Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ: ୪୧ ବର୍ଷ ପରେ କ୍ଵାର୍ଟର ଫାଇନାଲ୍‌ରେ ଭାରତୀୟ ମହିଳା ହକି ଦଳ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୮୯୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ଡିସଚାର୍ଜ, ଜାଣନ୍ତୁ କେଉଁ ଜିଲ୍ଲାରୁ କେତେ ସୁସ୍ଥ
  • ||
  • ଭୁବନେଶ୍ବରରୁ ଦିନକରେ ୩୫୪ କରୋନା ଆକ୍ରାନ୍ତ ଚିହ୍ନଟ, ୨୩୯ ସୁସ୍ଥ
  • ||
  • ଭାରତ-ଚୀନ ମଧ୍ୟରେ ଥମିବ କି ବିବାଦ ! ୯ ଘଣ୍ଟା ଧରି ଚାଲିଲା ୧୨ତମ ବୈଠକ, ଗୋଗରା-ହଟ୍ ସ୍ପ୍ରିଙ୍ଗରୁ ସୈନ୍ୟ ପ୍ରତ୍ୟାହାର ଉପରେ ଜୋର
  • ||
  • ଜେଲ୍‌ ଗଲେ କୋଟିପତି ପିଏସ୍‌ ବିରଞ୍ଚି ସାହୁ
  • ||
  • ସେମି ଫାଇନାଲରେ ହାରିଲେ ସିନ୍ଧୁ, ଧୂଳିସାତ ହେଲା ସ୍ଵର୍ଣ୍ଣ ପଦକ ଆଶା, ଏବେ କାଂସ୍ୟ ଉପରେ ନଜର
  • ||
  • ସରକାରୀ-ବେସରକାରୀ ସ୍ବିମିଂ ପୁଲ ଖୋଲିବ
  • ||
  • ମୀନା ବଜାର ଖୋଲାଯାଇପାରିବ
  • ||
  • ଭୋଜିଭାତ ଉପରେ ପୂର୍ବବତ କଟକଣା ରହିବ
  • ||
  • ବିବାହରେ ୨୫, ଶୁଦ୍ଧିକ୍ରିୟାରେ ୨୦ ଜଣଙ୍କୁ ଅନୁମତି
  • ||

ଭିନ୍ନକ୍ଷମ ଶିଶୁମାନଙ୍କ ପାଇଁ କରୋନା ସଚେତନତା: ଲୁହ ଭରା ଆଖିରେ ହାତଯୋଡ଼ି ନିବେଦନ କଲେ ତହସିଲଦାର

12/08/2020 at 7:40 PM

ସାନଖେମୁଣ୍ଡି୧୨/୮:  କୁକୁଡାଖଣ୍ଡିରେ ବ୍ଲକରେ ଥିବା ସମସ୍ତ ଗ୍ରାମରେ ପାଖାପାଖି ୧୫୦ରୁ ଅଧିକ ଭିନ୍ନକ୍ଷମ ପିଲାଙ୍କୁ ଚିହ୍ନଟ କରିଛି ସ୍ଥାନୀୟ ପ୍ରଶାସନ I ଗର୍ଭବତୀ ମହିଳା, ବୃଦ୍ଧ,ରୋଗାକ୍ରାନ୍ତ ବ୍ୟକ୍ତି ଓ ଶିଶୁ ମାନଙ୍କ ଶରୀରରେ କରୋନା ଆକ୍ରାନ୍ତ କରିବାର ସମ୍ଭାବନା ଅଧିକ ଥିବାବେଳେ ପୂର୍ବରୁ ବ୍ଲକରେ ଚି଼ହ୍ନଟ ୪୧୩ ଜଣ ଗର୍ଭବତୀ ମହିଳାଙ୍କ ନମୁନା ପରୀକ୍ଷା ଆରମ୍ଭ କରି ସମଗ୍ର ଜିଲ୍ଲାରେ ଉଦାହରଣ ସୃଷ୍ଟି କରି ବେଶ ପ୍ରଶଂସା ସାଉଁଟିଛନ୍ତି ତହସିଲଦାର I

ପରବର୍ତ୍ତୀ ସମୟରେ ଭିନ୍ନକ୍ଷମ ଶିଶୁମାନଙ୍କ ଦେହରେ ଯେପରି କରୋନା ଭୁତାଣୁ ପ୍ରବେଶ କରିପାରିବ ନାହିଁ, ତାହାକୁ ଦୃଷ୍ଟିରେ ରଖି ଶିଶୁମାନଙ୍କ ସୁରକ୍ଷା ଦୃଷ୍ଟିରୁ ଜିଲ୍ଲାର ପ୍ରଥମ ବ୍ଲକ ଭାବରେ କୁକୁଡାଖଣ୍ଡି ଅନ୍ତର୍ଗତ ନିମଖଣ୍ଡି ପଞ୍ଚାୟତ ଠାକୁର ବାବା ଆଶ୍ରମ ପରିସରରେ  କୁକୁଡାଖଣ୍ଡି ତହସିଲଦାର ଡ଼ଃ.ଇପ୍ସିତା ପ୍ରିୟଦର୍ଶିନୀ ମିଶ୍ରଙ୍କ ତତ୍ବାବଧାନତାରେ ଏକ ସଚେତନତା ଶିବିର ଅନୁଷ୍ଠିତ ହେଇଯାଇଛି I

