ମୁମ୍ବାଇ, ୧୭|୦୮: ଜାହ୍ନବୀ କପୁରଙ୍କ ଗୁଞ୍ଜନ ସକସେନା ଦି କାର୍ଗିଲ ଗାର୍ଲ ଚଳଚ୍ଚିତ୍ରକୁ ନେଇ ବିବାଦ ଥମିବାର ନାଁ ନେଉଁନାହିଁ । ଏୟାରଫୋର୍ସର ଜଣେ ଲେଡି ପାଇଲଟଙ୍କ ଉପରେ ଏହି ଫିଲ୍ମ ନିର୍ମାଣ କରାଯାଇଛି । ଲିଙ୍ଗଗତ ବିଭେଦ ପ୍ରସଙ୍ଗରେ ଏୟାର ଫୋର୍ସ ଏହି ଚଳଚ୍ଚିତ୍ର ଉପରେ ଆପତ୍ତି ପ୍ରକାଶ କରିଛି । ତେବେ ଅବସର ନେଇଥିବା ଓ୍ୱିଙ୍ଗ୍ କମାଣ୍ଡର ନମ୍ରିତା ଚଣ୍ଡି ମଧ୍ୟ ଏହା ଉପରେ ପ୍ରତିକ୍ରିୟା ରଖିଛନ୍ତି ।
ନମ୍ରିତା କହିଛନ୍ତି ଯେ, ସେ ହେଲିକପ୍ଟର ପାଇଲଟ ଭବେ ଦେଶର ସେବା କରିଛନ୍ତି । ସେ କେବେ ହେଲେ କୌଣସି ସମସ୍ୟାର ସମ୍ମୁଖୀନ ହୋଇନାହାଁନ୍ତି । କେବେ ତାଙ୍କୁ ଲିଙ୍ଗଗତ ବିଭେଦର ଶିକାର ହେବାକୁ ପଡିନି । ପୁରୁଷମାନେ ୟୁନିଫର୍ମରେ ଥିବା ବେଳେ ପ୍ରକୃତ ଭଦ୍ରବ୍ୟକ୍ତିର ପରିଚୟ ଦେଇଥାନ୍ତି।
wp:html/wp:html#GunjanSaxenaTheKargilGirl What a pack of lies! The film does disservice to the Indian Air Force and even more to Gunjan Saxena and other women officers. As Dy Comdt of AFA I have trained the young ladies with no gender bias. Dharma Productions is a blot on the Nation.
— Ashok Chhibbar (@chibskycoo) August 16, 2020
ଏହାସହ ସେ କରନ ଜୋହରଙ୍କ ଧର୍ମା ପ୍ରଡକ୍ସନକୁ ମଧ୍ୟ ତାତ୍ସଲ୍ୟ କରିଛନ୍ତି । ଧର୍ମା ପ୍ରଡକ୍ସନ ମିଛ କହୁଥିବା ଓ ଏୟାରଫୋର୍ସକୁ ବିବାଦରେ ରଖୁଥିବା ନମ୍ରିତା ଅଭିଯୋଗ କରିଛନ୍ତି । ଜାହ୍ନବୀ କପୁରଙ୍କୁ ମଧ୍ୟ ସେ ପରାମର୍ଶ ଦେଇ କହିଛନ୍ତି ଯେ, ଏପରି ଚଳଚ୍ଚିତ୍ର କରିବା ଅନୁଚିତ । ଆଗକୁ ଏପରି ନକରନ୍ତୁ । ଭାରତୀୟ ଭାବେ ଗର୍ବ କରୁଥିବା ମହିଳାମାନେ ଏପରି ଫିଲ୍ମ କରିବା କଥା ନୁହେଁ ।ଇଣ୍ଡିଆନ ଏୟାରଫୋର୍ସର ପୂର୍ବତନ ଡେପୁଟୀ ଚେୟାରମ୍ୟାନ୍ ଅଶୋକ ଛିବର ମଧ୍ୟ ଏହି ଚଳଚ୍ଚିତ୍ରକୁ କଟାକ୍ଷ କରିଛନ୍ତି ।
ସୂଚନାଯୋଗ୍ୟ, ଗୁଞ୍ଜନ ସକସେନା ଦି କାର୍ଗିଲ୍ ଗାର୍ଲ ନେଟଫ୍ଲିକ୍ସରେ ରିଲିଜ ହୋଇଛି । ଏଥିରେ ମହିଳାଙ୍କ ପ୍ରତି ବାୟୁସେନାର ଯବାନ କିପରି ଅଶୋଭନୀୟ ବ୍ୟବହାର ପ୍ରଦର୍ଶନ କରୁଛନ୍ତି ତାହା ଦେଖିବାକୁ ମିଳିଛି । ଯାହାକୁ ନେଇ ବିବାଦ ସୃଷ୍ଟି ହୋଇଛି ।
