Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ୨୦୨୧: କୋଲକାତା ନାଇଟ ରାଇଡର୍ସ ସାମ୍ନାରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଆତ୍ମ ସମର୍ପଣ
  • ||
  • ଅଖାଡା ପରିଷଦର ଅଧ୍ୟକ୍ଷ ମହନ୍ତ ନରେନ୍ଦ୍ର ଗିରିଙ୍କ ନିଧନ, ଫାଶିରେ ଝୁଲୁଥିବା ଅବସ୍ଥାରେ ମିଳିଲା ମୃତଶରୀର
  • ||
  • ନୀଳଗିିରି : ଶିଶୁକନ୍ୟା ଓ ବାପାଙ୍କୁ ହାଣିବା ଅଭିଯୋଗରେ ୭ ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ ହେଲେ ଅଭିଯୁକ୍ତ
  • ||
  • ପୁରୀ : ଭାର୍ଗବୀ ନଦୀରେ ଗାଧୋଇବା ବେଳେ ଭାସିଯାଇ ବୃଦ୍ଧଙ୍କ ମୃତ୍ୟୁ
  • ||
  • ପୁରୀ : ୧୫ବର୍ଷ ପରେ ଚୂଡାନ୍ତ ରାୟ : ହତ୍ୟାକାଣ୍ଡ ମାମଲାରେ ଅଭିଯୁକ୍ତ ୨ ଭାଇଙ୍କୁ ଆଜୀବନ କାରାଦଣ୍ଡାଦେଶ
  • ||
  • ଭୁବନେଶ୍ବର : ବିଜେଡିର ମାରାଥନ୍ ମିଶ୍ରଣ ପର୍ବ, ଶଙ୍ଖ ଧରିଲେ ରାୟଗଡା ଜିଲ୍ଲାର ଅନେକ ବରିଷ୍ଠ କଂଗ୍ରେସ ଓ ବିଜେପି ନେତା
  • ||
  • ରାୟଗଡା : ଦେବଦୂତ ସାଜିଲେ ୧୦୮ ଆମୁଲାନ୍ସ କର୍ମଚାରୀ, ପାହାଡିଆ ରାସ୍ତାରେ ଗର୍ଭବତୀ ମହିଳାଙ୍କୁ ବୋହିଲେ ଷ୍ଟ୍ରେଚରରେ
  • ||
  • ଭୁବନେଶ୍ବର : ଗୁମର ଖୋଲିଲେ କି ବିଦ୍ୟାଭାରତୀ ? ଲାଏ ଡିଟେକ୍ସନ ଟେଷ୍ଟରେ ପ୍ରାୟ ୪ ଘଣ୍ଟାରେ ପଚରାଗଲା ୧୦୦ ପ୍ରଶ୍ନ
  • ||
  • କଣ୍ଟାବାଞ୍ଜି : ପାରିବାରିକ କଳହରୁ ସଂଘବଦ୍ଧ ଆକ୍ରମଣ, ଚାଲିଗଲା ବୃଦ୍ଧଙ୍କ ଜୀବନ
  • ||
  • ନିମାପଡା : ପିପିଲି ଉପନିର୍ବାଚନକୁ ମୁକ୍ତ ଓ ନିରପେକ୍ଷ କରିବା ନେଇ ବିଏସଏଫର ଫ୍ଲାଗ୍ ମାର୍ଚ୍ଚ
  • ||

ଦାମ-ବିଷ୍ଣୁ ପରେ ଏବେ ବିଷ୍ଣୁ-ରାଜଶ୍ରୀ ବିବାଦ : ବିଜେଡିରେ ବିଷ୍ଣୁ ଦାସଙ୍କର ଅଖା ନାହିଁକି ବିରି ନାହିଁ କହିଲେ ରାଜଶ୍ରୀ

13/12/2018 at 12:19 PM

ଭୁବନେଶ୍ବର ୧୩|୧୨: ସାଧାରଣ ନିର୍ବାଚନ ସମୟ ଯେତିକି ପାଖେଇ ଆସୁଛି ସେହି ତୁଳନାରେ ଜଗତସିଂହପୁର ଜିଲ୍ଲା ବିଜେଡିରେ ଗୋଷ୍ଠୀ କନ୍ଦଳ ବଢି ବଢି ଚାଲୁଥିବା ଘଟଣା ଦଳୀୟ କର୍ମକର୍ତ୍ତା ମାନଙ୍କ ପାଇଁ ଚିନ୍ତାର କାରଣ ପାଲଟିଛି । ଦଳରୁ ଦାମ ବହିସ୍କୃତ ହେବା ପରେ ଏବେ ବିଷ୍ଣୁ ଦାସ ଓ ରାଜଶ୍ରୀ ମଲ୍ଲିକଙ୍କ ମଧ୍ୟରେ ସୃଷ୍ଟି ହୋଇଥିବା ବିବାଦ ଧୀରେ ଧୀରେ ଉଗ୍ର ରୂପ ଧାରଣ କରିବାରେ ଲାଗିଛି ।

