Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||
  • ସାଲେପୁର : ସାଲେପୁରରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ
  • ||
  • ଝାରସୁଗୁଡା : ପ୍ରେମୀଯୁଗଳଙ୍କ ଆତ୍ମହତ୍ୟା ଘଟଣା , ଚିକିତ୍ସାଧିନ ଅବସ୍ଥାରେ ପ୍ରେମିକାଙ୍କ ମୃତ୍ୟୁ, ପୂର୍ବରୁ ଜୀବନ ହାରିଥିଲେ ପ୍ରେମିକ
  • ||
  • ବ୍ରହ୍ମପୁର : ଗୁଳି ମାଡରେ ବେଗୁନିଆପଡା ବ୍ଲକ୍ ପୂର୍ବତନ ଅଧ୍ୟକ୍ଷ ଦେବେନ୍ଦ୍ର ସାହୁଙ୍କ ମୃତ୍ୟୁ
  • ||
  • କଳାହାଣ୍ଡି : ୧୦ଲକ୍ଷ ଟଙ୍କାର ବାଘ ଛାଲ ଜବତ, ୨ ଗିରଫ
  • ||
  • ୨ଦିନରେ ଦୁଇ ଜୀବନ : ଢେଙ୍କାନାଳରେ ହାତୀ ଆକ୍ରମଣରେ ପୁଣି ଜଣେ ମୃତ
  • ||
  • ଭାରସାମ୍ୟ ହରାଇ କାର୍‌-ଟାଟା ମ୍ୟାଜିକ ଉପରେ ଓଲଟିଲା ଟ୍ରକ, ଚାଲିଗଲା ୧୩ଜଣଙ୍କ ଜୀବନ
  • ||

ଆଉ କନ୍ଦେଇବନି ପିଆଜ, ଦର ନିୟନ୍ତ୍ରଣ ପ୍ରସ୍ତୁତିରେ ସରକାର

18/12/2019 at 6:08 PM

ନୂଆଦିଲ୍ଲୀ ୧୮।୧୨:  ପରିବା ବଜାରରେ ନିଆଁ ଲଗାଇଥିବା ପିଆଜ ଦର ଏବେ ପ୍ରଶମିତ ହେବ। ପରିସ୍ଥିତିର ମୁକାବିଲା ଲାଗି ସରକାର ବିଦେଶରୁ ମଗାଇଥିବା ପିଆଜ ଏବେ ମୁମ୍ବାଇ ବନ୍ଦରରେ ପହଞ୍ଚିଯାଇଛି। ପ୍ରଥମ ପର୍ଯ୍ୟାୟରେ ଆସିଥିବା ୧ହଜାର ଟନ ପିଆଜକୁ ଆଗାମୀ ସପ୍ତାହ ସୁଦ୍ଧା ଦେଶର ସମସ୍ତ ବଜାରକୁ ପହଞ୍ଚାଇ ଦିଆଯିବ। ସେପଟେ ଦେଶରେ ଖରିଫ ଅମଳ ବି ଆରମ୍ଭ ହୋଇଗଲାଣି। ଏଣୁ ପରିବା ବଜାରରେ ଥିବା ପିଆଜ ଦର ଏବେ ସ୍ୱଭାବିକ୍ ହେବାକୁ ଯାଉଥିବା ବେଳେ ଆଗକୁ ଯେପରି ଏପରି ପରିସ୍ଥିତି ନ ଉପୁଜେ ସେଥିଲାଗି ସରକାରଙ୍କ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି।

