ଭୁବନେଶ୍ବର ୨୭।୧୦: କଳାହାଣ୍ଡି ଜିଲ୍ଲା ମହାଲିଙ୍ଗ୍ ସ୍ଥିତ ସନସାଇନ୍ ପବ୍ଲିକ୍ ସ୍କୁଲ୍ ଅଧ୍ୟକ୍ଷା ମମିତା ମେହେର ହତ୍ୟା ଘଟଣାରେ ସରକାରଙ୍କ ନୀରବତାକୁ ବରଦାସ୍ତ କରାଯିବନାହିଁ । କଂଗ୍ରେସ ଏନେଇ ସରକାରଙ୍କ ବିରୋଧରେ ଆନ୍ଦୋଳନ ଜାରି ରଖିଛି । ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର ଏମଏସଏମଇ ବିଭାଗର ବୈଠକରେ ଯୋଗ ଦେଉଛନ୍ତି ହେଲେ ନିଜ ବିରୋଧରେ ଆସୁଥିବା ଅଭିଯୋଗ ନେଇ ମୁହଁ ଖୋଲୁନାହାନ୍ତି ।
ବିଜେଡିର ବରିଷ୍ଠ ମୁଖପାତ୍ରମାନେ କୁଆଡେ ଗଲେ ବୋଲି ପ୍ରଶ୍ନ କଲେ କଂଗ୍ରେସ ମୁଖପାତ୍ର ପଦ୍ମାକର ଗୁରୁ । ମହାଲିଙ୍ଗ୍ କଲେଜକୁ ଗଣଶିକ୍ଷା ମନ୍ତ୍ରୀ ଗଲେ ନାହିଁ ହେଲେ ଆଇନ ମନ୍ତ୍ରୀ ଯାଇ କାହିଁକି ପ୍ରଶଂସାରେ ପୋତି ଦେଉଥିଲେ ବୋଲି ପ୍ରଶ୍ନ କଲା କଂଗ୍ରେସ । ମହିଳା ଓ ଶିଶୁ ବିକାଶ ମନ୍ତ୍ରୀ ନିଜ ଜିଲ୍ଲାର ଘଟଣା ହୋଇ ସମବେଦନା ନ ଜଣାଇବା ଲଜ୍ଜାଜନକ ଘଟଣା ବୋଲି କଂଗ୍ରେସ କହିଛି ।