Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

ସାରା ବିଶ୍ବରେ କରୋନା ନେଲାଣି ୧ଲକ୍ଷ ୬୫ହଜାର ଜୀବନ : ଆମେରିକାରେ ମୃତ୍ୟୁ ସଂଖ୍ୟା ଟପିଲା ୪୦ହଜାର, ଟ୍ରମ୍ପ୍ କହିଲେ ସବୁଠୁ ଅଧିକ ହୋଇଛି ପରୀକ୍ଷା

20/04/2020 at 10:45 AM

ନୂଆଦିଲ୍ଲୀ ୨୦।୪: ସମଗ୍ର ବିଶ୍ବରେ କରୋନା ବିପର୍ଯ୍ୟୟ ଜାରି ରଖିଛି । ଏହି ମହାମାରୀ ଯୋଗୁଁ ସାରା ବିଶ୍ବରେ ୧.୬୫ ଲକ୍ଷ ଲୋକ ପ୍ରାଣ ହରାଇଛନ୍ତି । ଏହା ବ୍ୟତୀତ ୨୪ ଲକ୍ଷରୁ ଅଧିକ ଲୋକ ଏହି ଭାଇରସର ଶିକାର ହୋଇଛନ୍ତି । ଗତ ୨୪ ଘଣ୍ଟା ମଧ୍ୟରେ ଆମେରିକାରେ ୧୯୯୭ ଜଣଙ୍କର ମୃତ୍ୟୁ ହୋଇଛି । ଏଠାରେ ମୃତ୍ୟୁ ସଂଖ୍ୟା ୪୦ ହଜାର ଅତିକ୍ରମ କରିଛି । ତେବେ ଚୀନରେ ପରିସ୍ଥିତି ନିୟନ୍ତ୍ରଣରେ ଥିବା ଜଣାପଡିଛି । ରବିବାର ଦିନ ଗୋଟିଏ ବି ମୃତ୍ୟୁ ହୋଇନାହିଁ । କରୋନା ଯୋଗୁଁ ଆମେରିକା ପରେ ଇଟାଲୀ, ସ୍ପେନ୍, ଫ୍ରାନ୍ସ ଏବଂ ବ୍ରିଟେନ ସର୍ବାଧିକ କ୍ଷତି ସହିଛନ୍ତି ।

ରବିବାର ଦିନ ସ୍ପେନରେ କରୋନା ଭାଇରସ୍ ଯୋଗୁଁ ମୃତ୍ୟୁ ସଂଖ୍ୟା ୨୦୪୫୩କୁ ବୃଦ୍ଧି ପାଇଛି । ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏହି ସୂଚନା ଦିଆଯାଇଛି । ମନ୍ତ୍ରଣାଳୟ କହିଛି ଯେ ମହାମାରୀ ହେତୁ ଏପର୍ଯ୍ୟନ୍ତ ୨୦୪୫୩ ଜଣଙ୍କର ମୃତ୍ୟୁ ଘଟିଛି ଏବଂ ଗତ ୨୪ ଘଣ୍ଟା ମଧ୍ୟରେ ସ୍ପେନରେ ୪୧୦ଜଣଙ୍କର ମୃତ୍ୟୁ ହୋଇଥିବାବେଳେ ଶନିବାର ଦିନ ୫୬୫ ଜଣଙ୍କର ମୃତ୍ୟୁ ହୋଇଛି ।

ସମଗ୍ର ବିଶ୍ବରେ ଦ୍ରୁତତମ ପୁନରୁଦ୍ଧାର ଦେଶଗୁଡିକର ଶୀର୍ଷରେ ଜର୍ମାନୀ ଥିବା ମନେହୁଏ । ଆମେରିକା ଅପେକ୍ଷା ଏଠାରେ ଅଧିକ ଲୋକ ଆରୋଗ୍ୟ ହୋଇଛନ୍ତି । ଲୋକଙ୍କ ମୃତ୍ୟୁ ସଂଖ୍ୟା ଆମେରିକା ତୁଳନାରେ ୯୦ ପ୍ରତିଶତ କମ୍ । ଜର୍ମାନୀରେ ଏପର୍ଯ୍ୟନ୍ତ ୪୬୪୨ ଜଣଙ୍କର ମୃତ୍ୟୁ ହୋଇଛି । ଏଥି ସହିତ ଜର୍ମାନୀରେ ୮୮,୦୦୦ କରୋନା ରୋଗୀ ଆରୋଗ୍ୟ ଲାଭ କରିଛନ୍ତି । ଆମେରିକାରେ ଏହି ସଂଖ୍ୟା ୭୦୫୫୮ ରହିଛି ।

ସେହିଭଳି ବ୍ରିଟେନରେ କରୋନା ଭାଇରସ୍ ସଂକ୍ରମଣରେ ଆଉ ୫୯୬ ଜଣଙ୍କ ମୃତ୍ୟୁ ସହିତ ଦେଶରେ କୋଭିଡ-୧୯ ଯୋଗୁଁ ମୃତ୍ୟୁ ସଂଖ୍ୟା ୧୬୦୬୦କୁ ବୃଦ୍ଧି ପାଇଛି ।

ଆମେରିକାରେ କରୋନା ଭାଇରସ୍ ହଇଚଇ ସୃଷ୍ଟି କରିଛି । ଗତ ୨୪ଘଣ୍ଟା ମଧ୍ୟରେ ଏଠାରେ ୧୯୯୭ ଲୋକ ପ୍ରାଣ ହରାଇଛନ୍ତି । ଏଥି ସହିତ ଆମେରିକାର କରୋନା ଯୋଗୁଁ ମୃତ୍ୟୁ ସଂଖ୍ୟା ୪୦୬୬୧ରେ ପହଞ୍ଚିଛି । ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ରବିବାର କହିଛନ୍ତି ଯେ ଦେଶରେ ଏପର୍ଯ୍ୟନ୍ତ ୪୧.୮ ଲକ୍ଷ ଲୋକଙ୍କର କରୋନା ପରୀକ୍ଷା କରାଯାଇଛି । ଏହି ସଂଖ୍ୟା ଯେକୌଣସି ଦେଶ ଅପେକ୍ଷା ଅଧିକ ।

   Related Posts