Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିଜେଡି ଟିକେଟ କଟିବା ନେଇ ଅଡିଓ : ‘ନବୀନ ନିବାସରୁ ହୋଇଛି ଜାରୀ’ !

ଭୁବନେଶ୍ବର୨୫|୨(ଲକ୍ଷ୍ମୀଧର ମହାପାତ୍ର): ଭାଇରାଲ ହେଲ ବିଜେଡିର ଅଡିଓ ଟେପ ।  ଏହି ଅଡିଓ ଟେପକୁ ନେଇ  ବିଜେଡି ଶିବିରରେ ଦେଖାଦେଇଛି ଛନକା । ଆଉ ଏହି ଅଡିଓ ଟେପ୍ ଶୁଣି ଟିକେଟ କଟିବା ଭୟରେ କିଛି ବିଧାୟକ ମଧ୍ୟ ମାଡି ଆସିଥିଲେ ସଚିବାଳୟ । ଏପ​‌ଟେ ବିଜେଡି କହିଛି ଏହି ଅଡିଓ ଟେପ ବିଜେଡିର ନୁହେଁ । ଏହି ଅଡିଓ ଟେପକୁ ଭାଇରାଲ ପଛରେ ବିଜେପି ହାତଥିବା ବିଜେଡି ଇଙ୍ଗିତ କରିଥିବା ବେଳେ କଂଗ୍ରେସ  କହିଛି ଏହି ଅଡିଓ ଟେପ ନବୀନ ନିବାସରୁ ହି ଜାଣିଶୁଣି  ଛଡାଯାଇଛି। …

ହଇଚଇ ପକେଇଛି ଅଡିଓ ଟେପ । ଛାତି ଧଡ଼ ଧଡ଼ କଲାଣି ଅଡିଓ ଟେପ୍‌  । କାହାର ଟିକେଟ କଟିବା କାହାର ରହିବ ତାକୁ ନେଇ ଏବେ ହୁଲସ୍ତୁଲ । ଏହି ଅଡିଓ ଟେପକୁ ବି​‌ଜେଡି ଶିବିରରେ ଜୋର ଚର୍ଚ୍ଚା । ଅଡିଓ କାହାର ଜଣାପଡିନି କିନ୍ତୁ କେଉଁ କେଉଁ ବିଧାୟକଙ୍କ୍ ଟିକେଟ କଟିବ ଗୋଟି ଗୋଟି କରି ତାର ଲମ୍ବା ତାଲିକା ହୋଇ ସାରିଛି। 

କଟକରୁ ବିଧାୟକ ପ୍ରଭାତ ତ୍ରିପାଠୀ, ପ୍ରଭାତ ବିଶ୍ବାଳ, ସେହିପରି ଜଗତସିଂହପୁରରୁ  ରାଜଶ୍ରୀ  ମଲ୍ଲିକ, କେନ୍ଦ୍ର ପଡାରୁ କିଶୋର ତରାଇ ଓ ବେଦ ପ୍ରକାଶ ଅଗ୍ରଓ୍ବାଲ , ଯାଜପୂରରୁ ଆକାଶ ଦାସ ନାୟକ,ଭଦ୍ରକରୁ ଯୁଗଳ କିଶୋର ପଟ୍ଟନାୟକ ଏବଂ ମୁକ୍ତିକାନ୍ତ ମଣ୍ତଳ ଏହି ସବୁ ଜିଲ୍ଲାର ତାଲିକା ଏହି ଟେପରେ ରହିଛି । କିନ୍ତୁ ଏହି ଟେପକୁ ସ୍ବୀକାର କରୁନି ବିଜେଡି । ଏଭଳି ଅଡିଓ ଭାଇରାଲ କରିବା ପଛରେ ବିଜେପିର ହାତ ଅଛି ବୋଲି ଅଭିଯୋଗ କରିଛନ୍ତି ସସ୍ମିତ ପାତ୍ର ।

ଓଲଟି ବିଜେପିକୁ ଆଙ୍ଗୁଳି ଦେଖାଇଛି ବିଜେଡି। ଏସବୁ ବିଜେପି କରିଛି ବୋଲି କହିଛି । ସେପଟେ  ବିଜେପି କହିଛି  ବିଜେଡିକୁ ବିଜେପି ଭୂତ କାମୁଡି ଦେଇଛି । ଏପଟେ କଂଗ୍ରେସ କହିଛି । ଏଭଳି ଅଡିଓ ଟେପ  ନବୀନ ନିବାସରୁ ଜାରି କରାଯାଇଛି।

ବହୁ ପୂର୍ବରୁ ୪୦ରୁ ଉର୍ଦ୍ଧ ବିଧାୟକ ଟିକେଟ କଟିବା ନେଇ ବିଜେଡି ଶିବିରରେ ଚର୍ଚ୍ଚା ହେଉଥିଲା। ହେଳେ କାହାର କଟିବ କାହାର ରହବି ତା ତାହା ଦଳ ସୁପ୍ରିମୋଙ୍କ ହାତର କଥା। କିନ୍ତୁ  ତାପୂର୍ବରୁ ଏହି ଅଡିଓ ଟେପ ଏବେ ରାଜନୈତିକ ପାଣିକୁ ଗୋଳିଆ କରିଛି।

   Related Posts