Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୨୪୫୨ ଆକ୍ରାନ୍ତ, କିନ୍ତୁ ସଂକ୍ରମଣ ବୃଦ୍ଧିରେ ଲାଗୁନି ରୋକ୍‌
  • ||
  • କମ୍ବିଂ ବେଳେ ଏସ୍‌ଓଜି ଯବାନ-ମାଓବାଦୀ ମୁହାଁମୁହିଁ, ଗୁଳି ବିନିମୟରେ ମାଓବାଦୀ ମୃତ !
  • ||
  • ସାଲେପୁର : ଡାକ ଘରେ ଚାଲିଥିଲା ଭୋଜି ଭାତର ଆୟୋଜନ, ୩ ହଜାର ଟଙ୍କା ତଣ୍ଡ ଗଣିଲେ କର୍ମଚାରୀ
  • ||
  • ନୀଳଗିରି : ପୋଖରୀରେ ଗାଧୋଇବା ବେଳେ ଖସିଗଲା ଗୋଡ, ଚାଲିଗଲା ନାବାଳିକାଙ୍କ ଜୀବନ
  • ||
  • ସାନଖେମୁଣ୍ଡି : ବେଆଇନ ମଦ ବିକ୍ରିକୁ ନେଇ ଜନ ଅସନ୍ତୋଷ, ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ
  • ||
  • କର୍ଲାମୁଣ୍ଡା : ୨ ହଜାର ଟଙ୍କା ଲାଞ୍ଚ ନେବା ବେଳେ ଧରାପଡିଲେ ରାଜସ୍ବ ନିରୀକ୍ଷକ
  • ||
  • ଆନନ୍ଦପୁର : ଯୁକ୍ତ ୨ ପରୀକ୍ଷା ବାତିଲ ଦାବିରେ ୨ଟି ମହାବିଦ୍ୟାଳୟ ଛାତ୍ରଙ୍କ ରାସ୍ତାରୋକ
  • ||
  • ଭୁବନେଶ୍ବର : ଦୈନିକ ଲକ୍ଷେ ଟେଷ୍ଟ କରନ୍ତୁ ରାଜ୍ୟ ସରକାର – ବିଜୟ ମହାପାତ୍ର
  • ||
  • ଭୁବନେଶ୍ବର : ଓଡିଶାର ଚିହ୍ନଟ ହୋଇନି କରୋନାର ଟ୍ରିପଲ ମ୍ୟୁଣ୍ଟାଣ୍ଟ – ସ୍ବାସ୍ଥ୍ୟ ଓ ପରିବାର କଲ୍ୟାଣ ନିର୍ଦ୍ଦେଶକ
  • ||
  • ଖୋର୍ଦ୍ଧା : ଅନଲାଇନ୍‌ରେ ପରୀକ୍ଷା ଅଥବା ବାତିଲ୍ ଦାବିରେ ଯୁକ୍ତ ୨ ଛାତ୍ରଛାତ୍ରୀଙ୍କ ବିକ୍ଷୋଭ
  • ||

ଖାଉଟିଙ୍କ ଉପରେ ମହଙ୍ଗା ମାଡ: ବଢ଼ିଲା ପିଆଜ, ରୋଷେଇ ତେଲ, ଡାଲି, ଦର, ଜୁଲାଇ ଯାଏଁ ରହିବ

27/02/2021 at 11:47 AM

ନୂଆଦିଲ୍ଲୀ ୨୭/୦୨ : ପେଟ୍ରୋଲ-ଡିଜେଲ ଦର ଲଗାତାର ବୃଦ୍ଧି ପାଇବା ପରେ ରୋଷେଇ ସାମଗ୍ରୀ ମହଙ୍ଗା ହୋଇଛି ଯେଉଁଥିପାଇଁ ସାଧାରଣ ଖାଉଟିଙ୍କ ଅଣ୍ଟା ଭାଙ୍ଗି ପଡ଼ିଲାଣି। ଚଳିତ ମାସରେ ପିଆଜ, ଡାଲି, ଖାଇବା ତେଲ, ମସଲା ଆଦି ସାମଗ୍ରୀର ଦାମ ବୃଦ୍ଧି ପାଇଛି। ପିଆଜ ଦର ଜାନୁଆରୀ ତୁଳନାରେ ୨୫ ରୁ ୩୦ ପ୍ରତିଶତ ଅଧିକ ରହିଛି। ମଶୁରି ଡାଲି ଓ ବିରି ଡାଲି ଦାମ ଜାନୁଆରୀ ତୁଳନାରେ ୧୦ ପ୍ରତିଶତ ବୃଦ୍ଧି ପାଇଛି। ହରଡ ଡାଲି ୨୦ ପ୍ରତିଶତ ବୃଦ୍ଧି ପାଇଛି। ରୋଷେଇ ତେଲ ୩୦ ରୁ ୬୦ ପ୍ରତିଶତ ବୃଦ୍ଧି ପାଇଛି।

