Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୧୯୬୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୪୬ ଡିସଚାର୍ଜ
  • ||
  • ବଶବରାଜ ବୋମାଇ ହେବେ କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ, ପ୍ରସ୍ତାବ ଦେଲେ ୟେଦିୟୁରପ୍ପା
  • ||
  • ସିରିଜ୍ ଅଧାରୁ କୋଭିଡ୍ ସଂକ୍ରମିତ ହେଲେ ଭାରତୀୟ ଅଲରାଉଣ୍ଡର କ୍ରୁନାଲ ପାଣ୍ଡ୍ୟା, ଭାରତ-ଶ୍ରୀଲଙ୍କା ଦ୍ବିତୀୟ ଟ୍ବେଣ୍ଟି ଟ୍ବେଣ୍ଟି ବାତିଲ
  • ||
  • ଦେଶରେ କମୁଛି ସଂକ୍ରମଣ : ୨୪ ଘଣ୍ଟାରେ ବାହାରିଲେ ୨୯ ହଜାରରୁ ଅଧିକ ପଜିଟିଭ୍, ୪୧୫ ମୃତ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା, ରାଜ୍ୟରେ କରୋନା ନେଲା ୬୦ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ : ୨୪ ଘଣ୍ଟାରେ ରାଜ୍ୟରେ ବାହାରିଲେ ୧୬୨୯ କରୋନା ପଜିଟିଭ୍
  • ||
  • ମୟୂରଭଞ୍ଜ : ଗାଧୋଇବା ବେଳେ ଖସିଗଲା ଗୋଡ, ପୋଖରୀରେ ବୁଡି ୨ ଶିଶୁ ମୃତ
  • ||
  • ସମ୍ବଲପୁର : ଯୁବକଙ୍କୁ ନିର୍ମମ ଭାବେ ହତ୍ୟା, ଉଦ୍ଧାର ହେଲା ରକ୍ତ ଜୁଡୁବୁଡୁ ମୃତଦେହ
  • ||

ବସ୍ତିରେ କାୟା ମେଲାଇଲାଣି କରୋନା, ୪ ଦିନରେ ୮୬ କରୋନା ଆକ୍ରାନ୍ତ ଚିହ୍ନଟ

5/08/2020 at 11:38 AM

ଭୁବନେଶ୍ୱର ୦୫।୦୮ : ପୁଣି ଡରେଇଲାଣି ବସ୍ତି ସଂକ୍ରମଣ । ଶିରିପୁର କନ୍ଧ ସାହି ବସ୍ତିରେ ପଶିଛି କରୋନା । ଦିନକରେ ଏଠାରୁ ୧୪ଜଣ ସଂକ୍ରମିତ ବାହାରିଛନ୍ତି । ଏହାକୁ ନେଇ ବସ୍ତିରେ ଛନକା ପଶିଯାଇଛି । ଆଖପାଖ ଲୋକେ ବି ଭୟଭୀତ ଅଛନ୍ତି । ରାଜ୍ୟରେ କରୋନା ସଂକ୍ରମଣ ଥମୁନି । ଭୁବନେଶ୍ୱରରେ ବି କରୋନା ସଂକ୍ରମଣ କମୁନି । ଭୁବନେଶ୍ୱରରୁ ୧୪୯ଜଣ ପଜିଟିଭ୍‌ ବାହାରିଛନ୍ତି । ଏଥିରୁ ବସ୍ତି ସଂକ୍ରମିତଙ୍କ ସଂଖ୍ୟା ୩୬ । ଶିରିପୁର କନ୍ଧ ସାହିରୁ ଗତ ୨୪ ଘଣ୍ଟାରେ ୧୪ଜଣ ପଜିଟିଭ୍‌ ଥିବାବେଳେ ସାଲିଆସାହିରୁ ବି ୧୪ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ଏହାବାଦ୍‌ ଖଣ୍ଡଗିରି ତପୋବନ ବସ୍ତିରୁ ୩ଜଣ, ଜୟଦେବବିହାର ଅଞ୍ଚଳର ଏକ ବସ୍ତିରୁ ୨ଜଣ, ବିଶେଶ୍ୱର ବସ୍ତିରୁ ଜଣେ ପଜିଟିଭ୍‌ ବାହାରିଛନ୍ତି । ଇସ୍କନ ପାଖ ବସ୍ତିରୁ ୨ଜଣ କରୋନା ସଂକ୍ରମିତ ହୋଇଛନ୍ତି । ଜୁଲାଇରେ ରାଜଧାନୀରେ କରୋନା ସଂକ୍ରମଣ ହୁ ହୁ ହୋଇ ବଢ଼ିଥିଲା । ଯଦିଓ ଅଗଷ୍ଟରେ ଏଯାବତ୍‌ ସେଭଳି ଦ୍ରୁତ ହାରରେ କରୋନା ସଂକ୍ରମିତ ଚିହ୍ନଟ ହୋଇନାହାନ୍ତି, ତଥାପି ବସ୍ତିକୁ ନେଇ ଡର ଘାରିଲାଣି । ଅଗଷ୍ଟ ମାସର ପ୍ରଥମ ୪ ଦିନ ଭିତରେ ରାଜଧାନୀର ବିଭିନ୍ନ ବସ୍ତିରୁ ୮୬ଜଣ କରୋନା ସଂକ୍ରମିତ ଚିହ୍ନଟ ହେଲେଣି ।

ଜୁଲାଇ ଶେଷ ପର୍ଯ୍ୟନ୍ତ ଯେଉଁ ସବୁ ବସ୍ତିକୁ କରୋନା ପଶିନଥିଲା, ଏବେ ସେଠାରୁ କରୋନା ପଜିଟିଭ ବାହାରିଲେଣି । କେତେକ ବସ୍ତିରେ କରୋନା ପୂର୍ବାପେକ୍ଷା ଅଧିକ ବ୍ୟାପିବାରେ ଲାଗିଛି । ଚନ୍ଦ୍ରଶେଖରପୁର ଶ୍ରମିକ ବସ୍ତିରୁ ଗତକାଲି ୩ଜଣ ସଂକ୍ରମିତ ବାହାରିଥିଲେ । ଗୌତମନଗର ବସ୍ତିରୁ ବି ୫ଜଣ ପଜିଟିଭ୍‌ ବାହାରିଥିଲେ । କ୍ୟାପିଟାଲ ହସ୍ପିଟାଲ ପାଖ ରାଧାକୃଷ୍ଣ ବସ୍ତିରୁ ୨ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ସାଲିଆସାହିରୁ ନିୟମିତ ପଜିଟିଭ୍‌ ବାହାରୁଥିବାବେଳେ ତାରିଣୀ ବସ୍ତିରୁ ଗତ ୧ ତାରିଖରେ ୧୦ଜଣ ସଂକ୍ରମିତ ଚିହ୍ନଟ ହୋଇଥିଲେ । ଏଯାବତ୍‌ ବସ୍ତିରେ କରୋନା ସଂକ୍ରମଣ ନିୟନ୍ତ୍ରଣରେ ରହିଛି । କିନ୍ତୁ, ଲକ୍‌ଡାଉନ କୋହଳ ହେବା ପରେ ସଂକ୍ରମଣ ବଢ଼ିବା ଆଶଙ୍କା ଘାରିଛି । ଏହାକୁ ଦୃଷ୍ଟିରେ ରଖି ବିଏମ୍‌ସି ବସ୍ତି ଉପରେ ବିଶେଷ ନଜର ରଖିଛି ।

   Related Posts