Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରିଷ୍ଠ ସାମ୍ୱାଦିକ ବିନୋଦ ଦୁଆଙ୍କ ପରଲୋକ, କରୋନାରେ ହୋଇଥିଲେ ଆକ୍ରାନ୍ତ
  • ||
  • ଚାଲିପାରିଲାନି ବିଧାନସଭା, ସୋମାବାର ପର୍ଯ୍ୟନ୍ତ ମୁଲତବୀ ଘୋଷଣା କଲେ ବାଚସ୍ପତି
  • ||
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||

ରୂପ ବଦଳାଇଛି କରୋନାର ଡେଲ୍‌ଟା ଭାରିଏଣ୍ଟ ! ୩୦ ଦିନରେ ଦ୍ବିତୀୟ ଥର ସଂକ୍ରମିତ ହେଲେ ବ୍ୟକ୍ତି

19/06/2021 at 3:45 PM

ଅହମଦାବାଦ ୧୯/୬: କରୋନା ସଂକ୍ରମଣ ହେବା ପରେ ଜଣେ ବ୍ୟକ୍ତି ପ୍ରାୟତଃ ୩ ମାସ ପର୍ଯ୍ୟନ୍ତ ଦ୍ବିତୀୟ ଥର ସଂକ୍ରମିତ ହୋଇନଥାନ୍ତି। ଡାକ୍ତରଙ୍କ ମତରେ କରୋନାରୁ ସୁସ୍ଥ ବ୍ୟକ୍ତିଙ୍କ ଶରୀରରେ ଭୂତାଣୁ ସହ ଲଢ଼ିବା ପାଇଁ ଆବଶ୍ୟକୀୟ ଆଣ୍ଟିବଡି ବିକଶିତ ହୋଇଥାଏ। କିନ୍ତୁ ଅହମଦାବାଦରେ ଏହାର ବ୍ୟତିକ୍ରମ ଦେଖିବାକୁ ମିଳିଛି। ଜଣେ ବ୍ୟକ୍ତି କେବଳ ୩୦ ଦିନରେ ଦ୍ବିତୀୟ ବାର ସଂକ୍ରମଣ ହୋଇଛନ୍ତି। ଏମିତି କେମିତି  ଓ କାହିଁକି ହେଲା ବୋଲି ଜାଣିବା ପାଇଁ ଗୁଜୁରାଟର ବୈଜ୍ଞାନିକମାନେ ଏକ ଗବେଷଣା ମଧ୍ୟ କରିଛନ୍ତି। ଗବେଷଣାରୁ ମିଳିଥିବା ତଥ୍ୟ ସମ୍ପର୍କରେ ଜାଣିବା ପୂର୍ବରୁ କମ୍‌ ଦିନରେ ଦୁଇ ଥର କରୋନା ସଂକ୍ରମଣ ହୋଇଥିବା ବ୍ୟକ୍ତିଙ୍କ ସମ୍ପର୍କରେ ଜାଣିବା ଜରୁରୀ।

ଅହମଦାବାଦରେ  ମୁଖ୍ୟ ଫାୟାର ଅଫିସର ଭାବେ କାର୍ଯ୍ୟ କରୁଥିବା ରାଜେଶ ଭଟ୍ଟ କରୋନାର ଦ୍ବିତୀୟ ଲହରରେ ସଂକ୍ରମିତ ଚିହ୍ନଟ ହୋଇଥିଲେ। ସେତେବେଳେ ସେ ଗୁରୁତର ହୋଇନଥିଲେ। ଘରେ କ୍ବାରେଣ୍ଟାଇନ୍‌ରେ ରହି ସୁସ୍ଥ ହୋଇଥିଲେ। କିନ୍ତୁ ଗୋଟିଏ ମାସ  ପରେ ପୁଣି କରୋନା ସଂକ୍ରମିତ ଚିହ୍ନଟ ହୋଇଥିଲେ ରାଜେଶ । ପୂର୍ବାପେକ୍ଷା ରାଜେଶଙ୍କ ଅବସ୍ଥା ଗୁରୁତର ହୋଇପଡ଼ିଥିଲା। ୧୩ ଦିନ ପର୍ଯ୍ୟନ୍ତ ହସ୍ପିଟାଲରେ ଚିକିତ୍ସିତ ହେବା ପ​‌ରେ ସେ ସୁସ୍ଥ ହୋଇ ଫେରିଥିବା ଜଣାପଡ଼ିଛି।

ସାଧାରଣତଃ ଦ୍ବିତୀୟ ଥର ସଂକ୍ରମଣ ହେଲେ ସାମାନ୍ୟ ଲକ୍ଷଣ ଦେଖାଯାଇଥାଏ ବୋଲି ଡାକ୍ତରମାନେ କୁହନ୍ତି। ଏପରିକି ରୋଗୀଙ୍କୁ ହସ୍ପିଟାଲ ଯିବାର ଆବଶ୍ୟକତା ପଡ଼ିନଥାଏ। କିନ୍ତୁ ରାଜେଶ ଭଟ୍ଟଙ୍କ କ୍ଷେତ୍ରରେ ଏହାର ବ୍ୟତିକ୍ରମ ଦେଖିବାକୁ ମିଳିଛି। ପ୍ରଥମ ସଂକ୍ରମଣ ହାଲକା ଥିବା ବେଳେ ଦ୍ବିତୀୟ ଥର ସଂକ୍ରମଣ ଅଧିକ ଘାତକ ହୋଇଥିଲା। ଏହାକୁ ଧ୍ୟାନରେ ରଖି ଗୁଜୁରାଟ ବାୟୋଟେକନୋଲୋଜି ରିସର୍ଚ୍ଚ ସେଣ୍ଟରରେ ଏକ ଗବେଷଣା ମଧ୍ୟ କରାଯାଇଛି। ଭାରତରେ କରୋନାର ଦ୍ବିତୀୟ ଲହରରେ B.1.617.2 ଭାରିଏଣ୍ଟ ଘାତକ ସାବ୍ୟସ୍ତ ହୋଇଛି।  ଏହାକୁ ଏବେ ଡେଲ୍‌ଟା ନାମ​‌ରେ ନାମିତ କରାଯାଇଛି।

ଏହି ଭାରିଏଣ୍ଟ ନିଜର ରୂପ ବଦଳାଇଛି। ଏଥିରୁ ଦୁଇଟି ଆମିନୋ ଏସିଡ୍‌ ଗାଏବ ରହିଥିବା ଜଣାପଡ଼ିଛି। ଭାରିଏଣ୍ଟରେ ପରିବର୍ତ୍ତନ ଶରୀରରେ ଆଣ୍ଟିବଡିକୁ ମାତ ଦେବାକୁ ସଫଳ ହୋଇଥିବା ବୈଜ୍ଞାନିକମା​‌ନେ କହିଛନ୍ତି।  ଭୂତାଣୁର ବଦଳୁଥିବା ରୂପକୁ ଜାଣିବାକୁ ହେଲେ ଅଧିକରୁ ଅଧିକ ଜିନୋମ ସିକ୍ବେନ୍ସିଂର ଆବଶ୍ୟକତା ରହିଥିବା କହିଛନ୍ତି ବୈଜ୍ଞାନିକ।

   Related Posts