ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ‘କାଶ୍ମୀର ପଣ୍ଡିତଙ୍କ ହତ୍ୟାକାରୀକୁ କ୍ଷମା ନାହିଁ’ – ଉପ ରାଜ୍ୟପାଳ
  • ||
  • ଦେଶରେ ବଢୁଛି ସଂକ୍ରମଣ : ୨୪ ଘଣ୍ଟାରେ ବାହାରିଲେ ୨୨୦୨ କରୋନା ପଜିଟିଭ୍
  • ||
  • ସନ୍ଧ୍ୟାରେ ପଞ୍ଜାବ ବନାମ ଦିଲ୍ଲୀ, ‘କର ବା ମର’ ସ୍ଥିତିରେ ଉଭୟ ଟିମ୍
  • ||
  • ରାଜ୍ୟରେ ଖସୁଛି କରୋନା, ୨୪ ଘଣ୍ଟାରେ ବାହାରିଲେ ୭ ପଜିଟିଭ୍
  • ||
  • ଚଣ୍ଡୀଖୋଲ: ଟ୍ରକକୁ ଧକ୍କା ଦେଲା ଟ୍ରକ୍: ଗାଡି ଆଗକୁ ଛିଟିକି ପଡିଲେ ଡ୍ରାଇଭର, ଚାଲିଗଲା ଜୀବନ
  • ||
  • କମିବ ଖରା, ବଢିବ ଗୁଳୁଗୁଳି : ଭିଜାଇବ କାଳବୈଶାଖି ବର୍ଷା
  • ||

କୁଳାଧିପତିଙ୍କୁ ନଡାକି ଏସ୍‌ସିବି ମେଡିକାଲ କଲେଜର ସମାବର୍ତ୍ତନ ଉତ୍ସବ ଆୟୋଜନକୁ ନେଇ ଦାନା ବାନ୍ଧୁଛି ଅସନ୍ତୋଷ

26/09/2018 at 5:08 PM

କଟକ ୨୬|୯: କଟକ ଏସ୍‌ସିବି ମେଡିକାଲ କଲେଜର ସମାବର୍ତ୍ତନ ଉତ୍ସବକୁ ନେଇ ଦାନା ବାନ୍ଧୁଛି ଅସନ୍ତୋଷ । କୁଳାଧିପତି ତଥା ରାଜ୍ୟପାଳଙ୍କ ବିନା କିଭଳି ସମାବର୍ତ୍ତନ ଉତ୍ସବ କରାଗଲା ତଥା ସାମ୍ବିଧାନିକ ପଦ ମର୍ଯ୍ୟାଦାକୁ ଏସ୍‌ସିବି କର୍ତ୍ତୃପକ୍ଷ କିଭଳି ଅବମାନନା କଲେ, ତାକୁ ନେଇ ବିଭିନ୍ନ ମହଲରେ ଉଠିଛି ପ୍ରଶ୍ନ ।
ଏସ୍‌ସିବି ମେଡିକାଲ କଲେଜରେ ଆୟୋଜିତ ହେଲା ସମାବର୍ତ୍ତନ ଉତ୍ସବ । ଛାତ୍ରଛାତ୍ରୀଙ୍କୁ ଡିଗ୍ରୀ ସହ ବିଭିନ୍ନ ସମ୍ମାନ ପ୍ରଦାନ କରାଗଲା । ହେଲେ ସବୁ କିଛି ହେଲା କୁଳାଧିପତି ତଥା ରାଜ୍ୟପାଳଙ୍କ ବିନା ଉପସ୍ଥିତିରେ । ଏମିତିକି ସ୍ବାସ୍ଥ୍ୟମନ୍ତ୍ରୀ କିମ୍ବା ବିଭାଗର କୋଣସି ଉଚ୍ଚ ପଦସ୍ତ ଅଧିକାରୀଙ୍କୁ ବି ଡକା ଯାଇନଥିଲା । ଯାହାକୁ ନେଇ ବିଭିନ୍ନ ମହଲରେ ଉଠିଛି ଅସନ୍ତୋଷର ସ୍ବର । ପରମ୍ପରା ଭଙ୍ଗ କରିବା ସହ ସାମ୍ବିଧାନିକ ବିଧି ବ୍ୟବସ୍ଥାକୁ ଏସସିବି କର୍ତ୍ତୃପକ୍ଷ ଜାଣିଶୁଣି ଅଣଦେଖା କରୁଥିବା ଅଭିଯୋଗ ହୋଇଛି । କେହି କେହି କହୁଛନ୍ତି ଏସ୍‌ସିବି ମେଡିକାଲରେ ଚାଲିଥିବା ବିଭିନ୍ନ ବେଆଇନ୍ କାର୍ଯ୍ୟ ଉପରେ ପରଦା ପକାଇବାକୁ ଏଭଳି ଉଦ୍ୟମ କରାଯାଇଛି । ଏହି ଘଟଣା ଉପରେ ରାଜ୍ୟ ସରକାର ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବିଭିନ୍ନ ମହଲରୁ ଦାବି ହୋଇଛି ।
ପରମ୍ପରା ବିହୀନ ତଥା କୁଳାଧିପତିଙ୍କ ମର୍ଯ୍ୟାଦା ହାନୀ ହେବା ଭଳି ପଦକ୍ଷେପକୁ ନେଇ ଗଣମାଧ୍ୟମରେ ଜୋରଦାର ଚର୍ଚ୍ଚା ହେଲା । ବିଧାନସଭାରେ ବି ଏହି ପ୍ରସଙ୍ଗ ଉଠାଇଥିଲା କଂଗ୍ରେସ । ଏମିତିକି ସ୍ବାସ୍ଥ୍ୟ ବିଭାଗର ଅଗୋଚରରେ ଏଭଳି କନଭୋକେସନ କରାଯାଇଥିବା ମଧ୍ୟ ଆଲୋଚନା ହେଉଛି । ଏଭଳି ଏକ ସ୍ପର୍ଶକାତର ପ୍ରସଙ୍ଗରେ ଏସସିବି ମେଡିକାଲର କୌଣସି ଅଧିକାରୀ ମୁହଁ ଖୋଲିବାକୁ ନାରାଜ ।

   Related Posts