 ଏଥିରେ ଶିଶୁ ବିଶେଷଜ୍ଞ ଡାକ୍ତର ସ୍ବାତୀ ଦାସ ଏବଂ କୋଭିଡ଼ ପାଇଁ ନିଯୁକ୍ତି ଓଏଏସ ଅଧିକାରୀ ଆକାଶ ପଟ୍ଟନାୟକ, ଜିଲ୍ଲା ସମାଜ ମଙ୍ଗଳ ଅଧିକାରୀଣି ମନୋରମା ରେଡ୍ଡି ପ୍ରମୁଖ ଉପସ୍ଥିତ ରହିଥିଲେ I  ପିଲାମାନଙ୍କ ଯତ୍ନ ନେବା ସହ ମାଆମାନେ ମଧ୍ୟ ଯତ୍ନବାନ ହୋଇ ରହିବେ ସେନେଇ ଡାକ୍ତର ଦାସ ପରାମର୍ଶ ଦେଇଥିଲେ ଏବଂ କୌଣସି ଅସୁବିଧା ହେଲେ ତୁରନ୍ତ ସ୍ଥାନୀୟ ଅଙ୍ଗନବାଡି କର୍ମୀଙ୍କ ଜରିଆରେ ହେଉ ଅବା ସିଧାସଳଖ ଆମ ଶହ ଯୋଗାଯୋଗ କରିବାକୁ କହିଥିଲେ I

ଶିଶୁମାନଙ୍କ ଠାରେ ଯଦି ସାମାନ୍ୟ ତମ କରୋନା ଲକ୍ଷଣ ଦେଖାଦିଏ ତାହାଲେ ନମୁନା ପରୀକ୍ଷା  କରାଯିବ I ଅନ୍ୟପକ୍ଷରେ ଭିନ୍ନକ୍ଷମ ଶିଶୁ କରୋନା ଆକ୍ରାନ୍ତ ହେବାର ଯଥେଷ୍ଟ ସମ୍ଭାବନା ରହିଛି, ତାହାକୁ ଆଖି ଆଗରେ ରଖି ଯେପରି ଅଭିଭାବକ ସମେତ ଶିଶୁମାନେ ସଚେତନତା କାର୍ଯ୍ୟକ୍ରମକୁ ବହୁ ସଂଖ୍ୟାରେ ଆସିବା ପାଇଁ ଆକୃଷ୍ଟ ହେବେ ସେଥିନିମନ୍ତେ ପ୍ରଶାସନ ପକ୍ଷରୁ ଏକ କରୋନା କିଟର ବ୍ୟବସ୍ଥା କରାଯାଇ ଶିଶୁମାନଙ୍କୁ ପ୍ରଦାନ କରାଯାଇଥିଲା I

 ଯେଉଁଥିରେ ସାନିଟାଇଜର ଓ ମାସ୍କ ସମେତ ପିଲାଙ୍କୁ ଆକୃଷ୍ଟ କଲା ପରି ଖାଦ୍ୟ ସାମଗ୍ରୀ ରହିଛି I  ଅନ୍ୟପକ୍ଷରେ ଶିଶୁମାନଙ୍କୁ ବାହାରକୁ ନ ବାହାରିବାକୁ ପରାମର୍ଶ ଦେବା ସହ ଲୁହ ଭରା ଆଖିରେ ହାତ ଯୋଡି ଶିଶୁମାନଙ୍କ ସଠିକ ଯତ୍ନନେବା ଏବଂ କୌଣସି ସାମାନ୍ୟ ସମସ୍ୟା ଉପୁଜିଲେ ଆମକୁ ଜଣାଇବାକୁ ନିବେଦନ କରାଇଥିଲେ ତହସିଲଦାର। ପରବର୍ତ୍ତୀ ସମୟରେ ବ୍ଲକର ପ୍ରତିଟି ପଞ୍ଚାୟତରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇ ସମସ୍ତଙ୍କୁ ସଚେତନତା କରାଯିବ ବୋଲି କହିଥିଲେ I

ଜିଲ୍ଲା ସମାଜ ମଙ୍ଗଳ ଅଧିକାରିଣୀ ମନୋରମା ରେଡି ଯୋଗଦେଇ ଆଜି ପବିତ୍ର ଜନ୍ମାଷ୍ଟମୀରେ ଶିଶୁମାନଙ୍କ ନିମନ୍ତେ ଉଦ୍ଧିଷ୍ଟ ଏହି କାର୍ଯ୍ୟକ୍ରମ ବେଶ ସଫଳତା ପାଇଛି ବହୁ ସଂଖ୍ୟାରେ ଶିଶୁମାନେ ଆମ ଗହଣରେ ଉପସ୍ଥିତ ଅଛନ୍ତି I ଏହିଭଳି ପବିତ୍ର ଦିବସରେ ଆମେ ଶପଥ ନେବା ଓ ମହାମାରୀରୁ କୋମଳ ମତି ଶିଶୁମାନଙ୍କୁ ରକ୍ଷା କରିବା ଉପରେ ପରାମର୍ଶ ଦେବା ସହ ରାଜ୍ୟରେ ପ୍ରଥମ ଥରପାଇଁ ଏହିଭଳି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା କାରଣରୁ ସମସ୍ତଙ୍କୁ ଧନ୍ୟବାଦ ଜଣାଇଥିଲେ I

   Related Posts