Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ପୁଣି ଦୋହରାଇଲା ଭୁଲ୍ : ଜେସିବିରେ ନିଆଗଲା କରୋନା ରୋଗୀଙ୍କ ମୃତଦେହ, ଅଧିକାରୀ କହିଲେ ‘ଶବ ଭାରୀ ଥିଲା’

7/07/2020 at 12:00 PM

ତିରୁପତି ୦୭/୦୭ : ଦେଶରେ କରୋନା ସଂକ୍ରମିତ ରୋଗୀଙ୍କ ମୃତ୍ୟୁ ମଧ୍ୟ ବଢି ବଢି ଚାଲିଛି | କରୋନା ମୃତକଙ୍କୁ ନେଇ ଦେଶରେ ବିଭିନ୍ନ ବିବାଦୀୟ ସ୍ଥିତି ଦେଖିବାକୁ ମିଳିଛି | ଆନ୍ଧ୍ର ପ୍ରଦେଶ ତିରୁପତିରେ କୋଭିଡ-୧୯ ରୋଗୀଙ୍କ ଶବ ପୁଣିଥରେ ଜେସିବି ଉଠାଇଥିବା ମାମଲା ସାମ୍ନାକୁ ଆସିଛି | ସୋସିଆଲ ମିଡ଼ିଆରେ ଏକ ଭିଡିଓ ଭାଇରାଲ ହୋଇଛି | ଭାଇରାଲ ଭିଡିଓରେ ଦେଖିପାରିବେ କିଛି ଲୋକେ କରୋନା ପୀଡିତଙ୍କ ଶବକୁ ଜେସିବିରେ ନେଇ ଏକ ଖାଲରେ ପକାଇ ଦେଉଛନ୍ତି | କିଛି ଦିନ ପୂର୍ବରୁ ଆନ୍ଧ୍ର ପ୍ରଦେଶରୁ ସେହି ସମାନ ମାମଲା ସାମ୍ନାକୁ ଆସିଥିଲା | ଏଥର କିନ୍ତୁ ଅଧିକାରୀ ଭିନ୍ନ ଏକ ବୟାନ ଦେଇଛନ୍ତି | ସେ କହିଛନ୍ତି ଯେ ଶବର ଓଜନ ୧୭୦ କିଲୋଗ୍ରାମ ଥିଲା | ସେଥିପାଇଁ ଶବକୁ ଇଲେକ୍ଟ୍ରିକ ଦାହ ସଂସ୍କାର କରାଯାଇପାରିବ ନାହିଁ | ସେଥିପାଇଁ ତାଙ୍କୁ ଜେସିବିରେ ନିଆଯାଇଥିଲା | ଅଧିକାରୀ କହିଛନ୍ତି ଯେ ପରିବାରରୁ ଅନୁମତି ନେବା ପରେ ତାଙ୍କର ଅନ୍ତିମ ସଂସ୍କାର ପ୍ରକ୍ରିୟା କରାଯାଇଥିଲା | 

କରୋନା ଜନିତ ମୃତ୍ୟୁ ପରେ ଶବର ଅନ୍ତିମ ସଂସ୍କାର ନେ ସରକାରଙ୍କ ତରଫରୁ ଗାଇଡଲାଇନ ମଧ୍ୟ ଜାରି କରାଯାଇଛି | ଭୟାବହ ମହାମାରୀର ଶବ ଯୋଗୁଁ ଯେପରି ସଂକ୍ରମଣ ନ ବ୍ୟାପିବ ସେନେଇ ସରକାର ଗାଇଡଲାଇନ ଜାରି କରିଛନ୍ତି | କିନ୍ତୁ ପ୍ରତିଦିନ ବିଭିନ୍ନ ରାଜ୍ୟରୁ ଶବକୁ ଅସମ୍ମାନ ମାମଲା ସାମ୍ନାକୁ ଆସୁଛି | ଆନ୍ଧ୍ରପ୍ରଦେଶରୁ ଲଗାତାର ତୃତୀୟଥର ଏହିଭଳି ମାମଲା ସାମ୍ନାକୁ ଆସିଛି ଯେଉଁଠି କରୋନା ପୀଡିତଙ୍କ ଶବକୁ ଜେସିବିରେ ଉଠାଇ ପୋତାଯାଉଛି |

ଏହା ପୂର୍ବରୁ ଉଦୟପୁରମରେ ୭୨ ବର୍ଷ ବୟସ୍କ ଜଣେ କରୋନା ରୋଗୀଙ୍କ ମୃତ୍ୟୁ ହୋଇଥିଲା | ପିପିଇ କିଟ ପିନ୍ଧି ନଗର ନିଗମ କର୍ମଚାରୀ ତାଙ୍କ ମୃତଦେହକୁ ପ୍ଲାଷ୍ଟିକ ପଲିଥିନରେ ବାନ୍ଧି ଜେସିବି ମେସିନରେ ପକାଇ ଦେଇଥିଲେ | ଶବକୁ ମେସିନର ଅଗପଟ ରଖାଯାଇଥିଲା ଯେଉଁଠାରେ ମାଟି ଖୋଳାଯାଇଥାଏ | ଏହାପରେ ଶବକୁ ଅଣ୍ଟିଆ ସଂସ୍କାର ପାଇଁ ସ୍ମଶାନକୁ ନିଆଯାଇଥିଲା | ଏହି ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା | ଭିଡିଓ ଭାଇରାଲ ପରେ ରାଜ୍ୟ ସରକାରଙ୍କୁ ବହୁତ ନିନ୍ଦା କରାଯାଇଥିଲା | ମାମଲାରେ ଦୋଷୀ ଅଧିକାରୀଙ୍କୁ ନିଲମ୍ବିତ କରାଯାଇଥିଲା |

   Related Posts