Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ମହାରାଷ୍ଟ୍ର ଅକୋଲା ଜେଲରେ କରୋନା ବିସ୍ଫୋରଣ,ଏକକାଳୀନ ୬୮ ବନ୍ଦୀ ପଜିଟିଭ ଚିହ୍ନଟ

28/06/2020 at 6:43 PM

ଅକୋଲା ୨୮।୬:  ମହାରାଷ୍ଟ୍ରର ଅକୋଲା ଜେଲରେ ୬୮ ବନ୍ଦୀ କୋଭିଡ-୧୯ ପଜେଟିଭ ଟିହ୍ନଟ ହୋଇଛନ୍ତି। ଅକୋଲା ଉପଜିଲ୍ଲାପାଳ   ସଞ୍ଜୟ ଖଡସେ ରବିବାର ଏହି ସୂଚନା ଦେଇଛନ୍ତି।  ତେବେ କୌଣସି ବନ୍ଦୀଙ୍କ ଠାରେ ଲକ୍ଷଣ ନଥିଲେ ହେଁ ସେମାନେ ପଜେଟିଭ୍ ଚିହ୍ନଟ ହେବା ଏବେ ସମସ୍ତଙ୍କୁ ଚକିତ କରିଛି।  ସଂକ୍ରମିତ ଚିହ୍ନଟ ସମସ୍ତ ବନ୍ଦୀଙ୍କୁ ଜେଲ ମଧ୍ୟରେ ଥିବା ଆଇସୋଲେସନ ୱାର୍ଡକୁ ସ୍ଥାନାନ୍ତରଣ କରାଯାଇଛି।

ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ଏ ନେଇ ରିପୋର୍ଟ ଜାରି ହୋଇଥିବା ବେଳେ ବିନା ଲକ୍ଷଣର ସଂକ୍ରମିତଙ୍କୁ ନେଇ ଲୋକେ ଚିନ୍ତାରେ ପଡିଛନ୍ତି। ତେବେ କେବଳ ବନ୍ଦୀ ନୁହଁନ୍ତି ଜେଲରେ ଅନ୍ୟ ୨୦ ଜଣ ମଧ୍ୟ ସଂକ୍ରମିତ ଚିହ୍ନଟ ହୋଇଛନ୍ତି। ଜେଲରେ ଏବେ ୩୦୦ ବନ୍ଦୀ ଅବସ୍ଥାନ କରୁଥିବା ବେଳେ କରୋନା ସଂକ୍ରମଣ ପରଠାରୁ ଏଠାରେ ଜଣେ ବି ବନ୍ଦୀଙ୍କୁ ଅଣା ଯାଇ ନାହିଁ। ତେବେ ଏକା ଥରକେ ଏତେ ସଂଖ୍ୟକ ବନ୍ଦୀ ପଜେଟିଭ ଚିହ୍ନଟ ହେବା ଜେଲରେ ଆତଙ୍କ ସୃଷ୍ଟି କରିଛି।

ପୂର୍ବରୁ ଜୁନ ୧୮ ତାରିଖରେ ଜେଲର ୧୮ଜଣ ବନ୍ଦୀ ପ୍ରଥମେ କରୋନା ପଜେଟିଭ ଚିହ୍ନଟ ହୋଇଥିଲେ। ଏଥିଲାଗି କର୍ତ୍ତୃପକ୍ଷ କଟକଣା ଲାଗୁ କରିଥିଲେ ହେଁ ଜେଲରେ ପୁଣି କରୋନା ବ୍ୟାପିଛି। ଅସୁସ୍ଥ ରୋଗୀଙ୍କ ଚିକିତ୍ସା ଲାଗି ଜେଲରେ ସମସ୍ତ ବ୍ୟବସ୍ଥା କରାଯାଇଛି। ଯେଉଁମାନଙ୍କର ସାମାନ୍ୟ ସ୍ୱାସ୍ଥ୍ୟଗତ ସମସ୍ୟା ଅଛି ସେମାନଙ୍କର ଚିକିତ୍ସା କରାଯାଉଛି। ତେବେ ଅନ୍ୟମାନେ ପର୍ଯ୍ୟବେକ୍ଷଣରେ ଥିବା ଜେଲ ଡାକ୍ତର କହିଛନ୍ତି।

   Related Posts