Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରିପଦା : ଦିନ ଦ୍ବିପ୍ରହରରେ ଲୁଟ୍, ମହିଳାଙ୍କ ବେକରୁ ସୁନା ଚେନ୍ ଝାମ୍ପିନେଲେ ଦୁର୍ବୃତ୍ତ
  • ||
  • ବାରିପଦା : ୪୦ ଲକ୍ଷ ଟଙ୍କାର ଧଳା ଜହର ଜବତ, ଜଣେ ଗିରଫ
  • ||
  • ଖୋର୍ଦ୍ଧା : ଅଟୋ ଓ କାର୍ ମୁହାଁମୁହିଁ ଧକ୍କା, ୮ ଆହତ
  • ||
  • ଝାରସୁଗୁଡା : ଜାଲ୍ ନୋଟ୍ କାରବାରର ପର୍ଦ୍ଦାଫାଶ, ୫୭ହଜାର ଟଙ୍କାର ନକଲି ନୋଟ୍ ଜବତ, ରେଳବାଇ କର୍ମଚାରୀ ଗିରଫ
  • ||
  • ପୁରୀ : ମହାପ୍ରଭୁଙ୍କ ଦର୍ଶନ ପାଇଁ ବ୍ୟାରିକେଡ଼ରେ କରିଥିଲେ ଅପେକ୍ଷା, ହଠାତ୍ ଅସୁସ୍ଥ ହୋଇପଡିଲେ ଭକ୍ତ
  • ||
  • ଅନୁଗୋଳ : ଅନନ୍ତ କୋଇଲା ଖଣିରେ ଅଘଟଣ, କୋଇଲା ଲୋଡିଂ ବେଳେ ପୋତିହୋଇଗଲେ ଜଣେ
  • ||
  • ବ୍ରହ୍ମପୁର : ଭିଜିଲାନ୍ସ ପଞ୍ଝାରେ ଆରଆଇ, ଜମି ନିର୍ଦ୍ଧାରଣ ପାଇଁ ୫ ହଜାର ଟଙ୍କା ନେବାବେଳେ ଧରାପଡିଲେ
  • ||
  • ଭୁବନେଶ୍ବର : ଦିନରେ ରଙ୍ଗମିସ୍ତ୍ରୀ, ରାତିରେ ଚୋରୀ, ୫ ବର୍ଷ ଧରି ଖୋଜୁଥିଲା ପୋଲିସ, ଶେଷରେ ଧରାପଡିଲା
  • ||
  • କଟକ : ରମଜାନ ପାଇଁ ସିଏମସିର ଗାଇଡ୍‌ଲାଇନ୍, ନମାଜ ପାଠ ପାଇଁ ୧୦୦ ଲୋକଙ୍କୁ ଅନୁମତି
  • ||
  • ଜଳେଶ୍ବର : ନଦୀ ପଠାରୁ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ ଠାବ, ସ୍ବାମୀ ହତ୍ୟା କରିଥିବା ଅଭିଯୋଗ ଆଣିଲେ ବାପଘର
  • ||

ଗଣେଶ ମନ୍ଦିରକୁ ଜବର ଦଖଲ କରି କୋଟି କୋଟି ଟଙ୍କା ଭଡା ଆଦାୟ, ଏକ ନମ୍ବର ହାଟ ବ୍ୟବସାୟୀ ସଂଘର ସଭାପତିଙ୍କ ନାମରେ ମାମଲା ରୁଜୁ କଲା ବିଏମ୍‌ସି

