Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଯୁବକଙ୍କ ନିଆରା ପ୍ରୟାସ : ସଚେତନତା ପାଇଁ ରାସ୍ତାରେ ଆଙ୍କିଲେ କରୋନା ପେଣ୍ଟିଙ୍ଗ

18/04/2020 at 10:35 AM

ନୂଆଦିଲ୍ଲୀ ୧୮।୦୪: ସାରା ଦେଶରେ କରୋନା ଲଢେଇ ନିର୍ଣ୍ଣାୟକ ସ୍ଥିତିରେ ପହଞ୍ଚିଛି | କରୋନା ସଂକ୍ରମଣରୁ ରକ୍ଷା ପାଇବା ପାଇଁ ଦେଶବ୍ୟାପୀ ଦ୍ୱିତୀୟ ପର୍ଯ୍ୟାୟ ଲକଡାଉନ ଜାରି କରାଯାଇଛି | ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଠାରୁ ଆରମ୍ଭ କରି ସରକାର ସ୍ଥରରେ ଲଗାତାର ଜନତାଙ୍କୁ ଲକଡାଉନ ନିୟମ ପାଳନ କରିବାକୁ ଅପିଲ କରାଯାଉଛି | କିନ୍ତୁ ଏବେ ବି ସମାଜରେ ଏମିତି କିଛି ଲୋକ ଅଛନ୍ତି ଯେଉଁମାନେ ଲକଡାଉନକୁ ପରିହାସ କରିବାରେ ପଛାଉ ନାହାନ୍ତି ଏବଂ ବିନା କାରଣରେ ରାସ୍ତାରେ ବୁଲୁଛନ୍ତି |

ଏହିଭଳି ଲୋକଙ୍କୁ ସଚେତନ କରିବା ପାଇଁ ଉତ୍ତର ପ୍ରଦେଶର ଚନ୍ଦୋଲି ଜିଲ୍ଲାରେ ଏକ ନିଆରା ଅଭିଯାନ ଆରମ୍ଭ କରାଯାଇଛି | ଏଠାରେ ରାସ୍ତାରେ କରୋନା ପେଣ୍ଟିଙ୍ଗ ତିଆରି କରି ଲୋକଙ୍କୁ ଲକଡାଉନ ନିୟମ ପାଳନ କରିବାକୁ ଅପିଲ କରାଯାଉଛି | ଏହି ନିଆରା ଅଭିଯାନ ଚନ୍ଦୋଲି ଜିଲ୍ଲା ଦିନଦୟାଲ ନଗରରେ ଆରମ୍ଭ କରାଯାଇଛି | ସହରର ପ୍ରତ୍ୟେକ ଛକରେ କରୋନା ପେଣ୍ଟିଙ୍ଗ ତିଆରି କରାଯାଉଛି | ପେଣ୍ଟିଙ୍ଗ ସହ ସ୍ଲୋଗାନ ମଧ୍ୟ ଲେଖାଯାଉଛି ଯେ,”ଘରେ ରୁହନ୍ତୁ ସୁରକ୍ଷିତ ରୁହନ୍ତୁ ଏବଂ ଲକଡାଉନ ନିୟମ ପାଳନ କରନ୍ତୁ |”

ବାସ୍ତବରେ, କରୋନା ସଂକ୍ରମଣରୁ ସୁରକ୍ଷା ପାଇଁ ଦେଶରେ ଲକଡାଉନ ଚାଲିଛି ଏବଂ ଲୋକଙ୍କୁ ଘରେ ରହିବାକୁ କୁହାଯାଉଛି | ବିନା କାରଣରେ ବାହାରକୁ ନ ବାହାରିବା ପାଇଁ ବାରମ୍ବାର ଅପିଲ କରାଯାଉଛି | ଏହାସହ ସାମାଜିକ ଦୂରତା ବଜାୟ ରଖିବା ପାଇଁ କୁହାଯାଉଛି | ତଥାପି କିଛି ଅମାନିଆ ଲୋକ ଲକଡାଉନ ନିୟମ ପାଳନ କରୁନାହାନ୍ତି | ଲକଡାଉନ ନିୟମ ଉଲଙ୍ଘନ କରି ଅଯଥାରେ ରାସ୍ତା ବୁଲୁଛନ୍ତି | ପୋଲିସର ତାଗିଦ ସତ୍ୱେ ବୁଲୁଛନ୍ତି | ଏମିତି ଲୋକଙ୍କୁ ସଚେତନ କରିବା ପାଇଁ ଦିନଦୟାଲ ନଗରର କିଛି ଯୁବକ ସହରର ପ୍ରତ୍ୟେକ ଛକରେ କରୋନା ପେଣ୍ଟିଙ୍ଗ ଆଙ୍କୁଛନ୍ତି ଏବଂ ନିୟମ ପାଳନ ପାଇଁ ସନ୍ଦେଶ ଦେଉଛନ୍ତି | ପେଣ୍ଟିଙ୍ଗ କରୁଥିବା ନନ୍ଦ ଗୋପାଳ ସିଂହ କହିଛନ୍ତି ଯେ, ” ସରକାରଙ୍କ ଅପିଲ ସତ୍ୱେ ଅନେକ ଜନତା ରାସ୍ତାରେ ବୁଲୁଛନ୍ତି | ଏହି କାରଣରୁ ଆମେ ରାସ୍ତାରେ ପେଣ୍ଟିଙ୍ଗ କରି ଲୋକଙ୍କୁ ସଚେତନ କରୁଛୁ |”

   Related Posts