ମାସେ ହେଲାଣି ପିଆଜ ଦର ଲଗାତାର ବୃଦ୍ଧି ପାଉଛି। ଖୁଚୁରା ବଜାରରେ ପିଆଜ ଦର କିଲୋ ପ୍ରତି ୬୦ ଟଙ୍କା ରହିଛି। ଗାଜିପୁର ମଣ୍ଡିରେ ପିଆଜ ଦର କିଲୋ ପ୍ରତି ୨୦ ରୁ ୪୦ ଟଙ୍କା ଅଛି।

ମସଲା ଦର ମଧ୍ୟ ବୃଦ୍ଧି ପାଇଛି। ଜାନୁଆରୀରୁ ଏବେ ସୁଦ୍ଧା ଧନିଆ ଦର ପାଖାପାଖି ୨୫ ପ୍ରତିଶତ ବୃଦ୍ଧି ପାଇଛି। ସୋୟାବିନ ଦର ରେକର୍ଡ ସ୍ଥରରେ ପହଞ୍ଚିଛି। ଚୀନର ଚାହିଦା ଯୋଗୁଁ CBOT ସୋୟାବିନ ଦର ବୃଦ୍ଧି ପାଇଛି। ସୋରିଷ ଉତ୍ପାଦନ ରେକର୍ଡ ସ୍ଥରରେ ରହିବା ନେଇ ଅନୁମାନ କରାଯାଉଛି।

ପେଟ୍ରୋଲ-ଡିଜେଲ ଦର ବୃଦ୍ଧିର ପ୍ରଭାବ ସିଧାସଳଖ ବଜାର ଉପରେ ପଡିଛି। ଡିଜେଲ ଦର ବୃଦ୍ଧି ପାଇବାରୁ ଟ୍ରାନ୍ସପୋର୍ଟ ଶୁଳ୍କ ବୃଦ୍ଧି ପାଇଛି ଯେଉଁଥିପାଇଁ ଟ୍ରାନ୍ସପୋର୍ଟର ଭଡା ବଢ଼ାଇବାକୁ ବିଚାର କରୁଛନ୍ତି। ଟ୍ରାନ୍ସପୋର୍ଟରଙ୍କ କହିବାନୁଯାୟୀ ୧୫ ପ୍ରତିଶତ ବୃଦ୍ଧି କରିବା ଜରୁରୀ। ଯାହାଫଳରେ ତାର ପ୍ରଭାବ ସିଧା ବଜାର ଉପରେ ପଡୁଛି ଏବଂ ଖାଉଟି ହନ୍ତସନ୍ତ ହେଉଛନ୍ତି।

ବିଶେଷଜ୍ଞଙ୍କ କହିବାନୁଯାୟୀ, ଅତ୍ୟଧିକ ବର୍ଷା ଯୋଗୁଁ ଫସଲ ନଷ୍ଟ ହେବା କାରଣରୁ ପିଆଜ ଓ ଡାଲି ଦର ବୃଦ୍ଧି ପାଇଛି। କିନ୍ତୁ ଆନ୍ତର୍ଜାତୀୟ ଯୋଗାଣ ଅଭାବ ଯୋଗୁଁ ତୈଳ ଦର ବୃଦ୍ଧି ପାଇଛି। ପିଆଜ ଦର ଆହୁରି ମାସେ ଯାଏଁ ଏତିକି ରହିବ ଏବଂ ମାସେ ପରେ କମିପାରେ ବୋଲି ବିଶେଷଜ୍ଞ କହିଛନ୍ତି। ଅପରପକ୍ଷରେ ତୈଳ ଦର ଜୁନ-ଜୁଲାଇ ଆଡକୁ କମିପାରେ ବୋଲି ବିଶେଷଜ୍ଞ ଅନୁମାନ କରିଛନ୍ତି।

   Related Posts