Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହାଇଦର ଫେରାର ନେଇ ନୂଆ ଖୁଲାସା: ବୁର୍ଲା ମେଡିକାଲରୁ ରେଫର ହୋଇନି, ଆଉଟ୍‌ଡୋର କି ଇନଡୋର୍‌ରେ ନାହିଁ ଗ୍ୟାଙ୍ଗଷ୍ଟରର ନାଁ
  • ||
  • କରୋନା ସ୍ଥିତି ନସୁଧୁରିବା ଯାଏ ରେମଡେସିଭିର ରପ୍ତାନୀ ବନ୍ଦ
  • ||
  • ରାସନ୍ ଧରି ଫେରୁଥିଲେ, ଓଲଟି ଗଲା ଟ୍ରାକ୍ଟର ଡାଲା, ୨ ମୃତ
  • ||
  • ପୋଲିସର ଅପରେସନ୍ ହାଇଦର : ଚଢାଉ ଜୋରଦାର, ବିଭିନ୍ନ ସ୍ଥାନରେ ଲାଗିଲା ପୋଷ୍ଟର
  • ||
  • ମଙ୍ଗଳବାରଠୁ ଲଗାତାର ୬ ଦିନ ବନ୍ଦ ରହିବ ବ୍ୟାଙ୍କ: ସୋମବାର ସାରି ଦିଅନ୍ତୁ ବ୍ୟାଙ୍କ କାମ
  • ||
  • SCBରୁ ଗ୍ୟାଙ୍ଗଷ୍ଟାର ହାଇଦର୍‌ ଫେରାର ଘଟଣା, ୬ ପୋଲିସ କର୍ମଚାରୀ ସସ୍‌ପେଣ୍ଡ
  • ||
  • ଭଦ୍ରକ : ବସକୁ ପିଟିଲା ଟ୍ରକ୍, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଚଣ୍ଡିଖୋଲ : ଧକ୍କା ଦେଲା ଟ୍ରକ୍, ଜୀବନ ହାରିଲେ ସ୍ୱାମୀ-ସ୍ତ୍ରୀ, ଝିଅ ଗୁରୁତର
  • ||
  • ମାନିଲେନି କଟକଣା : ଭୁବନେଶ୍ୱର ୪ ନମ୍ୱର ମାର୍କେଟରେ ପୋଲିସର ଚଢାଉ, ଫାଇନ ଦେଲେ ଦୋକାନୀ
  • ||
  • ବଡ଼ବିଲ : ଅଗ୍ନିକାଣ୍ଡରେ ଜଳିଗଲା ୪ଟି ଦୋକାନ, ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ
  • ||

ଆଇପିଏଲ ଉପରେ କରୋନା ଛାଇ, ବିମାନବନ୍ଦରରେ ଅଲଗା ଚେକ୍-ଇନ୍ କାଉଣ୍ଟର ପାଇଁ ବିସିସିଆଇର ଅନୁରୋଧ

8/04/2021 at 10:10 AM

ମୁମ୍ବାଇ, ୦୮।୦୪:   ଆଇପିଏଲ ୨୦୨୧ ଏପ୍ରିଲ ୯ ତାରିଖରୁ ଆରମ୍ଭ ହେବ । ଏହାମଧ୍ୟରେ ଭାରତରେ କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି । ଯାହାକୁ ନେଇ ଖେଳାଳି, ଫ୍ରାଞ୍ଚାଇଜି, କର୍ମଚାରୀ ଓ ଟୁର୍ଣ୍ଣାମେଣ୍ଟ ସହ ଜଡିତ ଅନ୍ୟମାନେ ଭୟ ଓ ଚିନ୍ତାରେ ରହିଛନ୍ତି । ଅନେକ ଖେଳାଳି, ସହଯୋଗୀ ଷ୍ଟାଫ କୋଭିଡ୍ ପଜିଟିଭ୍ ଚିହ୍ନଟ ହେଲେଣି । ଟୁର୍ଣ୍ଣାମେଣ୍ଟ ଶେଷ ହେବା ଯାଏଁ ସମସ୍ତେ ବାୟୋ ବବଲରେ ରହିବେ । ଖେଳ ଦେଖିବା ପାଇଁ ମଇଦାନରେ ଦର୍ଶକ ମଧ୍ୟ ଉପସ୍ଥିତ ରହିବେ ନାହିଁ । ଏବେସୁଦ୍ଧା ଆଇପିଏଲ ସହ ଜଡିତ ୩୬ ଜଣ ପଜିଟିଭ୍ ଚିହ୍ନଟ ହୋଇସାରିଲେଣି ।

