Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁକ୍ତ ୨ କଲେଜ୍ ଖୋଲିବାକୁ ପ୍ରସ୍ତୁତି ! ବିଶୋଧନ ଓ ସଫା କରି କ୍ଲାସ୍ ରୁମ୍ ପ୍ରସ୍ତୁତ କରିବାକୁ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ
  • ||
  • କମିବାରେ ଲାଗିଛି କରୋନା ସଂକ୍ରମଣ, ଆଜି ସୁସ୍ଥ ହୋଇ ଘରକୁ ଫେରିଲେ ୬୪୨ ଆକ୍ରାନ୍ତ
  • ||
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||
  • ଡିସେମ୍ବର ୮ରେ ଭାରତ ବନ୍ଦ ଡାକରା ଦେଲା କୃଷକ ସଂଗଠନ
  • ||
  • ପ୍ରଥମ ଟି-୨୦ରେ କଙ୍ଗାରୁ ଚିତ୍, ଚମକିଲେ ଭାରତୀୟ ବୋଲର, ଅଷ୍ଟ୍ରେଲିଆକୁ ୧୧ ରନରେ ହରାଇଲା ବିରାଟ ବାହିନୀ
  • ||
  • ୪ କ୍ବିଣ୍ଟାଲ ୬୦ କେଜି ଚନ୍ଦନ କାଠ ଜବତ: ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କାରୁ ଅଧିକ
  • ||
  • ଜଳେଶ୍ବର: ବିଶାଖା ଏଗ୍ରୋ ସୋରୁମ୍ ଆଗରେ ଚାଷୀମାନଙ୍କ ପକ୍ଷରୁ ଆମରଣ ଅନଶନ
  • ||
  • ଅପରାହ୍ନରେ ସ୍ଥଳଭାଗ ଛୁଇଁବ ‘ବୁରେଭି’ : କେରଳ-ତାମିଲନାଡୁର କିଛି ଜିଲ୍ଲାରେ ଛୁଟି ଘୋଷଣା, ବିମାନବନ୍ଦର ବନ୍ଦ
  • ||
  • ଜଗତପୁର : ଧାନ କଟାଳୀଙ୍କୁ ଶୁଣ୍ଢରେ କଚାଡି ମାରିଲା ହାତୀ
  • ||
  • ବାଲେଶ୍ବର ଓ ମୟୁରଭଞ୍ଜରେ ମୃଦୁ ଭୂକମ୍ପ ଝଟ୍‌କା ଅନୁଭୂତ
  • ||

ଗୁଡ଼ଗାଓଁରେ ବିଚାରପତିଙ୍କ ସ୍ତ୍ରୀ ଓ ପୁଅ ଉପରକୁ ଗୁଳି ଚଳାଇଲା ସୁରକ୍ଷା ଦାୟିତ୍ୱରେ ଥିବା କନେଷ୍ଟେବଲ

13/10/2018 at 10:55 PM

ଗୁଡ଼ଗାଓଁ ୧୩/୧୦: ଦିଲ୍ଲୀ ଗୁଡ଼ଗାଓଁ ର ସେକ୍ଟର ୪୯ ଅଞ୍ଚଳରେ ଆଜି ଏକ ଅଭାବନୀୟ ଘଟଣା ଘଟିଛି । ଦିନ ସାଢେ ୩ଟା ବେଳକୁ ସେକ୍ଟର ୪୯ ଆଞ୍ଚଳରେ ଥିବା ଆର୍କାଡିଆ ମାର୍କେଟ ସମ୍ମୁଖରେ ଜଣେ ବିଚାରପତିଙ୍କ ସ୍ତ୍ରୀ ଓ ପୁଅଙ୍କୁ ତାଙ୍କରି ସୁରକ୍ଷା ଦାୟିତ୍ୱରେ ଥିବା ଜଣେ କନେଷ୍ଟବଲ୍ ଗୁଳି ମାରି ହତ୍ୟା ଉଦ୍ୟମ କରିଛି । ଗୁରୁତର ଆବସ୍ଥାରେ ଉଭୟ ମା ଓ ପୁଅଙ୍କୁ ଚିକିତ୍ସା ନିମନ୍ତେ ହସ୍ପିଟାଲରେ ଭର୍ତ୍ତି କରାଯାଇଛି । ଅପରପକ୍ଷରେ ଗୁଳି ମାରିବା ପରେ ସରକାରୀ ଗାଡ଼ି ନେଇ ଫେରାର୍ ହୋଇଯାଇଥିବା କନେଷ୍ଟେବଲକୁ ପୋଲିସ ଗିରଫ କରି ପଚରା ଉଚରା କରୁଛି । ଏହି ଗୁଳିକାଣ୍ଡ ଘଟଣା ପଛର କାରଣ ଏପର୍ଯ୍ୟନ୍ତ ଜଣାପଡ଼ିନାହିଁ ।

