Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମର୍ମନ୍ତୁଦ ସଡ଼କ ଦୁର୍ଘଟଣା, ଟ୍ରକ ମାଡିଯାଇ ୧୪ ଶ୍ରମିକ ମୃତ
  • ||
  • ଧାନ ଖଳାକୁ ଯାଇଥିଲେ ନିରଞ୍ଜନ, କଚାଡି ମାରିଦେଲା ହାତୀ
  • ||

ଯୁବକଙ୍କୁ ଅପହରଣ ଓ ମରଣାନ୍ତକ ଆକ୍ରମଣ ଘଟଣା : ମାଷ୍ଟର ମାଇଣ୍ଡକୁ ଗିରଫ ଦାବିରେ ସଦର ଥାନା ଘେରାଉ କଲା କଂଗ୍ରେସ

8/01/2021 at 3:01 PM

ବଲାଙ୍ଗୀର ୮।୧: ବଲାଙ୍ଗୀର ସଦର ଥାନା ମାଙ୍କଡଚୂଆଁ ଗାଁରେ ଯୁବକଙ୍କୁ ଅପହରଣ ସହ ମରଣାନ୍ତକ ଆକ୍ରମଣ ଘଟଣାରେ ସଦର ଥାନା ଘେରାଉ କରିଛି ଜିଲ୍ଲା କଂଗ୍ରେସ । ଯୁବକ ଶ୍ରୀକର ମିର୍ଧାଙ୍କୁ ମାଡ ମାରିଥିବ ଅଭିଯୁକ୍ତଙ୍କ ସହ ଘଟଣାର ମାଷ୍ଟର ମାଇଣ୍ଡ ସ୍ଥାନୀୟ ସରପଞ୍ଚଙ୍କ ଗିରଫ ଦାବି କରିଛି କଂଗ୍ରେସ । ଏନେଇ ଶୁକ୍ରବାର ସଦର ଥାନା ଘେରାଉ କରିବା ସହ ସମସ୍ତ ଅଭିଯୁକ୍ତକୁ ଗିରଫ ଦାବି କରି ଆନ୍ଦୋଳନ କରିଛି ।

ତେବେ ଗତ ୧ ତାରିଖରେ ଭୋଜି କରିବାକୁ ଯାଇଥିବା ଶ୍ରୀକରଙ୍କ ଉପରେ ହୋଇଥିଲା ଆକ୍ରମଣ । ଏନେଇ ଥାନାରେ ଏତଲା ଦେଇଥିଲେ ପରିବାର ଲୋକ । ପରେ ଏହାକୁ ନେଇ ସ୍ଥାନୀୟ ସରପଞ୍ଚଙ୍କ ସମ୍ପୃକ୍ତି ଥିବା ସହ ନିଜେ ସରପଞ୍ଚ ଶ୍ରୀକରଙ୍କ ପରିବାର ଲୋକଙ୍କୁ ଅଭିଯୋଗ କରିବାରୁ ଧମକ ଦେଇଥିବା ଅଭିଯୋଗ କରିଛନ୍ତି ପରିବାର ଲୋକ ।

ସେପଟେ ଏନେଇ ଜଣକୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ମୁଖ୍ୟ ଅଭିଯୁକ୍ତ ଓ ମାଷ୍ଟର ମାଇଣ୍ଡ ସରପଞ୍ଚ ରାଜେନ୍ଦ୍ର ହୋତାକୁ ଗିରଫ କରି ଛାଡି ଦେଇଥିବା ଅଭିଯୋଗ ଆଣିଛି କଂଗ୍ରେସ । ତେବେ ତୁରନ୍ତ ଗିରଫ କରିବା ଦାବିରେ ଥାନା ଘେରାଉ କରିବା ସହ ଗିରଫ ନ କରିବା ପର୍ଯ୍ୟନ୍ତ ଥାନାରୁ ଉଠିବେ ନାହିଁ ବୋଲି ଚେତାବନୀ ଦେଇଥିଲା କଂଗ୍ରେସ । ସେପଟେ ଏନେଇ କୌଣସି ପ୍ରତିକ୍ରିଆ ରଖିବାକୁ ସିଧା ସିଧା ମନା କରିଦେଇଛି ପୋଲିସ ।

   Related Posts