ଭୁବନେଶ୍ବର୧୯|୨: କାହା ସ୍ବାର୍ଥରେ ନବ ନିର୍ମାଣ କୃଷକ ସଙ୍ଗଠନର ୨୧ ତାରିଖରେ ଓଡ଼ିଶା ବନ୍ଦ ଡକରା । ମାଟ୍ରିକ ପରୀକ୍ଷା ୨୨ ତାରିଖରେ ଥିବା ଜାଣିବା ପରେ ବି ଅନ୍ଦୋଳନ ନଓହରିବା ପଛରେ କଣ ସ୍ବାର୍ଥ ରହିଛି। ଦାବି ନାଁରେ ନବ ନିର୍ମାଣ କୃଷକ ସଙ୍ଗଠନ ହାଜାର ହଜାର ପିଲାଙ୍କ ଭିବଷ୍ୟତକୁ ଅନ୍ଧରାକୁ ଠେଲିବାକୁ ଯାଉଛି କି ? ବନ୍ଦକୁ ବିରୋଧୀ କଂଗ୍ରେସ ଓ ବିଜେପି ପୂର୍ଣ୍ଣ ସମର୍ଥନ ଦେଉଛନ୍ତି। ଏଭଳି ଆନ୍ଦୋଳନକୁ ନେଇ ବିଜେଡି ପ୍ରଶ୍ନ ଉଠାଇଛି…
{"id":86891,"width":594,"height":430}
ସରକାରଙ୍କ ଅନୁରୋଧକୁ ବେଖାତିର। ବାଜିରେ ଲାଗିଲା ହଜାର ହଜାର ମାଟ୍ରିକ୍ ପରୀକ୍ଷାର୍ଥୀଙ୍କ ଭବିଷ୍ୟତ । କାହା ସ୍ବାର୍ଥରେ ବନ୍ଦ ଡାକରା ଦେଇଛି ନବ ନିର୍ମାଣ କୃଷକ ସଙ୍ଗଠନ । କୃଷକଙ୍କ ମଙ୍ଗଳ ପାଇଁ ନା ପିଲାଙ୍କ ଭବିଷ୍ୟତ ବିଗାଡିବା ପାଇଁ । ଏନେଇ ଏବେ ସବୁ ମହଲରେ ପ୍ରଶ୍ନ ଉଠିଲାଣି । କାରଣ ୨୨ ତାରିଖରୁ ମଟ୍ରିକ ପରୀକ୍ଷା ନେଇ ବହୁ ପୂର୍ବରୁ ସମୟ ନିର୍ଘଣ୍ଟ ସରିଛି।
{"id":86892,"width":594,"height":334}
ହେଲେ ନବ ନିର୍ମାଣ କୃଷକ ସଙ୍ଗଠନ ମାଟ୍ରିକ ପରୀକ୍ଷାର ଠିକ୍ ପୂର୍ବ ଦିନ ଅର୍ଥାତ ୨୧ ତାରିଖରେ ବନ୍ଦ ଡକରା ଦେଇଛି। ସେହିଦିନ ମାଟ୍ରିକ୍ ପରୀକ୍ଷା ପ୍ରଶ୍ନପତ୍ର, ଉତ୍ତରଖାତା ଆଦି ହବ୍ରେ ପହଞ୍ଚିବାର ଅଛି । ଯେଉଁଥିରେ ବାଧା ଉପୁଯିବା ନିଶ୍ଚିତ । ଛାତ୍ରଛାତ୍ରୀଙ୍କ ଭବିଷ୍ୟତ କଥା ଚିନ୍ତା ନକରି ଏପରି ବନ୍ଦ ଡାକରାକୁ ନେଇ ନାନା ପ୍ରଶ୍ନ ବାଚୀ ସୃଷ୍ଟି ହୋଇଛି ।
{"id":86893,"width":595,"height":394}
ନବ ନିର୍ମାଣ କୃଷକ ସଙ୍ଗଠନର ବନ୍ଦ ଡାକରାକୁ ଦାୟୀତ୍ବ ସଂପନ୍ନ ବିରୋଧୀ ଦଳ କୁହାଯାଉଥିବା କଂଗ୍ରେସ ଓ ବିଜେପି ସମର୍ଥନ ଦେଉଛି । ନବ ନିର୍ମାଣ କୃଷକ ସଙ୍ଗଠନ ନିଜ ଜିଦରେ ଅଟଳ ଥିବାବେଳେ ସରକାର ବି ଆଲୋଚନା ପାଇଁ ଏଯାବତ ଡାକି ନାହାନ୍ତି । କେବଳ ଆନ୍ଦୋଳନରୁ ଓହରିବାକୁ ଅନୁରୋଧ କରି ବସିପଡିଛନ୍ତି । ଚାଷୀଙ୍କ ବିକାଶ ପାଇଁ କାଳିଆ ଯୋଜନା କରାଯାଇଛି। ଯାହା ସାରା ଦେଶରେ ଉଦହରଣ ପାଲଟିଛି । ବିରୋଧୀଙ୍କ ପାଖରେ କିଛି ପ୍ରସଙ୍ଗ ନଥିବାରୁ ଏହାକୁ ପ୍ରସଙ୍ଗ କରି ଏସମୟରେ ବନ୍ଦକୁ ସମର୍ଥନ ଦେବା ଠିକ ନୂହଁ ବୋଲି କହିଛନ୍ତି ଅର୍ଥ ମନ୍ତ୍ରୀ ଶଶୀଭୂଷଣ ବେହେରା।
{"id":86894,"width":601,"height":338}
ମାଟ୍ରିକ ପରୀକ୍ଷା ପୂର୍ବଦିନ ସମସ୍ତ ପ୍ରସ୍ତୁତି ଚୂଡାନ୍ତ ହୋଇଥାଏ। ପ୍ରଶ୍ନ ପତ୍ରଠାରୁ ଆରମ୍ଭ କରି ଉତ୍ତର ଖାତା ପର୍ଯ୍ୟନ୍ତ । ତେଣୁ ଏହି ସମୟରେ ବନ୍ଦ ଡକାରା ପିଲାଙ୍କ ଉପରେ ମାନସିକ ପ୍ରଭାବ ପଡିବା ସହିତ ମାଟ୍ରିକ ପରୀକ୍ଷା ପ୍ରସ୍ତୁତିରେ ବିଭ୍ରାଟ ଘଟିବ । ତେଣୁ ବନ୍ଦ ଡାକରା ଦେଇଥିବା ସଂଗଠନ ଏହା ଉପରେ ପୁଣି ଥରେ ଚିନ୍ତା କରିବାର ଆବଶ୍ୟକତା ରହିଛି ।
{"id":86895,"width":593,"height":411}
