Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ସୁନାର ସଂସାର ଛାରଖାର : କରୋନାରେ ଆଗପଛ ହୋଇ ଚାଲିଗଲେ ପୁଅ-ବୋହୁ ଓ ମାଆ, ୧୪ ମାସର ଶିଶୁପୁତ୍ର ହୋଇଗଲା ଅନାଥ

14/06/2021 at 2:09 PM

ବଅଁରପାଳ,୧୪/୦୬: କରୋନାର କରାଳତାରେ ଛାରଖାର ହୋଇଗଲା ସୁନାର ସଂସାର । ଅନାଥ ହୋଇଗଲା ୧୪ ମାସର ଶିଶୁପୁତ୍ର । ମାତ୍ର ୬ ଦିନ ଭିତରେ ଡକାଡ଼କି ହୋଇ ଚାଲିଗଲେ ବାପା, ମା ଓ ଜେଜେମା । ନାଲ୍‌କୋ ଟାଉନ୍‌ସିପ୍‌ରେ ଏ ଘଟଣା କର୍ମଚାରୀ, ପଡ଼ୋଶୀ, ବନ୍ଧୁବାନ୍ଧବଙ୍କୁ ନିର୍ବାକ୍‌ କରଦେଇଛି। ଏଥିସହିତ ସମଗ୍ର ଇଲାକାରେ କରୋନାର ଆତଙ୍କ ଖେଳିଯାଇଛି ।

ପ୍ରକାଶ ଯେ, ତାଳଚେର ରଙ୍କାସିଂହା ଗ୍ରାମର ମଳୟ ବସନ୍ତ ଦେହୁରୀ (୪୨) ନାଲ୍‌କୋ ସ୍ମେଲଟର୍‌ ପ୍ଲାଣ୍ଟ୍‌ରେ ଟେକନିସିଆନ୍‌ ଭାବରେ କାର୍ଯ୍ୟ କରୁଥିଲେ । ନାଲ୍‌କୋ ଟାଉନପିସ୍‌ରେ କ୍ୱାର୍ଟର୍ସରେ ରହୁଥିଲେ । ନିକଟସ୍ଥ କୁକୁଡ଼ାଙ୍ଗ ଗ୍ରାମରେ ଘର ମଧ୍ୟ ତୋଳିଥିଲେ । ପରିବାର କହିଲେ ପତ୍ନୀ, ମା’ ଓ ୧୪ ମାସର ଶିଶୁପୁତ୍ର । ହସଖୁସିରେ ସଂସାର ଚାଲିଥିବା ବେଳେ ପରିବାର ମଧ୍ୟକୁ ଧସେଇ ପଶିଆସିଥିଲା ଅଦୃଶ୍ୟ ଭୂତାଣୁ । ମଳୟଙ୍କ ପତ୍ନୀ ପ୍ରଥମେ କରୋନାସଂକ୍ରମିତ ଚିହ୍ନଟ ହୋଇଥିଲେ । ପରେ ପରେ ତାଙ୍କର ମା’ ଓ ଶେଷରେ ମଳୟ ମଧ୍ୟ କରୋନା ଆଁ’ରେ ପଡ଼ିଗଲେ ।

ଭୁବନେଶ୍ୱରର ଏକ ଘରୋଇ ହସ୍ପିଟାଲ୍‌ରେ ତିନିହେଁ ଭର୍ତ୍ତି ହୋଇଥିଲେ । ସେମାନଙ୍କର ଚିକିତ୍ସା ଚାଲିଥିବା ବେଳେ ଗତ ୮ ତାରିଖରେ ମଳୟଙ୍କ ପତ୍ନୀଙ୍କର ପରଲୋକ ଘଟିଥିଲା । ମା’ର ମୃତ୍ୟୁ ପରେ ଏକମାତ୍ର କଅଁଳ ଶିଶୁର ଲାଳନପାଳନ ନେଇ ପରିବାର, ସମ୍ପର୍କୀୟ ଚିନ୍ତାରେ ପଡ଼ିଥିବା ବେଳେ ସତେ ଅବା ପରିବାର ଉପରେ ଦୁଃଖର ପାହାଡ଼ ପଡ଼ିଥିଲା । ଆଜି ସକାଳେ ମଳୟଙ୍କ ମା’ ଓ ସନ୍ଧ୍ୟାରେ ମଳୟ କରୋନା ଲଢ଼େଇରେ ପରାସ୍ତ ହୋଇ ଆଖି ବୁଜିଥିଲେ । ଏହି ଘଟଣାରେ ନାଲ୍‌କୋ କର୍ମଚାରୀ, ଶ୍ରମିକ ମହଲରୁ ଗଭୀର ଶୋକ ପ୍ରକାଶ ପାଇଛି । ମାତ୍ର ୬ ଦିନର ବ୍ୟବଧାନରେ ଏକ ପରିବାରର ୩ ଜଣଙ୍କର ଅକାଳ ବିୟୋଗ ସେମାନଙ୍କୁ ହତବାକ୍‌ କରିଦେଇଛି ।

   Related Posts