Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଦୁଇ ଦିନରେ ହଜାରେରୁ ଅଧିକ କରୋନା ସଂକ୍ରମିତ : ରାଜଭବନକୁ ସାଧାରଣ ଲୋକଙ୍କ ପ୍ରବେଶ ଉପରେ କଟକଣା

8/07/2020 at 7:03 PM

ଭୁବନେଶ୍ୱର ୦୮/୦୭ : ଜୁଲାଇରେ ଭୀଷଣ ହେଉଛି କରୋନା । ଦୁଇ ଦିନରେ ହଜାରେରୁ ଅଧିକ ଲୋକଙ୍କୁ କବଳିତ କଲାଣି । ଆଜି ୫୨୭ ନୂଆ ପଜିଟିଭ୍ ଚିହ୍ନଟ ହୋଥିବା ବେଳେ ୬ ଜଣଙ୍କ ମୁଣ୍ଡ ନେଇଛି ମହାମାରୀ । ସଂକ୍ରମଣ ବଢିବାରୁ ବନ୍ଦ ହେଉଛି ଗୋଟିଏ ପରେ ଗୋଟଏ ଅଫିସ୍ । ୩୩୮ ଜଣ କ୍ବାରାଣ୍ଟାଇନ କେନ୍ଦ୍ରରୁ ଥିବା ବେଳେ ୧୮୯ ଜଣ ସ୍ଥାନୀୟ ବାସିନ୍ଦା ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୧୦ ହଜାର ୬ଶହ ୨୪କୁ ବୃଦ୍ଧି ପାଇଛି ।…

ରାଜଧାନୀରେ ଭୟଙ୍କର ହେଲାଣି ସଂକ୍ରମଣ । ନୂଆ ନୂଆ ଅଞ୍ଚଳକୁ ମାଡି ଚାଲିଛି ମହାମାରୀ । ଭୁବନେଶ୍ବରରେ ୫ଶହ ଡେଇଁଛି ସଂଖ୍ୟା । ଖୋର୍ଦ୍ଧା ଜିଲ୍ଲାରୁ ଆଜି ୫୦ ଆକ୍ରାନ୍ତ ଚିହ୍ନଟ ହୋଇଥିବା ବେଳେ କେବଳ ଭୁବନେଶ୍ବରୁ ୪୬ । ସ୍ଥାନୀୟ ସଂକ୍ରମଣ ଟେନସନ୍ ବଢାଇଛି ।ସଂକ୍ରମଣ ବଢୁଥିବାରୁ ଆକ୍ସନ ମୋଡରେ ବିଏମସି । ବନ୍ଦ ହେଉଛି ଗୋଟିଏ ପରେ ଗୋଟିଏ ସରକାରୀ ଏବଂ ବେସରକାରୀ ଅଫିସ । ଆରଟିଓ-୧ ପରେ ଆରଟିଓ-୨ ସିଲ୍ ହୋଇଛି । ଆରଟିଓ-୧ରୁ ୪ଜଣ କର୍ମଚାରୀ କରୋନାରେ ଆକ୍ରାନ୍ତ ହେବା ପରେ ସବୁ କର୍ମଚାରୀଙ୍କୁ ବାଧ୍ୟତାମୂଳକ କ୍ବାରାଣ୍ଟାଇନରେ ରହିବାକୁ ନିର୍ଦ୍ଦେଶ ଦିଆଯାଇଛି । ସିଲ୍ ହେଉଥିବା ଅଫିସ୍ କୁ ସାନିଟାଇଜ୍ କରାଯାଉଛି । ସେହିପରି ରାଜଭବନକୁ ସାଧାରଣ ଲୋକଙ୍କ ଯିବା ଉପରେ କଟକଣା ଲାଗିଛି ।

କଟକ ଶିଶୁଭବନରେ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ଆଜି ଆଉ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ସ୍ଥିତି ମୁକାବିଲା ପାଇଁ କଟକ ମହାନଗର ନିଗମ ଅଞ୍ଚଳରେ ଆରମ୍ଭ ହୋଇଛି ମାସ୍ ସାନିଟାଇଜେସନ୍ ପ୍ରୋଗ୍ରାମ । ସବୁ ଓ୍ବାର୍ଡକୁ ବିଶୋଧନ କରାଯିବ । ସଟ୍ ଡାଉନ୍ ଅବଧିକୁ ୧୦ ତାରିଖ ଯାଏ ବଢା ଯାଇଥିବା ବେଳେ ଏହାକୁ ଯେପରି କଡାକଡି ପାଳନ କରାଯିବ ସେଥିପାଇଁ ରଣନୀତି କରାଯାଇଛି । କଟକ ସହରରୁ ଆଜି ୪ ପଜିଟିଭ୍ ଚିହ୍ନଟ ହୋଇଥିବା ବେଳେ ବଡ଼ ଡାକ୍ତରଖାନା ଆଇସୋଲେସନ୍ ୱାର୍ଡରୁ ୨ ଜଣ ଅଛନ୍ତି ।