ବିଷ୍ଣୁ ଦାସଙ୍କର ଅଖା ନାହିଁକି ବିରି ନାହିଁ । ଜଣେ ଦଳରୁ ଘୋଷିତ ବହିସ୍କୃତ ହୋଇଥିବା ବେଳେ ଜଣେ ( ବିଷ୍ଣୁ) ଦଳରୁ ଅଘୋଷିତ ବହିସ୍କୃତ ହୋଇ ସାରିଛନ୍ତି । ସେ ଆମ ଦଳରେ କିଛି ବିବାଦ ସୃଷ୍ଟି କରି ପାରିବେ ନାହିଁ ବୋଲି ବିଧାୟିକା ରାଜଶ୍ରୀ ମଲିକ କହି ଛନ୍ତି । ତିର୍ତ୍ତୋଲ ନିର୍ବାଚନମଣ୍ଡଳୀର ବିଦ୍ୟାଧରପୁର ପଂଚାୟତରେ କେତେକ ଉନ୍ନୟନମୂଳକ କାର୍ଯ୍ୟର ଶିଳାନ୍ୟାସ କରିବାକୁ ଯାଇଥିଲେ ବିଧାୟିକା ରାଜଶ୍ରୀ ମଲ୍ଲିକ। ହେଲେ କେତେକ ଦଳୀୟ କର୍ମୀ ବିଧାୟିକାଙ୍କୁ ବିରୋଧ କରି ଧାରଣାରେ ବସିବା ସହ ବିଧାୟିକା ସେମାନଙ୍କୁ ଅଣଦେଖା କରୁଥିବାର ଅଭିଯୋଗ କରିଛନ୍ତି । ପାଞ୍ଚ ବର୍ଷ ଭିତରେ ବିଧାୟିକା ଏହି ପଞ୍ଚାୟତକୁ ଆସିନଥିବାର ସେମାନେ ଅଭିଯୋଗ କରିବା ସହ ପ୍ରକୃତ ଦଳୀୟ କର୍ମୀମାନଙ୍କୁ ଉପେକ୍ଷା କରୁଥିବାର ସେମାନେ ଅଭିଯୋଗ କରି ତାର ପ୍ରତିବାଦରେ ଧାରଣାରେ ବସିଥିବାର କହିଥିଲେ ।

ହେଲେ ପ୍ରତିବାଦକୁ କୌଣସି ଭୂକ୍ଷେପ ନକରି ବିଧାୟିକା ଅନ୍ୟ କର୍ମୀ ମାନଙ୍କ ସହ ଆସି ଶିଳାନ୍ୟାସ କରିବା ସହ ଧାରଣାରେ ବସିଥିବା ଲୋକ ମାନେ ବିଜେଡି କର୍ମୀ ନୁହଁନ୍ତି ସେମାନେ ସମସ୍ତେ କଂଗ୍ରେସ କର୍ମୀ ବୋଲି କହିଥିଲେ । ଏଥିସହ ବିଷ୍ଣୁ ଦାସ ସେମାନଙ୍କୁ ଶିଖାଇ ବସାଇଥିବାର କହିଥିଲେ । ଏଥି ସହିତ ବିଷ୍ଣୁ ଦାସଙ୍କର ଅଖା ନାହିଁକି ବିରି ନାହିଁ ସେ ଦଳରୁ ଅଘୋଷିତ ବହିସ୍କୃତ ହୋଇଛନ୍ତି । ସେ ଆମ ଦଳରେ କୌଣସି କ୍ଷତି କରିପାରିବେ ନାହିଁ ବୋଲି ମନ୍ତବ୍ୟ ଦେଇଛନ୍ତି ।

ଏହି ବାବଦରେ ବିଷ୍ଣୁ ଦାସଙ୍କ ଦୃଷ୍ଟି ଆକର୍ଷଣ କରିବାରୁ କିଏ କଣ ସେକଥା ଦଳ ଜାଣିଛି ଓ ଲୋକ ଜାଣିଛନ୍ତି । ମୋରସେ ବାବଦରେ କିଛି କହିବାର ନାହିଁ ବୋଲି ସେ କହିଛନ୍ତି ।

ହେଲେ ବିଜେଡିର ଦଳୀୟ ନେତାଙ୍କ ମଧ୍ୟରେ ଲାଗି ଥିବା ଏହି ବିବାଦ କର୍ମୀ ତଥା ଦଳର ଅନ୍ୟ କର୍ମକର୍ତ୍ତାଙ୍କ ମଧ୍ୟରେ ଆଶଙ୍କା ଓ ଅସନ୍ତୋଷକୁ ବୃଦ୍ଧି କରାଉଛି ।

   Related Posts