Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ଲକଡାଉନ୍ ବୃଦ୍ଧି ନିଷ୍ପତ୍ତିକୁ କଂଗ୍ରେସର ସ୍ୱାଗତ, କିନ୍ତୁ ମୋଦୀଙ୍କୁ ପଚାରିଲା ଏହି ସବୁ ପ୍ରଶ୍ନ

14/04/2020 at 4:21 PM

ନୂଆଦିଲ୍ଲୀ, ୧୪|୦୪:  କଂଗ୍ରେସ ଦେଶରେ ଲକଡାଉନକୁ ମେ ମାସ ୩ ତାରିଖ ଯାଏଁ ବୃଦ୍ଧି କରିବା ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନିଷ୍ପତ୍ତିକୁ ସ୍ୱାଗତ କରିଛି । ତେବେ ନୂଆ ଆର୍ଥିକ ପ୍ୟାକେଜ୍ ଘୋଷଣା ହୋଇନଥିବାରୁ ଦଳ ମୋଦୀଙ୍କୁ ଟାର୍ଗେଟ୍ କରିଛି । ଦଳର ବରିଷ୍ଠ ନେତା ତଥା ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବରମ ଲକଡାଉନ୍ ବୃଦ୍ଧିର ଆବଶ୍ୟକତାକୁ ବୁଝିଥିବା ଓ ଏହି ନିଷ୍ପତ୍ତିକୁ ସମର୍ଥନ କରିଥିବା ଟ୍ୱିଟ୍ ଯୋଗେ ପ୍ରକାଶ କରିଛନ୍ତି ।

ତେବେ ଚିଦାମ୍ବରମ ଅଭିଯୋଗ କରିଛନ୍ତି ଯେ, ଗରିବଙ୍କ ପାଇଁ ଏହି ୪୦ ଦିନ ଅଧିକ ସମସ୍ୟା ସୃଷ୍ଟି କରିବ । ଟଙ୍କା ଓ ଖାଦ୍ୟ ସାମଗ୍ରୀ ଥିଲେ ମଧ୍ୟ ସରକାର ଏହାକୁ ଜାରି କରୁ ନାହାଁନ୍ତି । କଂଗ୍ରେସ ମୁଖପାତ୍ର ଅଭିଷେକ ମନୁ ସିଙ୍ଗଭୀ ମଧ୍ୟ ପ୍ରଧାନମନ୍ତ୍ରୀଙ୍କ ଭାଷଣରେ କିଛି ସ୍ୱତନ୍ତ୍ର ନଥିଲା ବୋଲି ଦାବି କରିଛନ୍ତି । ଆର୍ଥିକ ପ୍ୟାକେଜ, କୌଣସି ତଥ୍ୟ, କୌଣସି ଠୋସ୍ କଥା ନଥିବା ସେ ଅଭିଯୋଗ କରିଛନ୍ତି । ମଧ୍ୟମ ବର୍ଗ, ଗରିବ ଓ ବ୍ୟବସାୟୀଙ୍କ ପାଇଁ ମୋଦୀ କିଛି ଘୋଷଣା କରି ନାହାଁନ୍ତି ବୋଲି ସେ ସମାଲୋଚନା କରିଛନ୍ତି । ଲକଡାଉନ ଭଲ କିନ୍ତୁ ଜୀବିକାକୁ ନେଇ ନିଷ୍ପତ୍ତି କୁଆଡେ ଗଲା ବୋଲି ସେ ପ୍ରଶ୍ନ କରିଛନ୍ତି ।

ସେହିପରି କଂଗ୍ରେସ ନେତା ମନିଷ ତିଓ୍ୱାରୀ କହିଛନ୍ତି ଯେ, ଲକଡାଉନ୍ ବ୍ୟତୀତ ସରକାର ଆଉ କଣ କଣି କରିଛନ୍ତି ସେନେଇ କିଛି କହୁନାହାଁନ୍ତି । ଦେଶବାସୀଙ୍କ ପାଇଁ କଣ କରୁଛନ୍ତି ତାହା ଭାଷଣରେ ସ୍ଥାନ ଦେଉ ନାହାଁନ୍ତି । ଯେଉଁମାନେ ଚାଲିଚାଲି ଘରେ ପହଁଚିଥିଲେ ସେମାନଙ୍କ ପାଇଁ ୨୧ ଦିନିଆ ଲକଡାଉନ୍ ଅଭିଶାପ ଥିଲା । ସେମାନଙ୍କୁ କ୍ୟାମ୍ପରେ କ୍ୱାରେଣ୍ଟାଇନରେ ରଖାଗଲା । ସେମାନଙ୍କ ଭୋଜନକୁ ନେଇ କଣ ବ୍ୟବସ୍ଥା ହୋଇଛି ବୋଲି ସେ ସରକାରଙ୍କୁ ପଚାରିଛନ୍ତି ।

ସେ ଆହୁରି କହିଛନ୍ତି ଯେ, ଏହି ମହାମାରୀ ପାଇଁ କୌଣସି ଔଷଧ ନାହିଁ । ସାମାଜିକ ଦୂରତା ହିଁ ଏକମାତ୍ର ଉପାୟ । ୨୧ ଦିନରେ କେତେ ପରିମାଣରେ ଟେଷ୍ଟିଂ ହୋଇଛି, କ୍ଷମତା ସରକାର ବୃଦ୍ଧି କରିଛନ୍ତି ନା ନାହିଁ ସେନେଇ କିଛି କହିନାହାଁନ୍ତି । 

   Related Posts