ସୂଚନାଯୋଗ୍ୟଯେ, ଅତିରିକ୍ତ ଜିଲ୍ଲା ଓ ଦୌରାଜଜ୍ କୃଷ୍ଣକାନ୍ତ ଶର୍ମାଙ୍କ ସୁରକ୍ଷା ଦାୟିତ୍ୱରେ ମହିପାଲ ନାମକ ଜଣେ ହେଡ଼ କନେଷ୍ଟେବଲଙ୍କୁ ଗତ ଦେଢବର୍ଷ ହେଲା ନିୟୋଜିତ କରାଯାଇଥିଲା । ଆଜି ମହିପାଲ ବିଚାରପତିଙ୍କ ପତ୍ନୀ ରେଣୁ ଶର୍ମା ଓ ତାଙ୍କ ପୁଅ ଧ୍ରୁବ ଶର୍ମାଙ୍କୁ ନେଇ କାର୍ ଯୋଗେ ଆର୍କାଡିଆ ମାର୍କେଟକୁ ଯାଇଥିଲେ । ମାର୍କେଟ ସମ୍ମୁଖରେ ରେଣୁ ଓ ଧ୍ରୁବ ଗାଡ଼ିରୁ ଓହ୍ଲାଇବା ମାତ୍ରେ ମହିପାଲ ତା’ର ସର୍ଭିସ ରିଭଲଭରରୁ ସେମାନଙ୍କ ଉପରକୁ ଅତର୍କିତ ଗୁଳି ଚଳାଇଥିଲା । ରେଣୁଙ୍କ ଛାତିରେ ଗୁଳି ବାଜିଥିବା ବେଳେ ପୁଅ ଧ୍ରୁବଙ୍କ ମୁଣ୍ଡରେ ଗୁଳି ବାଜିଥିଲା । ଫଳରେ ଉଭୟ ଘଟଣା ସ୍ଥଳରେ ବେହୋସ ହୋଇ ପଡ଼ିଯାଇଥିଲେ । ଘଟଣା ସ୍ଥଳରେ ବହୁଲୋକ ଥିଲେ ମଧ୍ୟ ଭୟରେ କେହି ପାଖକୁ ଯାଇନଥିଲେ । ରକ୍ତ ଜୁଡୁବୁଡୁ ହୋଇ ପଡ଼ିଥିବା ଧ୍ରୁବଙ୍କୁ ଟାଣିଟାଣି ମହିପାଲ ଗାଡ଼ି ଭିତରେ ଭର୍ତ୍ତି କରିବାପାଇଁ ଚେଷ୍ଟାକରି ବିଫଳ ହୋଇଥିଲା । ଏହାପରେ ମା ଓ ପୁଅଙ୍କୁ ଗୁରୁତର ଆବସ୍ଥାରେ ସେଇଠି ଛାଡ଼ି ମହାପାଲ କାରଟିକୁ ନେଇ ଫେରାର୍ ହୋଇଯାଇଥିଲା ।

ତେବେ ଖବର ପାଇ ପୋଲିସ ସମଗ୍ର ଅଞ୍ଚଳକୁ ନାକାବନ୍ଦୀ କରି ମହିପାଲକୁ ଗିରଫ କରିବାରେ ସକ୍ଷମ ହୋଇଛି । ଅପରପକ୍ଷରେ ରେଣୁ ଓ ଧ୍ରୁବଙ୍କୁ ଚିକିତ୍ସା ନିମନ୍ତେ ସେମାନଙ୍କୁ ମେଦାନ୍ତ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ଅବସ୍ଥା ସଙ୍କଟାପର୍ଣ୍ଣ ରହିଛି ।

ବିଚାରପତିଙ୍କ ପତ୍ନୀ ଓ ପୁଅଙ୍କୁ ୩୨ବର୍ଷ ବୟସ୍କ ହେଡ଼ କନେଷ୍ଟେବଲ ମହିପାଲ କାହିଁକି ଗୁଳି ମାରିଲା ତା’ର କାରଣ ଏପର୍ଯ୍ୟନ୍ତ ଜଣାପଡ଼ିନାହିଁ । ପୋଲିସ ପଚରାଉଚରା ଜାରି ରଖିଛି । ଘଟଣା ସ୍ଥଳରୁ ସିସିଟିଭି ଫୁଟେଜ୍ ସଂଗ୍ରହ କରାଯାଇଛି ।

   Related Posts