ମାଲକାନଗିରି ଜିଲ୍ଲା ମୁଖ୍ୟ ହସ୍ପିଟାଲରେ ଜଣେ କରୋନା ଆକ୍ରାନ୍ତ ଚିହ୍ନଟ ପରେ ସାଧାରଣ ରୋଗୀଙ୍କ ଚିକିତ୍ସା ବନ୍ଦ କରାଯାଇଛି ।ସମଗ୍ର ମେଡିକାଲକୁ ସାନିଟାଇଜ୍ କରାଯାଇଛି । ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ୪୦ ଜଣ ସ୍ବାସ୍ଥ୍ୟ କର୍ମୀଙ୍କୁ କ୍ବାରାଣ୍ଟାଇନରେ ରଖାଯାଇଛି । ଆଉଟଡୋରରେ ସାଧାରଣ ରୋଗୀଙ୍କୁ ସେବା ମିଳିବନାହିଁ । କେବଳ ଜରୁରିକାଳୀନ ସେବା ଉପଲବ୍ଧ ହେବ ।

ସୁନ୍ଦରଗଡ଼ ଜିଲ୍ଲାରେ ‘ସୁପରସ୍ପ୍ରେଡର୍’ ପାଲଟି ଯାଇଛନ୍ତି ଜଣେ ବୃଦ୍ଧ । ବୃଦ୍ଧଙ୍କ ସଂସ୍ପର୍ଶରେ ଆସି ୨ ଦିନ ମଧ୍ୟରେ ୯୫ ଜଣ କରୋନା ସଂକ୍ରମିତ ହୋଇଥିବା ଜଣାପଡ଼ିଛି । ରାଉରକେଲା ସେକ୍ଟର-୧୬ ଏହି ବୃଦ୍ଧ ଜଣକ ପଜିଟିଭ ଚିହ୍ନଟ ପରେ ୨ ତାରିଖରେ ଇଏସ୍ ଆଇ ମଡେଲ୍ ହସ୍ପିଟାଲରେ ଭ଼ର୍ତ୍ତି ହୋଇଥିଲେ । ପରେ ତାଙ୍କୁ ଆଇଜିଏଚକୁ ରେଫର୍ କରାଯାଇଥିଲା । ସେଠାରେ ତାଙ୍କର ମୃତ୍ୟୁ ଘଟିଥିଲା । ତାଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିଙ୍କ ମଧ୍ୟରୁ ଗତକାଲି ୪୯ ଓ ଆଜି ୪୬ ଆକ୍ରାନ୍ତ ଚିହ୍ନଟ ହୋଇ ସାରିଲେଣି। ଏଯାବତ୍ ଉକ୍ତ ବୃଦ୍ଧ ଓ ତାଙ୍କ ପରିବାର ସଂସ୍ପର୍ଶରେ ଆସିଥିବା ପ୍ରାୟ ୧୫୦ଜଣଙ୍କୁ ଚିହ୍ନଟ କରାଯାଇଛି।

ରାଜ୍ୟରେ ଆଜି ୫୨୭ଜଣ କରୋନା ପଜିଟିଭ୍ ଚିହ୍ନଟ ହେବା ଫଳରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୦ ହଜାର ୬୨୪କୁ ବୃଦ୍ଧି ପାଇଛି। ଆଜି ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ୧୮୯ଜଣ ସ୍ଥାନୀୟ ସଂକ୍ରମିତ । ୨୬ ଜିଲ୍ଲାରୁ ଏହିସବୁ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେପଟେ ରାଜ୍ୟରେ ଆଉ ୬ ମୁଣ୍ଡ ନେଇଛି କରୋନା । ଗଞ୍ଜାମ ଜିଲ୍ଲାରୁ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ଖୋର୍ଦ୍ଧା, ରାୟଗଡ଼ା ଓ କେନ୍ଦ୍ରାପଡାରୁ ଜଣେ ଲେଖାଏଁ ଆକ୍ରାନ୍ତଙ୍କ ମୃତ୍ୟୁ ହୋଇଛି ।

କେନ୍ଦ୍ରାପଡ଼ା ପୌରାଞ୍ଚଳର ୫ ନର୍ସିଂ ହୋମକୁ ଜରିମାନା କରାଯାଇଛି । କୋଭିଡ୍ ଆଇନ ଉଲ୍ଲଂଘନ ଅଭିଯୋଗରେ ଜରିମାନା ସହ ନୋଟିସ୍ ଜାରି କରିଛି ଜିଲ୍ଲା ପ୍ରଶାସନ ।

   Related Posts