4/11/2019 at 6:01 PM

ଭୁବନେଶ୍ୱର  ୦୪ ।୧୧ – ରାଜଧାନୀରେ ଏକ ନମ୍ବର ହାଟରେ ଥିବା ଗଣେଶ ମନ୍ଦିରରୁ ଜବରଦଖଲ ଉଚ୍ଛେଦ କରିବ ବିଏମସି । ଏକ ନମ୍ବର ହାଟ ବ୍ୟବସାୟୀ ସଂଘର ସଭାପତି ଗୟାଧର ସ୍ବାଇଁ ଏହାକୁ ନିଜ କବ୍‌ଜାରେ ରଖିବା ସହ ଭଡ଼ା ଲଗାଇ କୋଟି କୋଟି ଟଙ୍କା ଆତ୍ମସାତ୍‌ କରିଥିବା ଅଭିଯୋଗ ହୋଇଥିଲା । ତେବେ ଗୟାଧରଙ୍କ ନାଁରେ କ୍ୟାପିଟାଲ ଥାନାରେ ଏତଲା ଦେବା ସହ ତାଙ୍କ ବିରୋଧରେ ଖୁବ୍‌ ଶୀଘ୍ର କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ବିଏମସି କମିଶନର । ….

ସରକାରୀ ଯାଗାକୁ ଜବରଦଖଲ କରି ନିଜ ମନମାନି ଚଳାଇଥିବା ଏକ ନମ୍ବର ହାଟ ବ୍ୟବସାୟୀ ସଂଘର ସଭାପତି ଗୟାଧର ସ୍ବାଇଁଙ୍କ ବିରୋଧରେ ଥାନାରେ ମାମଲା । ରାଜଧାନୀରେ ଏକ ନମ୍ବର ହାଟରେ ଥିବା ଗଣେଶ ମନ୍ଦିରକୁ ନିଜ କବ୍‌ଜାକୁ ନେଇ ବିଏମସି ତାଲା ପକାଇଥିବା ବେଳେ ତାଲା ଭାଙ୍ଗିବା ଅଭିଯୋଗରେ ଗୟାଧରଙ୍କ ନାଁରେ କ୍ୟାପିଟାଲ ଥାନାରେ ଏତଲା ଦେଇଛି ବିଏମସି । ଖୁବ୍‌ ଶୀଘ୍ର ଏଠାରୁ ଜବରଦଖଲ ଉଚ୍ଛେଦ ସହ ଗୟାଧରଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇ ସ୍ପଷ୍ଟ କରିଛନ୍ତି ବିଏମସି କମିଶନର ପ୍ରେମଚନ୍ଦ ଚୌଧୁରୀ ।

ଏକ ନମ୍ବର ହାଟରେ ଥିବା ଗଣେଶ ମନ୍ଦିର ଘରକୁ ଭଡ଼ାରେ ଲଗାଇ ଗୟାଧର କୋଟି କୋଟି ଟଙ୍କା ଆତ୍ମସାତ୍‌ କରୁଥିବା ଅଭିଯୋଗ ହୋଇଥିଲା । ଦୀର୍ଘ ବର୍ଷ ଧରି ଗୟାଧର ଏହି କାରନାମା ଚଳାଇଥିବା ବେଳେ ଏବେ ତାଙ୍କ ବିରୋଧରେ ଆକ୍ସନ ପାଇଁ  ଅଣ୍ଟା ଭିଡିଛି ବିଏମସି । ରାଜଧାନୀ କଞ୍ଚା ପନିପରିବା ମହାସଂଘ ମଧ୍ୟ ଗୟାଧରଙ୍କ ମନମାନି ବିରୋଧରେ ବିଏମସି କମିଶନରଙ୍କ ନିକଟରେ ଫେରାଦ୍‌ ହୋଇଥିଲା ।

ଦୀର୍ଘ ବର୍ଷ ଧରି ୧ନମ୍ବର ହାଟରେ ନିଜର ମନମାନି ଚଳାଇଥିଲେ ଗୟାଧର ସ୍ବାଇଁ । ଏମିତିକି ହାଟରେ ପିଣ୍ଡି ବଣ୍ଟନରେ ଅନିୟମିତତା, ଏବଂ ପିଣ୍ଡିକୁ ନେଇ ବ୍ୟବସାୟ କରିବା ଭଳି ସଂଗୀନ୍‌ ଅଭିଯୋଗ ମଧ୍ୟ ଗୟାଧରଙ୍କ ବିରୋଧରେ ଆସିଥିଲା । ତେବେ ଏସବୁ ଅନିୟମିତତାର ଚେର ଏବେ  ଖୋଳିପାରେ ବିଏମସି । 

   Related Posts