Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

କେନ୍ଦୁଝର ଟ୍ରକ ମାଲିକ ସଂଘରେ ବିବାଦ, ସଭାପତି ଓ ସମ୍ପାଦକଙ୍କୁ ଟାର୍ଗେଟ୍ କଲେ ଉପସଭାପତି ଏବଂ କୋଷାଧ୍ୟକ୍ଷ

23/05/2020 at 6:10 PM

କେନ୍ଦୁଝର, ୨୩|୦୫:   ରାଜ୍ୟର ଅନ୍ୟତମ ପ୍ରମୁଖ ବିତ୍ତଶାଳୀ କେନ୍ଦୁଝର ଜିଲ୍ଲା ଟ୍ରକ ମାଲିକ ସଂଘ କର୍ମକର୍ତ୍ତାଙ୍କ ମଧ୍ୟରେ ଏବେ ବିବାଦୀୟ ପରିସ୍ଥିତି ଦେଖା ଦେଇଛି। ସଂଘର କାର୍ଯ୍ୟଧାରାକୁ ନେଇ ନିର୍ଦ୍ଧିଷ୍ଟ କେତେକ କର୍ମକର୍ତ୍ତା ଦୀର୍ଘଦିନ ହେବ ଅସନ୍ତୁଷ୍ଟ ରହିଛନ୍ତି ।

ଏହାକୁ ନେଇ ପୂର୍ବରୁ ଜିଲ୍ଲାପାଳ ଓ ଏସପିଙ୍କୁ ଅବଗତ କରାଇ ସମ୍ପୂର୍ଣ୍ଣ ଘଟଣାର ତଦନ୍ତ ଦାବି କରିଥିବା କହିଛନ୍ତି । ଏନେଇ ଆଜି ଆନନ୍ଦପୁର ଉପଖଣ୍ଡ ବେଲବାହାଳିଠାରେ ଜିଲ୍ଲା ଟ୍ରକ୍ ମାଲିକ ସଂଘ ଉପସଭାପତି ପଦ୍ମଲୋଚନ ସାହୁ ଓ କୋଷାଧ୍ୟକ୍ଷ ରୁଦ୍ରନାରାୟଣ ମିଶ୍ର ଓ କାର୍ଯ୍ୟକାରି ସଦସ୍ୟ ରଂଜନ କୁମାର ବିଶ୍ୱାଳ ଏକ ସାମ୍ବାଦିକ ସମ୍ମିଳନୀରେରେ ସଭାପତି ଓ ସମ୍ପାଦକଙ୍କୁ ଟାର୍ଗେଟ କରିଥିଲେ । ଏହି ସାମ୍ବାଦିକ ସମ୍ମିଳନୀରେ ସଭାପତି ଓ ସମ୍ପାଦକ କ୍ଷମତା ବିକେନ୍ଦ୍ରୀ କରଣ ନକରି ସମସ୍ଥ କ୍ଷମତାକୁ ନିଜ ନିଜ ମଧ୍ୟରେ ସୀମିତ ରଖିବା ସହ କ୍ଷମତାର ଦୁରୁପଯୋଗ କରୁଥିବା ଅଭିଯୋଗ କରିଥିଲେ । ସେହିପରି ଟ୍ରକ୍ ମାଲିକ ସଂଘ ଏବେ ମାଲିକଙ୍କ ସ୍ବାର୍ଥ ପାଇଁ ନୁହେଁ  ବରଂ ଟ୍ରାନ୍ସପୋଟରଙ୍କ ହିତରେ କାମ କରୁଥିବା ଅଭିଯୋଗ ହୋଇଛି ।

ବିଭିନ୍ନ ଆର୍ଥିକ କାରବାରରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗରେ ଏହି ଅସନ୍ତୁଷ୍ଟ କର୍ମକର୍ତ୍ତାମାନେ ଅଡିଟ ଦାବି କରିଥିଲେ ମଧ୍ୟ ସମ୍ପାଦକ ଫାଇଲ୍ ଦେଉଥିବାରୁ ଅଡିଟ୍ ସମ୍ଭବ ହୋଇପାରୁନଥିବା ଅଭିଯୋଗ ଆଣିଛନ୍ତି କୋଷାଧ୍ୟକ୍ଷ ରୁଦ୍ରନାରାୟଣ ମିଶ୍ର । ସେପଟେ ଏ ସମସ୍ତ ଅଭିଯୋଗ କୁ ଖଣ୍ଡନ କରିଛନ୍ତି ଜିଲ୍ଲା ଟ୍ରକ୍ ମାଲିକ ସଂଘ ସଭାପତି ରମାକାନ୍ତ ନାୟକ । ସଂଘର ୨୨ଜଣ ନିର୍ବାଚିତ ସଦସ୍ୟ ରହିଥିବାବେଳେ  ଉଚ୍ଚ ପଦବୀରେ ଥାଇ ମଧ୍ୟ  କେତେକ ସଦସ୍ୟ ସଂଘ  କାର୍ଯ୍ୟାଳୟ ଆସିନଥାନ୍ତି  । ସଂଘର ସମସ୍ତ ପ୍ରସ୍ତାବିତ କାର୍ଯ୍ୟକ୍ରମ ବିଧିବଦ୍ଧ ଭାବେ ସର୍ବସମ୍ମତିରେ ପାରିତ ହୋଇଥାଏ । ସେ ଆହୁରିମଧ୍ୟ କହିଛନ୍ତି ଯେ,  ମାଲିକଙ୍କ ଅନୁରୋଧ କ୍ରମେ କୋଭିଡ୍ ଫଣ୍ଟକୁ ୧୦ଲକ୍ଷ ଟଙ୍କା ସଂଘ  ତରଫରୁ ପ୍ରଦାନ ପାଇଁ ପ୍ରସ୍ତାବ ପାରିତ ହୋଇଥିଲା । ହେଲେ କୋଷାଧ୍ୟକ୍ଷ ଙ୍କ ଅସହଯୋଗ ଯୋଗଁ ତାହା ଆଜିଯାଏ ହୋଉପାରି ନାହିଁ ।

ଗୋଟିଏ ପଟେ  ପାରାଦୀପଠାରେ କେନ୍ଦୁଝର ଟ୍ରକ ଖାଲି ନହେବା ଘଟଣାକୁ ନେଇ ଜିଲ୍ଲା ଟ୍ରକ୍ ମାଲିକମାନେ ଚିନ୍ତାରେ ଥିବାବେଳେ ଟ୍ରକ୍ ମାଲିକ ସଂଘ କର୍ମକର୍ତ୍ତା ମଧ୍ୟରେ ଉପୁଜୁଥିବା ଏଭଳି ବିବାଦ ଆହୁରି ଚିନ୍ତାରେ ପକାଇଛି ।

   Related Posts