Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୁହୁଡିର ଚାଦରରେ ଜଗତସିଂହପୁର, ଗମନାଗମନ ବାଧାପ୍ରାପ୍ତ
  • ||

କରୋନା ପ୍ରଭାବ: ଭାରତୀୟ ଷ୍ଟେଟ୍ ବ୍ୟାଙ୍କ ଦେବ ଜରୁରୀକାଳୀନ ଶସ୍ତା ଲୋନ୍

21/03/2020 at 4:03 PM

ନୂଆଦିଲ୍ଲୀ ୨୧।୦୩: ଭାରତର ସବୁଠୁ ବଡ ବ୍ୟାଙ୍କ ‘ଭାରତୀୟ ଷ୍ଟେଟ୍ ବ୍ୟାଙ୍କ’ କରୋନା ଭୂତାଣୁ ପ୍ରଭାବିତ ବ୍ୟବସାୟୀଙ୍କ ପାଇଁ ଜରୁରୀକାଳୀନ ଋଣ ସୁବିଧା ଆରମ୍ଭ କରିଛି। ଯଦ୍ଵାରା ଗ୍ରାହକଙ୍କ ନଗଦର ଅଭାବକୁ ପୂରା କରାଯାଇ ପାରିବ।  ଏସବିଆଇ ଶୁକ୍ରବାର ପରିପତ୍ର ଜାରି କରି ସୂଚନା ଦେଇଛି ଯେ, କୋଭିଡ-୧୯ ଜରୁରୀକାଳୀନ ଋଣ ସୁବିଧା(ସିଇସିଏଲ) ନାମରେ ଅତିରିକ୍ତ ନଗଦ ସୁବିଧା ଆରମ୍ଭ କରିଛି।

ଏହା ଆଧାରରେ ୨୦୦ କୋଟି ଟଙ୍କା ପର୍ଯ୍ୟନ୍ତ ଧନରାଶି ଯୋଗାଇ ଦିଆଯିବ। ଏହି ସୁବିଧା ୨୦୨୦ ଜୁନ ୩୦ ପର୍ଯ୍ୟନ୍ତ ଉପଲବ୍ଧ ରହିଛି। ଏହି ଯୋଜନା ଅନୁଯାୟୀ ୧୨ ମାସର ଅବଧି ପାଇଁ ୭.୨୫ ପ୍ରତିଶତ ସୁଧ ହାରରେ ବ୍ୟବସାୟୀଙ୍କୁ ଋଣ ଯୋଗାଇ ଦିଆଯିବ।

ବ୍ୟାଙ୍କ ସମସ୍ତ ଶାଖାକୁ ପଠାଇଥିବା ପତ୍ରରେ କହିଛି ଯେ, ଉଧାର ନେଇଥିବା ଯେଉଁ ବ୍ୟବସାୟୀ କରୋନା ଭୂତାଣୁରେ ପ୍ରଭାବିତ  ହୋଇଛନ୍ତି ସେମାନଙ୍କୁ କିଛି ସମୟ ଆଶ୍ଵସ୍ତି ଦେବା ପାଇଁ ଏହି ନିଷ୍ପତ୍ତି ନିଆଯାଇଛି। ଯୋଗ୍ୟ ଋଣକାରୀଙ୍କୁ ଅତିରିକ୍ତ ଋଣ ସୁବିଧା ଉପଲବ୍ଧ କରାଯିବ।

   Related Posts