Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ, କରୋନା ପ୍ରଭାବ
  • ||
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||

ନିଜ ଜୀବନକୁ ବାଜି ଲଗାଇ ମହିଳା ଏବଂ ୨ ଶିଶୁଙ୍କ ଜୀବନ ରକ୍ଷାକଲେ ଆରପିଏଫ କନେଷ୍ଟବଳ

23/04/2019 at 3:55 PM

ନୂଆଦିଲ୍ଲୀ ୨୩/୪ : ରେଲୱେ ସୁରକ୍ଷାବଳର ବୀର ଯବାନ ନିଜ ଜୀବନକୁ ବାଜି ଲଗାଇ ୩ଜୀବନ ବଂଚାଇଛନ୍ତି | ମରିବା ପୂର୍ବରୁ ସେ ମଣିଷତ୍ୱର ଏଭଳି ଏକ ଉଦାହରଣ ଦେଇଯାଇଛନ୍ତି ସମସ୍ତେ ତାଙ୍କ ପ୍ରଶଂସା କରୁଛନ୍ତି | ଦିଲ୍ଲୀ ଆଜାଦପୁର ୭ ନମ୍ବର ସିଗନାଲ ନିକଟରେ ସୋମବାର ରାତିରେ ଘଟିଥିଲା ଏହି ଘଟଣା |


ରେଲୱେ ସୁରକ୍ଷାବଳ ଅଧିକାରୀଙ୍କ ସୂଚନା ଅନୁଯାୟୀ, କନେଷ୍ଟବଳ ଜଗବୀର ସିଂହ ସୋମବାର ରାତିରେ ଆଜାଦପୁର ରେଲୱେ ଟ୍ରାକ ୭ ନମ୍ବର ସିଗନାଲ ନିକଟରେ ନିୟୋଜିତ ଥିଲେ | ସେ ସୁରକ୍ଷା ଦାୟିତ୍ୱରେ ଥିଲେ | ତାଙ୍କ ଡ୍ୟୁଟି ରାତି ୮ଟା ରୁ ସକାଳ ୮ଟା ପର୍ଯ୍ୟନ୍ତ ଥିଲା | ରାତି ପ୍ରାୟ ସାଢେ ୯ଟା ବେଳେ ଉଭୟ ତରଫରୁ ଗ୍ରୀନ ସିଗନାଲ ଥିଲା |


ଏତିକିବେଳେ ଗୋଟିଏ ଟ୍ରେନ ଦିଲ୍ଲୀରୁ ଅମ୍ବାଲା ଯାଉଥିଲା | ଠିକ ସେତିକିବେଳେ ଆଉ ଏକ ଟ୍ରେନ କାଲକାରୁ ନୂଆଦିଲ୍ଲୀ ଯାଉଥିଲା | ସେତେବେଳେ ଜଗବୀର ସିଂହଙ୍କ ନଜର ଟ୍ରାକ ପାରି କରୁଥିବା ମହିଳା ଏବଂ ଶିଶୁଙ୍କ ଉପରେ ପଡିଥିଲା | ସେ ଜାଣିଗଲେ ଯେ, ଏମାନେ ଅମ୍ବାଲା ଯାଉଥିବା ଟ୍ରେନ ବିଷୟରେ ଜାଣିଛନ୍ତି କିନ୍ତୁ ଆର ପଟୁ ଆସୁଥିବା ଟ୍ରେନ ବିଷୟରେ ଜାଣିପାରୁ ନାହାନ୍ତି | ଏହା ଦେଖି ଜଗବୀର ସିଂହ ପାଟି କରି ସେମାନଙ୍କ ଆଡକୁ ଦୌଡ଼ିଥିଲେ | କିନ୍ତୁ ଟ୍ରେନର ଶବ୍ଦ ଯୋଗୁଁ ସେମାନଙ୍କୁ ଜଗବୀର ସିଂହଙ୍କ ଆବାଜ ଶୁଣାଯାଇନଥିଲା |


ଜଗବୀର ସିଂହ ଦୌଡ଼ି ଦୌଡ଼ି ତାଙ୍କ ପାଖରେ ପହଂଚିଥିଲେ | ସେ ମହିଳା ଏବଂ ଶିଶୁଙ୍କୁ ଟ୍ରାକର ଅନ୍ୟ ପଟକୁ ଧକ୍କା ଦେଇଥିଲେ | ଯାହାଫଳରେ ସେମାନଙ୍କ ଜୀବନ ବଂଚିଗଲା | କିନ୍ତୁ ସେ ନିଜ ଜୀବନ ବଞ୍ଚାଇ ପାରିଲେନି | ସେ ନିଜେ ଟ୍ରାକରୁ ବାହାରିବା ପୂର୍ବରୁ ଟ୍ରେନ ତାଙ୍କୁ ଧକ୍କା ଦେଇଥିଲା | ଟ୍ରେନ ଧକ୍କା ଦେବା ଫଳରେ ଜଗବୀର ଛିଟିକି ଦୂରରେ ପଡିଗଲେ | ତାଙ୍କ ମୁଣ୍ଡରେ ଶକ୍ତ ଆଘାତ ବାଜିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା |


୫୦ ବର୍ଷ ବୟସ୍କ ଜଗବୀର ସିଂହଙ୍କ ଘର ସୋନିପତରେ | ସେ ରେଲୱେ ପୋଲିସରେ କନେଷ୍ଟବଳ ଥିଲେ |

   Related Posts