Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଡାକ୍ତରଖାନାରେ କରୋନା ଭୟ: ୨ ମହିଳାଙ୍କ ସମେତ ହସ୍ପିଟାଲ କର୍ମଚାରୀ କରୋନା ପଜିଟିଭ୍

24/08/2020 at 9:37 PM

ନୀଳଗିରି୨୪/୮୫: ଡାକ୍ତରଖାନାରେ କରୋନା ଆତଙ୍କ। ନୀଳଗିରି ଉପଖଣ୍ଡ ଡାକ୍ତରଖାନାରେ କରୋନା ଆତଙ୍କ ଦେଖାଦେଇଛି। ପୁଷ୍ଟି ସାଧନ କେନ୍ଦ୍ରରେ ଦୁଇ ଶିଶୁଙ୍କ ମାଆ ଓ ହସ୍ପିଟାଲ କର୍ମଚାରୀ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଉକ୍ତ ବିଭାଗର ଜଣେ ମହିଳା କର୍ମଚାରୀଙ୍କ ବାପା କରୋନା ସଂକ୍ରମିତ ହେବା ପରେ ଆଜି ସମ୍ପୃକ୍ତ ମହିଳାଙ୍କ ସମେତ ଆଉ ୨ କର୍ମଚାରୀଙ୍କ ନମୁନା ପରୀକ୍ଷା ପରେ ପଜିଟିଭ ଆସିଥିଲା।

ତେବେ ତାଙ୍କ ସଂସ୍ପର୍ଶରେ ଆସିଥିବା ଶିଶୁଙ୍କ ସହ ତାଙ୍କ ମାଆଙ୍କ ଅବସ୍ଥା ନେଇ ଏବେ ଚିନ୍ତା ଘାରିଛି । ଶିଶୁ ବିଭାଗର ଡାକ୍ତର ନଥିବାରୁ ଶିଶୁଙ୍କ ସ୍ୱାବ ପରୀକ୍ଷା କରାଯାଇ ପାରିନଥିବା ବେଳେ ଦୁଇ ଶିଶୁଙ୍କ ମାଆଙ୍କ ସ୍ୱାବ ପରୀକ୍ଷା ପରେ ନମୁନା ପଜିଟିଭ ଆସିଥିଲା। ତେବେ ଶିଶୁଙ୍କ ସମେତ ମାଆମାନଙ୍କୁ ବାଲେଶ୍ଵର କୋଭିଡ ହସ୍ପିଟାଲ ସ୍ଥାନାନ୍ତର କରାଯାଇଛି। ପୃଷ୍ଟି ସାଧନ କେନ୍ଦ୍ରକୁ ବନ୍ଦ କରି ଦିଆଯାଇଥିବା ବେଳେ ଏହାକୁ ବିଶୋଧନ ପରେ ଯାଇ ପୁଣି ଥରେ କାର୍ଯ୍ୟକ୍ଷମ ହେବ ବୋଲି ଜଣାପଡିଛି। ତେବେ ହସ୍ପିଟାଲରେ କର୍ମଚାରୀଙ୍କୁ କରୋନା ପଜିଟିଭ ଆସିବା ପରେ ତାଙ୍କ ସଂସ୍ପର୍ଶରେ କେଉଁମାନେ ଆସିଛନ୍ତି ଏନେଇ କଣ୍ଟ୍ରାକ୍ଟ ଟ୍ରେସିଂ କରାଯିବ।

   Related Posts