ଖେଳାଳିଙ୍କୁ ସଂକ୍ରମଣରୁ ରକ୍ଷା କରିବା ପାଇଁ ବିସିସିଆଇ ବିମାନ ବନ୍ଦରରେ ଅଲଗା ଚେକ୍ କାଉଣ୍ଟର କରିବା ପାଇଁ କହିଛି । ଚଳିତ ଆଇପିଏଲ ମୁମ୍ବାଇ, ଦିଲ୍ଲୀ, କୋଲକାତା, ଅହମ୍ମଦାବାଦ, ବେଙ୍ଗାଲୁରୁ ଓ ଚେନ୍ନାଇରେ ହେବ । ଖେଳାଳିମାନେ ଗୋଟିଏ ସ୍ଥାନରୁ ଅନ୍ୟସ୍ଥାନକୁ ଯିବା ପାଇଁ ବିମାନରେ ଯାତ୍ରା କରିବେ । ବିମାନ ବନ୍ଦରରେ ଖେଳାଳି ଓ ଅନ୍ୟ କର୍ମଚାରୀଙ୍କ ପ୍ରତି ସଂକ୍ରମଣ ବିପଦ ଅଧିକ ରହିଛି ।

ଏହାକୁ ଦୃଷ୍ଟିରେ ରଖି ବିସିସିଆଇ ବିମାନବନ୍ଦରରେ ଆଇପିଏଲ ପାଇଁ ଅଲଗା ଚେକ୍-ଇନ କାଉଣ୍ଟର କରିବାକୁ ଅନୁରୋଧ କରିଛି । ଫଳରେ ଖେଳାଳି ସୁରକ୍ଷିତ ରହିବେ । ବିସିସିଆଇ ବାୟୋ ବବଲକୁ ଅଧିକ ସୁରକ୍ଷିତ ରଖିବା ପାଇଁ ଅଧିକ କୋଭିଡ୍ ଟେଷ୍ଟ କରିବାକୁ ନିଷ୍ପତ୍ତି ନେଇଛି । କାରଣ ଚେନ୍ନାଇ ଯିବା ପୂର୍ବରୁ ଆଇପିଏଲର ଜଣେ କର୍ମଚାରୀ ନେଗେଟିଭ୍ ଥିଲେ କିନ୍ତୁ ୫ ଦିନ ପରେ ସେ ପଜିଟିଭ୍ ଚିହ୍ନଟ ହୋଇଥିଲେ ।

ନିକଟରେ ମୁମ୍ବାଇ ଓ୍ୱାଙ୍ଖଡେ ଷ୍ଟାଡିୟମର ୧୦ ଗ୍ରାଉଣ୍ଡମ୍ୟାନ୍,ଜଣେ ପ୍ଲମ୍ବର, ୭ ବିସିସିଆଇ କର୍ମଚାରୀ, ୪ ଆଇପିଏଲ ଖେଳାଳି ଓ ପ୍ରସାରଣ ସହ ଜଡିତ ୧୪ ଜଣ କୋଭିଡ୍ ପଜିଟିଭ୍ ଚିହ୍ନଟ ହୋଇଥିଲେ । ସମସ୍ତେ ବାୟୋ ବବଲରେ ପ୍ରବେଶ କରିବା ପୂର୍ବରୁ ପଜିଟିଭ୍ ହୋଇଥିଲେ । ଏବେ ଷ୍ଟାଡିୟମ କର୍ମଚାରୀଙ୍କୁ ଏକ ଆଲଗା ବାୟୋ ବବଲରେ ରଖାଯାଇଛି ।

   Related Posts