Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ବରଗଡ଼: ‘ନୋ କ୍ଲାସ୍ ନୋ ଫି’ ଦାବିରେ ଜିଲ୍ଲାପାଳଙ୍କୁ ଘେରିଲେ କଲେଜ ଛାତ୍ରଛାତ୍ରୀ
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ମାଲକାନଗିରି :ପଡିଆ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ମେଡିକାଲ ଅଫିସରଙ୍କୁ ଗିରଫ କଲା ଭିଜିଲାନ୍ସ
  • ||
  • ମାଲକାନଗିରି : ଜମିବାଡି ବିବାଦରୁ ହତ୍ୟାକାଣ୍ଡ ! ହତ୍ୟା କରି ଫିଙ୍ଗିଦେଲେ ଘର ଆଗରେ
  • ||
  • ଝାରସୁଗୁଡା : ଟେଣ୍ଟ ହାଉସ୍ ଗୋଦାମରେ ଅଗ୍ନିକାଣ୍ଡ, ୫୦ଲକ୍ଷରୁ ଅଧିକ ଟଙ୍କାର ସମ୍ପତ୍ତି ପୋଡି ଭସ୍ମୀଭୂତ
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||
  • କଟକ : ଘରୋଇ ସ୍କୁଲ ଫି’ କମାଇବା ମାମଲା : ଫି’ କେତେ କମିବ ସତ୍ୟପାଠ ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
  • ||

ଭାରତର ଏହି ୫ ରାଜ୍ୟରେ କରୋନାର ସବୁଠୁ ବଡ ବିପଦ, ସତର୍କ କରାଇଲା ସ୍ଵାସ୍ଥ୍ୟ ମନ୍ତ୍ରଣାଳୟ

27/10/2020 at 6:24 PM

ନୂଆଦିଲ୍ଲୀ ୨୭।୧୦: କରୋନା ଭାଇରସ୍‌ ପୁଣି ଥରେ ୟୁରୋପୀୟ ଦେଶରେ ଆତଙ୍କ ଖେଳାଇଛି। ୟୁରୋପର ଦେଶଗୁଡିକରେ କିଛି ସମୟ ଶାନ୍ତ ପଡିଥିବା କରୋନା ସଂକ୍ରମଣ ପୁଣି ଥରେ ମୁଣ୍ଡ ଟେକିଛି। ନୀତି ଆୟୋଗର ସଦସ୍ୟ ଡାକ୍ଟର ଭିକେ ପଲ ଏହି ବିଷୟରେ ସୂଚନା ଦେଇ କହିଛନ୍ତି ଏହି ମହାମାରୀ ପୁଣି ଥରେ ୟୁରୋପର ଅନେକ ଦେଶରେ ପୁଣି ଥରେ ଦ୍ରୁତ ଗତିରେ ବ୍ୟପିବାରେ ଲାଗିଛି।

ଡ.ଭିକେ ପଲ୍ କହିଛନ୍ତି ଏହି ଦେଶଗୁଡିକରେ  ଭାଇରସ୍‌ର ଦ୍ଵିତୀୟ ଲହର ପୂର୍ବାପେକ୍ଷା ଅଧିକ ଚିନ୍ତାଜନକ ରହିଛି। ଲୋକଙ୍କ ଉପରେ ପୁଣି ଥରେ ରୋଗର ସଙ୍କଟର ବାଦଲ ଖେଳି ଯାଇଛି। ଏଠାରେ ମହାମାରୀ ପୁଣି ଥରେ ଚରମରେ ରହିଛି। ଆମେରିକାରେ ଲୋକେ କରୋନାର ତୃତୀୟ ଲହରର ସମ୍ମୁଖୀନ ହେଉଛନ୍ତି। ଆମେରିକାରେ ବର୍ତ୍ତମାନ ୨୮ ଲକ୍ଷରୁ ଅଧିକ ସକ୍ରିୟ କେସ୍‌ ସଂଖ୍ୟା ରହିଛି।

ଭିକେ ପଲ୍ କହିଛନ୍ତି କରୋନା ଭାଇରସ୍‌ର ବ୍ୟାପକତା ଛୋଟ ସଂଖ୍ୟାରେ ହୋଇପାରେ। ହେଲେ ଏହି ଛୋଟ ସଂଖ୍ୟା ବଡ ଆକାର ଧାରଣା କରିବାକୁ ଏଡାଇ ଦିଆଯାଇନପାରେ। ସ୍ଵାସ୍ଥ୍ୟ ସଚିବ ରାଜେଶ ଭୂଷଣ କହିଛନ୍ତି ଗତ ୨୪ ଘଣ୍ଟାରେ କରୋନାର ୪୯ ପ୍ରତିଶତ ମାମଲା ଏକାକୀ କେରଳ, ପଶ୍ଚିମବଙ୍ଗ, ମହାରାଷ୍ଟ୍ର, କର୍ଣ୍ଣାଟକ ଓ ଦିଲ୍ଲୀରୁ ହିଁ ଆସିଛି। ପାର୍ବଣ ଋତୁ ଏହାର ବଡ  କାରଣ ହୋଇଥାଇପାରେ, ଯାହାର ଚିନ୍ତାଜନକ ବିଷୟ। ଆମେ ଲଗାତାର ରାଜ୍ୟ ସରକାରଙ୍କ ସହିତ କଥା ହେଉଛୁ। ସେ କହିଛନ୍ତି କୋଭିଡ୍-୧୯ର ମୋଟ୍ ସକ୍ରିୟ କେସ୍‌ର ୭୮ ପ୍ରତିଶତ ସଂକ୍ରମଣ ମାମଲା ଦେଶର ୧୦ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ  ହିଁ ରହିଛି।

ଗତ ୨୪ ଘଣ୍ଟାରେ କୋଭିଡ୍-୧୯ରେ ଘଟିଥିବା ମୃତ୍ୟୁର ୫୮ ପ୍ରତିଶତ ମାମଲା ପାଞ୍ଚ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ଦେଖିବାକୁ ମିଳିଛି। ଏଥିରେ ମହାରାଷ୍ଟ୍ର, ପଶ୍ଚିମବଙ୍ଗ, ଦିଲ୍ଲୀ, ଛତିଶଗଡ ଓ କର୍ଣ୍ଣାଟକ ସାମିଲ। ହେଲେ ଗତ ପାଞ୍ଚ ସପ୍ତାହ ହେବ ଦେଶରେ କରୋନା ସଂକ୍ରମଣ ହାର ହ୍ରାସ ପାଇବାରେ ଲାଗିଛି। ଉଲ୍ଲେଖଯୋଗ୍ୟ, ଭାରତରେ କରୋନାଜନିତ ମୃତ୍ୟୁସଂଖ୍ୟା ୧୧ ଲକ୍ଷରୁ ଅଧିକ ରହିଛି।

   Related Posts