ସାତକୋଶିଆ;୨୧/୧୦-ସାତକୋଶିଆରେ ପ୍ରବଳ ଉତ୍ତେଜନା । ପୋଲିସ- ସାଧାରଣ ଲୋକେ ମୁହାଁମୁହିଁ । ଏକ ପ୍ରକାର ଖଣ୍ଡଯୁଦ୍ଧ ପରିସ୍ଥିତି ସୃଷ୍ଟି ହୋଇଛି । ପୋଲିସ କର୍ମୀଙ୍କ ସମେତ ସାଧାରଣ ଲୋକେ ଆହାତ ହୋଇଛନ୍ତି । ୩ଟି ପୋଲିସ ଜିପ୍ ପୋଡିଦେଲେ ସାଧାରଣ ଲୋକେ । ରାସ୍ତାର ଉଭୟ ପାର୍ଶ୍ବରେ ଗାଡି ମଟର ଅଟକି ରହିଥିଲା । ପୋଲିସ ମାଡରେ ଅନେକ ଲୋକ ଆହତ ହୋଇଥିବା ଅଭିଯୋଗ ହୋଇଛି । ସାଧାରଣ ଲୋକଙ୍କ ପଥର ମାଡରେ ମଧ୍ୟ ପୋଲିସ କର୍ମଚାରୀ ଆହତ ହୋଇଛନ୍ତି । ପରିସ୍ଥିତି ନିୟନ୍ତ୍ରଣ ରଖିବାକୁ ପୋଲିସ ପକ୍ଷରୁ ଲୁହବୁଆ ଗ୍ୟାସ ଓ ଲାଠିଚାର୍ଜ ପ୍ରୟୋଗ କରାଯାଇଛି । ସ୍ଥିତି ନିୟନ୍ତ୍ରଣ ଆଣିବାକୁ ପୋଲିସ ପକ୍ଷରୁ ଅଧିକ ପୋଲିସ ଫୋର୍ସ ମୁତୟନ ହୋଇଛନ୍ତି ।
ସୂଚନାଯୋଗ୍ୟଯେ ଆଜି ରକ୍ତ ମୁଖା ହୋଇ ପଡିଥିଲା ବାଘୁଣୀ ସୁନ୍ଦରୀ । ସାତକୋଶିଆରେ ଆତଙ୍କ ଖେଳାଇ ଚାଲିଛି ବାଘୁଣୀ । ଅନୁଗୁଳ ଟାଇଁସିରେ ଜଣେ ଲୋକଙ୍କୁ ମାରିଥିବା ବେଳେ ଖବର ସଂଗ୍ରହ ପାଇଁ ଯାଇଥିବା ବେଳେ ଜଣେ ବୈଦ୍ୟୁତିକ ଗଣମାଧ୍ୟମର ପ୍ରତିନିଧୀଙ୍କୁ ବାଘୁଣୀ ସୁନ୍ଦରୀ ଆକ୍ରମଣ କରି ଲହୁଲୁହାଣ କରିପକାଇଛି । ଗୁରୁତର ଅବସ୍ଥାରେ ସମ୍ବାଦିକଙ୍କୁ ମେଡିକାଲରେ ଭର୍ତ୍ତି କରାଯାଇଛି । ସେପଟେ ସୁନ୍ଦରୀ ଆକ୍ରମଣରେ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ନାଁ ତ୍ରିନାଥ ସାହୁ । ସେ ମାଛ ମାରୁଥିବା ବେଳେ ସୁନ୍ଦରୀ ଆକ୍ରମଣର ଶିକାର ହୋଇଛନ୍ତି ।