ନୂଆଦିଲ୍ଲୀ ୨୬।୦୮: ଦେଶରେ କରୋନା ସଂକ୍ରମଣ କମିବାରେ ନାଁ ଧରୁନି । ପ୍ରତି ଦିନ କରୋନା ଗ୍ରାଫ୍ ଉପରମୁହାଁ ହୋଇଚାଲିଛି । ଦେଶରେ ଗତ ୨୪ଘଣ୍ଟା ମଧ୍ୟରେ ୬୭,୧୫୧ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ଦେଶରେ ୨୪ଘଣ୍ଟାରେ ୧,୦୫୯ ଲୋକଙ୍କ କରୋନାରେ ମୃତ୍ୟୁ ହୋଇଛି । କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ବୁଧବାର ଦିନ ଜାରି କରାଯାଇଥିବା ତଥ୍ୟନୁସାରେ ଦେଶରେ କରୋନା ସଂକ୍ରମିତଙ୍କ ସଂଖ୍ୟା ଏବେ ୩୨,୩୪,୪୭୪ରେ ପହଞ୍ଚିଛି ।
ସେହିପରି ଦେଶରେ ମୃତକଙ୍କ ସଂଖ୍ୟା ମଧ୍ୟ ୫୯,୪୪୯ରେ ପହଞ୍ଚିଛି । ଦେଶରେ କରୋନାରେ ବର୍ତ୍ତମାନ ପର୍ଯ୍ୟନ୍ତ ୭,୦୭,୨୬୭ଆକ୍ଚିଭ୍ କେସ୍ ରହିଥିବା ବେଳେ ୨୪,୬୭,୭୫୯ଜଣ ସୁସ୍ଥ ହୋଇ ଘରକୁ ଫେରିଛନ୍ତି । କୋଭିଡ଼-୧୯ରେ ପରୀକ୍ଷଣ ସଂଖ୍ୟା ଲଗାତର ଭାବେ ବୃଦ୍ଧି କରାଯାଉଛି । ୨୫ଅଗଷ୍ଟ ପର୍ଯ୍ୟନ୍ତ ଦେଶରେ ୩କୋଟି ୭୬ଲକ୍ଷ ୫୧ହଜାର ୫୧୨ ପରୀକ୍ଷଣ ହୋଇଛି ।
ଭାରତୀୟ ଚିକିତ୍ସା ଅନୁସନ୍ଧାନ ପରିଷଦ (ICMR) ପକ୍ଷରୁ ବୁଧବାର କୁହାଯାଇଛି ଯେ, ୨୫ ଅଗଷ୍ଟ ଦେଶରେ କରୋନା ଭାଇରସର ଆଠ ଲକ୍ଷ୨୩ହଜାର ୯୯୨ନମୁନା ପରୀକ୍ଷଣ ହୋଇଛି ।କିନ୍ତୁ ଗୋଟିଏ ଦିନ ପୂର୍ବ ଦେଶରେ ୯ଲକ୍ଷ ୨୫ହଜାର ୩୮୩ ଟେଷ୍ଟ କରାଯାଇଥିଲା । ତେବେ ପୂର୍ବ ଅପେକ୍ଷାରେ ଗୋଟିଏ ଲକ୍ଷ କମ୍ ଟେଷ୍ଟ କରାଯାଇଛି । ପରିଷଦ ଅନୁସାରେ ୨୫ଅଗଷ୍ଟ ପର୍ଯ୍ୟନ୍ତ କରୋନାରେ ମୋଟ ୩କୋଟି ୭୬ଲକ୍ଷ ୫୧ହଜାର ୫୧୨ରେ ପରୀକ୍ଷଣ ହୋଇଛି ।
