Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ଦ୍ବିତୀୟ ଦିନରେ କଂଗ୍ରେସ ସ୍କ୍ରିନିଂ କମିଟି: ନବରଙ୍ଗପୁର, କଳାହାଣ୍ଡି, ପୁରୀ ଓ ଜଗତସିଂହପୁର ଜିଲ୍ଲାର ଟିକେଟ ଫାଇନାଲ ! ଅନ୍ୟ ଦଳ ସହ ମେଣ୍ଟ ପାଇଁ ଆରମ୍ଭ ହେଲା ପ୍ରସ୍ତୁତି

14/02/2019 at 8:06 PM

ଭୁବନେଶ୍ବର୧୪|୨: ୨୦୧୯ ସାଧରଣ ନିର୍ବାଚନ ପାଇଁ କଂଗ୍ରେସର ଜୋରଦାର ପ୍ରସ୍ତୁତି । ପ୍ରାର୍ଥୀ ଚୟନ ନେଇ କଂଗ୍ରେସ ଭବନ ଏବଂ ନବରଙ୍ଗପୁରରେ ସ୍କ୍ରିନିଂ କମିଟି କସରତ ଚଳାଇଛନ୍ତି। ରାହୁଲ ଗାନ୍ଧୀ ଯୁବ ନେତୃତ୍ବ ଉପରେ ଆସ୍ଥା ପ୍ରକଟ କରୁଥିବାରୁ ନୂଆ ଏବଂ ଯୁବ ପ୍ରାର୍ଥୀଙ୍କ ଲମ୍ବା ଲାଇନ୍ ଲାଗିଛି । ଏପଟେ ବିଜେପି ବିଜେଡିକୁ  ଟକ୍କର ଦେବା ପାଇଁ ଛୋଟ ଛୋଟ ଦଳକୁ ସାଙ୍ଗରେ ନେବା ପାଇଁ କମର କସିବା ଆରମ୍ଭ କରିଛି ପିସିସି ।

ଦ୍ବିତୀୟ ଦିନରେ କଂଗ୍ରେସ ସ୍କ୍ରିନିଂ କମିଟି । ଆଜି ପୁରୀ ଏବଂ ଜଗତସିଂହପୁର ସଂସଦୀୟ ଓ ବିଧାନସଭା କ୍ଷେତ୍ର ପାଇଁ  ପ୍ରାର୍ଥୀଙ୍କୁ ସ୍କ୍ରିନିଂ କରିଛି କମିଟି। ଜିଲ୍ଲା କମିଟି ପ୍ରାର୍ଥୀଙ୍କ ନାମ ସୁପାରିଶ କରିଥିଲେ ବି ଆଶାୟୀ ପ୍ରାର୍ଥୀମାନେ ହାତରେ ନିଜର ପ୍ରୋଫାଇଲ ଧରି କିମିଟି ପାଖରେ ହାଜର ହୋଇଥିଲେ । ଜଗତସିଂପୁର ଓ ପୁରୀ ସଂସଦୀୟ କ୍ଷେତ୍ର ପାଇଁ କେତେକ ହେଭିୱେଟ୍‌ ନେତା ଆଶାୟୀ ଅଛନ୍ତି । ସେପଟେ ନବରଙ୍ଗପୁରରେ ନବରଙ୍ଗପୁର ଓ  କଳାହାଣ୍ଡି ଜିଲ୍ଲାର ୨ଟି ଲୋକସଭା ଓ ୧୪ ଟି ବିଧାନସଭା ମଣ୍ଡଳୀର ପ୍ରାର୍ଥୀଙ୍କ ପାଇଁ କଂଗ୍ରେସର ପୁରୁଖା ନେତା, ଜୋନ୍ ସ୍ତରୀୟ କର୍ମୀ ତଥା ଡ଼ି ସି ସି ପଦାଧିକାରୀଙ୍କ ମତାମତ ନେଇଛନ୍ତି ସ୍କ୍ରିନିଂ କମିଟି ସଦସ୍ୟ ।

ପ୍ରାର୍ଥୀ ଚୟନ ନେଇ କଂଗ୍ରେସ ଭବନରେ ସ୍କ୍ରିନିଂ କମିଟି କସରତ ଚଳାଇଥିବାବେଳେ ମହାଗଠବନ୍ଧନ ନେଇ ଖୁବ ଶିଘ୍ର ନିଷ୍ପତ୍ତି ନେବ କଂଗ୍ରେସ । କଂଗ୍ରେସ ସହିତ ସମଭାବାପନ୍ନ ଦଳ ସିପିଆଇ, ସିପିଏମ  ଏବଂ ଜେଏମଏମ ସହ ଗଠବନ୍ଧନ ନେଇ କଥାବାର୍ତା ଚାଲିଛି ।

ସିପିଆଇ ଆସ୍କା ଏବଂ ଜଗତସିଂହପୁର ଲୋକସଭା ଆସନ ଏବଂ ୧୨ ବିଧାନସଭା ଆସନ ଦାବି କରିଛି।  ଏପଟେ ସିପିଏମ ଗୋଟିଏ ଭୁବନେଶ୍ବର ଲୋକସଭା ସହିତ ୭ଟି ବିଧାନସଭା ଆସନ ପାଇଁ ମୂଲଚାଲ କରୁଛି। ଜେଏମଏମ ବି ଗୋଟିଏ ଲୋକସଭା ସହିତ କିଛି ବିଧାନସଭା ସେୟାର କରିବା  ଲକ୍ଷ୍ୟରେ ରହିଛି।  ମାସ ଶେଷ ସୁଦ୍ଧା ଏସମ୍ପର୍କରେ ଚୂଡାନ୍ତ ନିଷ୍ପତି ନେବ ପିସିସି।

ରାହୁଲ ଓ ନିରଞ୍ଜନଙ୍କ ନେତୃତ୍ବରେ କଂଗ୍ରେସ  ଉଭୟ ଲୋକସଭା ଏବଂ ବିଧାନସଭା ଆସନ ଉପ​‌ରେ ଫୋକସ ରଖିଛି। ଭଲ ପ୍ରାର୍ଥୀ ସମେତ ବିଭିନ୍ନ ଛୋଟ ଛୋଟ ଦଳ ସହ ମେଣ୍ଟ ହେଲେ ଦଳ ଭଲ ପ୍ରଦର୍ଶନ କରିବ ବୋଲି ଆଶା ରଖିଛି ।

   Related Posts