Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରିପଦା : ଦିନ ଦ୍ବିପ୍ରହରରେ ଲୁଟ୍, ମହିଳାଙ୍କ ବେକରୁ ସୁନା ଚେନ୍ ଝାମ୍ପିନେଲେ ଦୁର୍ବୃତ୍ତ
  • ||
  • ବାରିପଦା : ୪୦ ଲକ୍ଷ ଟଙ୍କାର ଧଳା ଜହର ଜବତ, ଜଣେ ଗିରଫ
  • ||
  • ଖୋର୍ଦ୍ଧା : ଅଟୋ ଓ କାର୍ ମୁହାଁମୁହିଁ ଧକ୍କା, ୮ ଆହତ
  • ||
  • ଝାରସୁଗୁଡା : ଜାଲ୍ ନୋଟ୍ କାରବାରର ପର୍ଦ୍ଦାଫାଶ, ୫୭ହଜାର ଟଙ୍କାର ନକଲି ନୋଟ୍ ଜବତ, ରେଳବାଇ କର୍ମଚାରୀ ଗିରଫ
  • ||
  • ପୁରୀ : ମହାପ୍ରଭୁଙ୍କ ଦର୍ଶନ ପାଇଁ ବ୍ୟାରିକେଡ଼ରେ କରିଥିଲେ ଅପେକ୍ଷା, ହଠାତ୍ ଅସୁସ୍ଥ ହୋଇପଡିଲେ ଭକ୍ତ
  • ||
  • ଅନୁଗୋଳ : ଅନନ୍ତ କୋଇଲା ଖଣିରେ ଅଘଟଣ, କୋଇଲା ଲୋଡିଂ ବେଳେ ପୋତିହୋଇଗଲେ ଜଣେ
  • ||
  • ବ୍ରହ୍ମପୁର : ଭିଜିଲାନ୍ସ ପଞ୍ଝାରେ ଆରଆଇ, ଜମି ନିର୍ଦ୍ଧାରଣ ପାଇଁ ୫ ହଜାର ଟଙ୍କା ନେବାବେଳେ ଧରାପଡିଲେ
  • ||
  • ଭୁବନେଶ୍ବର : ଦିନରେ ରଙ୍ଗମିସ୍ତ୍ରୀ, ରାତିରେ ଚୋରୀ, ୫ ବର୍ଷ ଧରି ଖୋଜୁଥିଲା ପୋଲିସ, ଶେଷରେ ଧରାପଡିଲା
  • ||
  • କଟକ : ରମଜାନ ପାଇଁ ସିଏମସିର ଗାଇଡ୍‌ଲାଇନ୍, ନମାଜ ପାଠ ପାଇଁ ୧୦୦ ଲୋକଙ୍କୁ ଅନୁମତି
  • ||
  • ଜଳେଶ୍ବର : ନଦୀ ପଠାରୁ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ ଠାବ, ସ୍ବାମୀ ହତ୍ୟା କରିଥିବା ଅଭିଯୋଗ ଆଣିଲେ ବାପଘର
  • ||

ରାଜ୍ୟସଭା ପ୍ରାର୍ଥୀ ଅଶ୍ବିନୀ ବୈଷ୍ଣବଙ୍କୁ ବିଧାନସଭାରେ ମୁଖ୍ୟମନ୍ତ୍ରୀଙ୍କୁ କଂଗ୍ରେସର ତୀରମାଡ, ଅଶ୍ବିନୀ କହିଲେ ନିର୍ବାଚନ ସରୁ ସବୁ କହିବି

26/06/2019 at 6:16 PM

ଭୁବନେଶ୍ବର୨୬|୬: ବିଧାନସଭାରେ ଅଶ୍ବିନୀ ଝଡ଼ । ରାଜ୍ୟସଭା ପ୍ରାର୍ଥୀ ଅଶ୍ବିନୀ ବୈଷ୍ଣବଙ୍କୁ ବିଜେଡିର ସମର୍ଥନ ପ୍ରସଙ୍ଗ ଉଠାଇ ଗୃହରେ ମୁଖ୍ୟମନ୍ତ୍ରୀଙ୍କ ଉତ୍ତର ଦାବି କରିଛି କଂଗ୍ରେସ । ଖଣି ଦୁର୍ନୀତିରେ ସିବିଆଇ ତଦନ୍ତ ଚାପିବାକୁ ଖଣି ମାଲିକ ଏବଂ ସରକାର ଏକାଠି ହୋଇ ଅଶ୍ବିନୀଙ୍କୁ ରାଜ୍ୟସଭା ପଠାଇବାକୁ ଯୋଜନା କରିଛନ୍ତି ବୋଲି ଅଭିଯୋଗ କରିଛି ଦଳ । ହେଲେ ଏହାକୁ ଗୃହ ବାହାର ପ୍ରସଙ୍ଗ କହି ଏଡ଼ାଇବାକୁ ଚେଷ୍ଟା କରିଛନ୍ତି ଉଭୟ ବିଜେଡି ଓ ବିଜେପି ।  ସେପଟେ କଂଗ୍ରେସର ଏଭଳି ଅଭିଯୋଗକୁ ନେଇ ମୁହଁ ଖୋଲିଛନ୍ତି ଅଶ୍ବିନୀ ବୈଷ୍ଣବ । କହିଛନ୍ତି ଅଭିଯୋଗ ସମ୍ପୂର୍ଣ୍ଣ ମିଥ୍ୟା ଓ ଭିତ୍ତିହୀନ । ସତ୍‌ସାହସ ନଥିଲେ ତଦନ୍ତ କଥା କହିନଥାନ୍ତି ।

