିଥିଲେ । ଘଟଣାସ୍ଥଳ ତିନୋଟି ଥାନାର ସୀମାରେ ଥିବାରୁ ପ୍ରଥମେ ମଞ୍ଚେଶ୍ୱରର ଥାନା, ପରେ ଲକ୍ଷ୍ମୀସାଗର ଓ ସହିଦନଗର ଥାନା ପୁଲିସ ପହଞ୍ଚିଥିଲେ ।

ଆକ୍ରାନ୍ତଙ୍କୁ ଚାରିଆଡ଼ୁ ଘେରି ଧରିବା ପାଇଁ ଉଦ୍ୟମ କରିଥିଲେ । ହେଲେ ସେ ସାଇମନ୍ଦିର ରାସ୍ତା ଦେଇ ବାଲିଅନ୍ତା ଆଡ଼େ ପଳାଇବାକୁ ଉଦ୍ୟମ କରିଥିଲେ । ସ୍ଥାନୀୟ ଲୋକ ଠେଙ୍ଗାବାଡ଼ି ଧରି ଗୋଡ଼ାଇବାରୁ ସେ ପୁଣି ପୁରୀ ବାଇପାସରୁ ଫେରି ଗୋଟିଏ ଜାଗାରେ ବସିଥିଲା । ପୁଲିସ ଧରିବା ପାଇଁ ପାଖକୁ ଯିବାରୁ ଛେପ ପକାଇବାକୁ ଗୋଡ଼ାଇଥିଲା । ପୂର୍ବାହ୍ନ ସାଢ଼େ ୧୧ରୁ ଅପରାହ୍ନ ୨ଟା ୧୦ ପର୍ଯ୍ୟନ୍ତ ସେଠାରେ ପୁଲିସ-ଆକ୍ରାନ୍ତଙ୍କ ମଧ୍ୟରେ ଚାଲିଥିଲା ଛକାପଞ୍ଝା । ଶେଷରେ ଟ୍ରାଫିକ୍‌ ପୁଲିସ ଓ ଦୁଇ ଜଣ ଯୁବ ସାମ୍ବାଦିକ ବାଡି ଧରି ପିଟିବାକୁ ଉଦ୍ୟମ କରିବାରୁ ସେ ଦଉଡ଼ି ଆସି ଆମ୍ବୁଲାନ୍ସ ଭିତରେ ବସିଥିଲା ।

   Related Posts