Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିସା ଉପରେ ଲାଗିଥିବା କଟକଣା ହଟାଇଲେ ସରକାର
  • ||
  • ଟ୍ୱିଟରରେ ପ୍ରଧାନମନ୍ତ୍ରୀ ମୋଦିଙ୍କ ପାଇଁ କବିତା ଲେଖିଲେ ରାହୁଲ
  • ||
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||

ଚୋରା ବଜାରରେ ମିଳୁଛି କରୋନା ଔଷଧ, ଚଢା ଦରରେ ହେଉଛି ବିକ୍ରି

9/07/2020 at 8:21 AM

ନୂଆଦିଲ୍ଲୀ, ୦୯|୦୭:  ଦିଲ୍ଲୀର ଚୋରା ବଜାରରେ ମିଳୁଛି କରୋନା ମେଡିସିନ୍ । ସରକାର ଅନୁମତି ପ୍ରଦାନ କରିଥିବା ଦୁଇଟି ଔଷଧ ଏବେ ଏହି ଚୋରା ମାର୍କେଟରେ ବିକ୍ରି ହେଉଛି । ଚଢା ଦରରେ ବିକ୍ରି କରି ରୋଜଗାର କରୁଛନ୍ତି ବ୍ୟବସାୟୀ । ରେମଡିସିଭର୍ ଓ ଟୋକିଲିଜୁମାବ୍ ଔଷଧକୁ ବେଆଇନ ଭାବେ ବିକ୍ରି କରାଯାଉଛି ।

ବିବିସିର ରିପୋର୍ଟ ଅନୁସାରେ, ଅଭିନବ ଶର୍ମା ନାମକ ଜଣେ ବ୍ୟକ୍ତିଙ୍କ ଦାଦାଙ୍କୁ ଗତ କିଛିଦିନ ହେବ ଜ୍ୱର ଲାଗି ରହିଥିଲା । ଶ୍ୱାସକ୍ରିୟାରେ ମଧ୍ୟ କଷ୍ଟ ଅନୁଭବ ହେଉଥିଲା । ଏହାପରେ ତାଙ୍କର କରୋନା ଟେଷ୍ଟ୍ କରାଯାଇଥିଲା । ରିପୋର୍ଟ ପଜିଟିଭ୍ ଆସିଥିଲା । ଡାକ୍ତରମାନେ ରେମଡିସିଭର ଔଷଧ ଲେଖିଥିଲେ । ତେବେ ଏହାର କ୍ଲିନିକାଲ୍ ଟେଷ୍ଟ କରାଯାଉଛି କିନ୍ତୁ ଅତ୍ୟାବଶ୍ୟକ ସମୟରେ ଏହା ରୋଗୀଙ୍କୁ ପ୍ରଦାନ କରାଯାଇ ପାରିବ ବୋଲି ଡାକ୍ତର କହିଥିଲେ । କିନ୍ତୁ ଏହି ଔଷଧ କୌଣସି ଷ୍ଟୋରରେ ମିଳିନଥିଲା ।

ଦିଲ୍ଲୀବାସୀ ହିସାବରେ ଅଭିନବ ଅନେକ କିଛି ଜାଣିଥିଲେ । ବହୁ ଖୋଜାଖୋଜି କରିଥିଲେ । ଏପରିକି ଯେକୌଣସି ମୂଲ୍ୟ ଦେଇ କିଣିପାରିବେ ବୋଲି ମଧ୍ୟ କହୁଥିଲେ । ତାଙ୍କୁ କେହିଜଣେ ଦିଲ୍ଲୀର ପୁରୁଣା ବଜାରରେ ଏହି ଔଷଧ ମିଳିବ ବୋଲି କହିଥିଲେ । ଏପରି ଭାବେ ସେ ଜଣେ ବ୍ୟକ୍ତିଙ୍କ ସହ ପରିଚିତ ହୋଇଥିଲେ । ବ୍ୟକ୍ତିଜଣଙ୍କ ନିଜକୁ ଏକ ମେଡିସିନ୍ ବ୍ୟବସାୟୀ ବୋଲି କହିଥିଲେ । ଏହାସହ ଔଷଧ ପିଛା ୩୦ ହଜାର ଟଙ୍କା ପଡିବ ବୋଲି କହିଥିଲେ । ତେବେ ସରକାରୀ ଭାବେ ଏହି ଔଷଧର ଦାମ୍ ୫,୪୦୦ ଟଙ୍କା । ଜଣେ ସଂକ୍ରମିତଙ୍କୁ ୫ରୁ ୬ଟି ଡୋଜ୍ ଦରକାର ହୋଇଥାଏ ।

ତେବେ ଏତେ ବଡ ଘଟଣାକୁ ନେଇ ପ୍ରଶ୍ନବାସୀ ସୃଷ୍ଟି ହୋଇଛି । ଏହି ଔଷଧ କିପରି ଖୋଲାଖୋଲି ଭାବେ ଚୋରା ବଜାରରେ ବିକ୍ରି ହେଉଛି ତାହା କେହି କହିପାରୁ ନାହାଁନ୍ତି । କାରଣ ହେଟେରୋ ନାମକ ଏକ କମ୍ପାନୀ ହିଁ ଏହି ମେଡିସିନ୍ ପ୍ରସ୍ତୁତ କରିଛି ଓ ୫ଟି ରାଜ୍ୟକୁ ୨୦ ହଜାର ଡୋଜ୍ ପଠାଇଛି ।

ଗାଜିଆବାଦ୍ କେମିଷ୍ଟ୍ ଆସୋସିଏସନର ଉପସଭାପତି ରାଜୀବ ତ୍ୟାଗୀ କହିଛନ୍ତି ଯେ, ଏହା କିପରି ସମ୍ଭବ ହେଲା ସେ ଜାଣି ନାହାଁନ୍ତି । ତାଙ୍କର କୌଣସି କର୍ମଚାରୀ ଏଥିରେ ଲିପ୍ତ ନାହାଁନ୍ତି ।

   Related Posts