ସରକାର ପୁଣି କରିବେ ବଫର ଷ୍ଟକ୍
ପିଆଜ ଆବଶ୍ୟକତା ପୁରଣ ଲାଗି ସରକାର ବିଦେଶରୁ ୩୦ ହଜାର ଟନ ପିଆଜ ମଗାଇଛନ୍ତି। ଏହାର ପ୍ରଥମ କନସାଇନମେଣ୍ଟ ଏବେ ମୁମ୍ବାଇ ବନ୍ଦରରେ ପହଞ୍ଚି ସାରିଥିବା ବେଳେ ବାକି କନସାଇନମେଣ୍ଟ ବି ପଛକୁ ପଛ ଆସି ପହଞ୍ଚିବାରେ ଲାଗିବ। ତେବେ ଦେଶରେ ଖରିଫ ଅମଳ ସହ ପିଆଜ ଦର ସ୍ୱଭାବିକ ହେବାକୁ ଯାଉଥିବା ବେଳେ ରବି ଅମଳ ପରେ ପରେ ନାଫେଡ ପୁଣି ବଫର ଷ୍ଟକ୍ କରିବାକୁ ଯୋଜନା କରିଛି। ଆସନ୍ତା ମାର୍ଚ୍ଚ ମାସରୁ ଏହି ଷ୍ଟକ ପ୍ରକ୍ରିୟା ଆରମ୍ଭ ହେବ।

ଚାଷୀଙ୍କ ଠୁ କିଣା ଯିବ ୨୦ ହଜାର ଟନ୍ ପିଆଜ
ନାଫେଡ ପ୍ରସ୍ତାବିତ ବଫର ଷ୍ଟକ୍ ଲାଗି ଦେଶର ବିଭିନ୍ନ ପ୍ରଦେଶର ଚାଷୀଙ୍କ ଠାରୁ ପ୍ରଥମ ପର୍ଯ୍ୟାୟରେ ୨୦ ହଜାର ଟନ୍ ପିଆଜ କ୍ରୟ କରିବେ। ଫଳରେ ଅମଳ ଋତୁରେ ଚାଷୀଙ୍କୁ ଆଉ ଅଭାବି ବିକ୍ରିର ସମ୍ମୁଖୀନ ହେବାକୁ ପଡିବ ନାହିଁ। ଆଗକୁ ପିଆଜ ଦର ଯେପରି ଆକାଶ ନ ଛୁଏଁ ସେଥିଲାଗି ସରକାରୀ ସ୍ତରରେ ପୁରା ପ୍ରସ୍ତୁତି ଆରମ୍ଭ ହୋଇଯାଇଛି।

ଦେଶରେ ଏବେବି ପ୍ରତି କେଜି ୧୫୦ଟଙ୍କାରେ ବିକ୍ରି ହେଉଛି ପିଆଜ
ଏବେବି  ଅନେକ ବଜାରରେ ପିଆଜର ଆକାଶ ଛୁଆଁ ଦର ରହିଛି। ଦିଲ୍ଲୀ ସମେତ ଏନସିଆରରେ ଏବେବି ପ୍ରତି କେଜି ପିଆଜ ୧୫୦ ଟଙ୍କା ଦରରେ ବିକ୍ରି ହେଉଛି। ଉତ୍ତର ଭାରତରେ କୋହଲା ପାଗ ସାଙ୍ଗକୁ ବର୍ଷା ଏଭଳି ଦରବୃଦ୍ଧିର କାରଣ ବୋଲି ବ୍ୟବସାୟୀମାନେ କହିଛନ୍ତି। ବର୍ଷାରେ ମାଟି ଓଦା ହେବା ଯୋଗୁ ଚାଷୀ ପିଆଜ ଖୋଳିବାକୁ  ଶାହସ କରୁନଥିବାରୁ ଦର ଉଚ୍ଚା ରହିଛି। ତେବେ ସରକାର ବିଦେଶରୁ ଆମଦାନୀ କରିଥିବା ପିଆଜ ଏବେ ପହଞ୍ଚି ସାରିଥିବାରୁ ଚାଷୀଙ୍କ ପିଆଜ ସହ ମିସି ବିକ୍ରି ହେବ। ଏଣୁ ପିଆଜ ସ୍ୱଭାବିକ ଦରକୁ ଚାଲିଆସିବ ବୋଲି ବ୍ୟବସାୟୀ କହିଛନ୍ତି।

   Related Posts