ବିଧାନସଭାରେ -ଅଶ୍ବିନୀ ଝଡ଼ । ମଉକା ଦେଖି ବିରୋଧୀ ଦଳ ନେତା ପ୍ରସଙ୍ଗ ଆଳରେ ରାଜ୍ୟସଭା ପ୍ରାର୍ଥୀ ଅଶ୍ବିନୀ ବୈଷ୍ଣବଙ୍କ ପ୍ରସଙ୍ଗକୁ ଆଜି ଗୃହରେ ଉଠାଇଥିଲା କଂଗ୍ରେସ । ବିଭିନ୍ନ ଖଣି ମାଫିଆଙ୍କ ସହ ଅଶ୍ବିନୀଙ୍କ ସମ୍ପର୍କ ରହିଛି । ଏନେଇ ସିବିଆଇ ତଦନ୍ତ କରୁଛି । ଏମିତିକି ଇଚ୍ଛାଧୀନ କୋଟାରେ ମଧ୍ୟ ଅଶ୍ବିନୀଙ୍କ ସମ୍ପୃକ୍ତି ରହିଛି । ଯାହାର ତଦନ୍ତ କରୁଛି ଭିଜିଲାନ୍ସ୍‌ । ଏଭଳି ସ୍ଥିତିରେ ଜଣେ ବାହାର ରାଜ୍ୟର ବ୍ୟକ୍ତିଙ୍କୁ ମୁଖ୍ୟମନ୍ତ୍ରୀ କାହିଁକି ରାଜ୍ୟସଭା ପଠାଇବାକୁ ସମର୍ଥନ ଘୋଷଣା କରିଛନ୍ତି ଗୃହରେ ତା’ର ଉତ୍ତର ଦାବି କରିଥିଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ସେହିଭଳି ପ୍ରଭାକରନ୍‌, ଗୃହମନ୍ତ୍ରୀ ଅମିତ୍‌ ଶାହାଙ୍କ ପୁଅ, ହରିୟାଣା ଅର୍ଥମନ୍ତ୍ରୀଙ୍କ ଭାଇ ଏବଂ ଜିନ୍ଦଲ ମାଲିକ ଖଣି ଦୁର୍ନୀତି କଥା ଉଠାଇ ପ୍ରସଙ୍ଗ ତେଜିବାକୁ ଚେଷ୍ଟା କରିଥିଲେ କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା । ଆଉ ଖଣି ଦୁର୍ନୀତି ଚାପିବାକୁ ଅଶ୍ବିନୀଙ୍କୁ ରାଜ୍ୟସଭା ପଠାଯାଉଛି ବୋଲି ଅଭିଯୋଗ କରିଥିଲେ ।

ସେପଟେ କଂଗ୍ରେସର ଏଭଳି ଆରୋପ ଅଭିଯୋଗକୁ ଗୃହ ବାହାରର ପ୍ରସଙ୍ଗ କହି ଏଡ଼ାଇବାକୁ ଚେଷ୍ଟା କରଛନ୍ତି ଉଭୟ ବିଜେଡି ଓ ବିଜେପି ନେତା

ଏପଟେ ଗୃହରେ କଂଗ୍ରେସ ଅଶ୍ବିନୀଙ୍କ ବିରୋଧରେ ଗୋଟିଏ ପରେ ଗୋଟିଏ ଅଭିଯୋଗ ଯୋଡ଼ି ଉଭୟ ବିଜେଡି ଓ ବିଜେପି ଉପରେ ହମଲା କରିବା ମୁଡ୍‌ରେ ଥିବା ବେଳେ ସେପଟେ ମୁହଁ ଖୋଲିଛନ୍ତି ଅଶ୍ବିନୀ ବୈଷ୍ଣବ ।  କହିଛନ୍ତି ତାଙ୍କ ବିରୋଧରେ ଅଭିଯୋଗ ସମ୍ପୂର୍ଣ୍ଣ ମିଥ୍ୟା ଓ ଭିତ୍ତିହୀନ । ଅଭିଯୋଗ ଆଣିଥିବା ବ୍ୟକ୍ତି ପ୍ରମାଣ ଦିଅନ୍ତୁ । ନିର୍ବାଚନ ପ୍ରକ୍ରିୟା ଶେଷହେବା ପରେ ସବୁ ପ୍ରଶ୍ନର ଉତ୍ତର ଦେବେ ବୋଲି କହିଛନ୍ତି ଅଶ୍ବିନୀ ।

ବିଜେପିର ରାଜ୍ୟସଭା ପ୍ରାର୍ଥୀ ଅଶ୍ବିନୀ ବୈଷ୍ଣବଙ୍କୁ ବିଜେଡି ସମର୍ଥନ କରିବା ଦେଖି କଂଗ୍ରେସ ଆଉ ଥୟ ଧରିବା ମୁଡ୍‌ରେ ନାହିଁ । ଏମିତିକି ବିଧାନସଭା ଗୃହରେ ମଧ୍ୟ ଅଶ୍ବିନୀ ପ୍ରସଙ୍ଗ ଉଠାଇ ଉଭୟ ବିଜେଡି ଓ ବିଜେପିକୁ ଟାର୍ଗେଟ୍‌ କରିବାକୁ ଚେଷ୍ଟା କରିଛି ।

   Related Posts