Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଣାଇ ରେଞ୍ଜରେ ଗୋଠଛଡା ଦନ୍ତା ଆତଙ୍କ, ସନ୍ଧ୍ୟା ହେଲେ ଗାଁରେ ପଡୁଛି ତାଟିକବାଟ
  • ||
  • ଟେକ୍ସାସରେ ୪ ଜଣଙ୍କୁ ପଣବନ୍ଦୀ : ପାକିସ୍ତାନୀ ବୈଜ୍ଞାନିକଙ୍କୁ ମୁକ୍ତ କରିବାକୁ ଦାବି, ଘଟଣାସ୍ଥଳରେ ଏଫବିଆଇ ଓ ସ୍ୱାଟ୍ ଟିମ୍
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୧କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଡେଇଁଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୧୭୭ କୋଭିଡ୍ ପଜିଟିଭ୍, ୧୧୩୩୯୧୨ରେ ପହଞ୍ଚିଲା ସଂଖ୍ୟା
  • ||
  • ନିଶାରେ ୩ ବାଇକକୁ ଧକ୍କା ଦେଲେ କାର୍ ଡ୍ରାଇଭର, ଓଲଟା ପୋଲିସକୁ କଲେ ଗାଳିଗୁଲଜ
  • ||
  • ଫାଟିଗଲା ମୋବାଇଲ ବ୍ୟାଟେରୀ, ନାବାଳକ ଗୁରୁତର : ପଥରରେ ଛେଚୁଥିବା ବେଳେ ଅଘଟଣ
  • ||
  • ରାଜ୍ୟର ୪ ବରିଷ୍ଠ ଆଇଏଏସଙ୍କୁ ପ୍ରମୋସନ, ଅତିରିକ୍ତ ମୁଖ୍ୟ ଶାସନ ସଚିବ ପାହ୍ୟାକୁ ପଦୋନ୍ନତି
  • ||
  • କୋଟିଆରେ ହେବ ପଞ୍ଚାୟତ ନିର୍ବାଚନ, ୧୩ଟି ବୁଥରେ ମତଦାନ
  • ||

ରେକର୍ଡ ଭାଙ୍ଗିଲା କରୋନା : ୨୪ ଘଣ୍ଟାରେ ସର୍ବାଧିକ ୮ ହଜାର ୩୮୦ ନୂଆ ମାମଲା, ୧୯୩ ସଂକ୍ରମିତଙ୍କ ମୃତ୍ୟୁ

31/05/2020 at 11:19 AM

ନୂଆଦିଲ୍ଲୀ ୩୧/୦୫ : ଦେଶରେ କରୋନା ସଂକ୍ରମଣ ସଂଖ୍ୟା ପୁଣି ରେକର୍ଡ ଭାଙ୍ଗିଛି | ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ୮ ହଜାର ୩୮୦ ନୂଆ ମାମଲା ସାମ୍ନାକୁ ଆସିଥିବାବେଳେ ୧୯୩ ଜଣଙ୍କ ମୃତ୍ୟୁ ହୋଇଛି | ଦେଶରେ କରୋନା ସଂକ୍ରମିତଙ୍କ ସଂଖ୍ୟା ୧ ଲକ୍ଷ ୮୨ ହଜାର ୪୨ରେ ପହଞ୍ଚିଛି | ଶୁକ୍ରବାର ଦିନ ୭ ହଜାର ୯୬୪ ନୂଆ ମାମଲା ସାମ୍ନାକୁ ଆସିଥିଲା | ୨୬୫ କରୋନା ପୀଡିତଙ୍କ ମୃତ୍ୟୁ ହୋଇଥିଲା |

ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଅନୁଯାୟୀ, ଦେଶରେ ବର୍ତ୍ତମାନ ୮୯ ହଜାର ୯୯୫ ଆକ୍ଟିଭ ମାମଲା ରହିଛି | କରୋନା ମହାମାରୀରେ ଏବେ ସୁଦ୍ଧା ୫ ହଜାର ୧୬୪ ପୀଡିତଙ୍କ ମୃତ୍ୟୁ ହୋଇଛି | ୮୬ ହଜାର ୯୮୩ ଜଣ ସୁସ୍ଥ ହୋଇ ଫେରିଥିବାବେଳେ ଜଣେ ବିଦେଶୀ ନାଗରିକ ନିଜ ଦେଶକୁ ଫେରି ଯାଇଛନ୍ତି | କରୋନା ଯୋଗୁଁ ମହାରାଷ୍ଟ୍ର ସବୁଠାରୁ ଅଧିକ ପ୍ରଭାବିତ ହୋଇଛି | ମହାରାଷ୍ଟ୍ରରେ ଗୋଟିଏ ଦିନରେ ୨ ହଜାର ୯୪୦ ନୂଆ ମାମଲା ସାମ୍ନାକୁ ଆସିଥିବାବେଳେ ୯୯ଜଣଙ୍କ ମୃତ୍ୟୁ ହୋଇଛି | ରାଜ୍ୟରେ ସଂକ୍ରମିତଙ୍କ ସଂଖ୍ୟା ୬୫ ହଜାର ୧୬୮ରେ ପହଞ୍ଚିଛି |

ଦେଶରେ କରୋନାରେ ପ୍ରାଣ ହରାଇଥିବା ୫ ହଜାର ୧୬୪ ମାମଲା ମଧ୍ୟରୁ ସର୍ବାଧିକ ମୃତ୍ୟୁ ସଂଖ୍ୟା ମହାରାଷ୍ଟ୍ରର ରହିଛି | କେବଳ ମହାରାଷ୍ଟ୍ରରେ ୨ ହଜାର ୧୯୭ ଜଣ ପ୍ରାଣ ହରାଇଛନ୍ତି | ଗୁଜରାଟରେ ହଜାରେ ୭ ଜଣ ପ୍ରାଣ ହରାଇଥିବାବେଳେ ମଧ୍ୟ ପ୍ରଦେଶରେ ୩୪୩ ଜଣ ପ୍ରାଣ ହରାଇଛନ୍ତି | ଦିଲ୍ଲୀରେ ୪୧୬, ପଶ୍ଚିମବଙ୍ଗରେ ୩୦୯, ଉତ୍ତର ପ୍ରଦେଶରେ ୨୦୧, ରାଜସ୍ତାନରେ ୧୯୩, ତାମିଲନାଡୁରେ ୧୬୦, ତେଲେଙ୍ଗାନାରେ ୭୭, ଆନ୍ଧ୍ରପ୍ରଦେଶରେ ୬୦ ମୃତ୍ୟୁ ମାମଲା ରହିଛି | କର୍ଣ୍ଣାଟକରେ ୪୮ ଜଣଙ୍କ ମୃତ୍ୟୁ ହୋଇଥିବାବେଳେ ପଞ୍ଜାବରେ ୪୪, ଜାମ୍ମୁ କାଶ୍ମୀରରେ ୨୮ ଜଣ କରୋନାରେ ପ୍ରାଣ ହରାଇଛନ୍ତି |

   Related Posts